ಜ.10ರಿಂದ ಮಂಗಳೂರು ಲಿಟ್ ಫೆಸ್ಟ್: ಎಸ್.ಎಲ್.ಭೈರಪ್ಪಗೆ ಗೌರವಾರ್ಪಣೆ-S.L. Bhyrappa

ಮೊದಲ ದಿನ 4 ಗೋಷ್ಠಿ ಮತ್ತು 2ನೇ ದಿನ 3 ಗೋಷ್ಠಿಗಳು ಇರಲಿವೆ.‘ಅನುವಾದಗಳಲ್ಲಿ ಭೈರಪ್ಪ’ ಎಂಬ ಗೋಷ್ಠಿಯನ್ನು ಡಾ.ಎಂ.ಎಸ್.ವಿಜಯಾ ಹರನ್, ಡಾ.ಎಚ್.ಆರ್.ವಿಶ್ವಾಸ್ ನಡೆಸಿಕೊಡಲಿದ್ದಾರೆ. ಭೈರಪ್ಪನವರ ಸಾಹಿತ್ಯದಲ್ಲಿ ಇತಿಹಾಸ ಪ್ರಜ್ಞೆ ಸಂವಾದದಲ್ಲಿ ಸಂದೀಪ್ ಬಾಲಕೃಷ್ಣ, ರೋಹಿತ್ ಚಕ್ರತೀರ್ಥ ಭಾಗಿಯಾಗಲಿದ್ದಾರೆ. ಭೈರಪ್ಪನವರ ಸಾಹಿತ್ಯದಲ್ಲಿ ರಾಜನೀತಿಯ ಪಾತ್ರ, ಲೋಕಪ್ರಜ್ಞೆಯ ಪಾರಮ್ಯ ಎಂಬ ವಿಷಯದ ಕುರಿತು ವಿಕ್ರಮ್ ಫಡ್ಕೆ, ಕಶ್ಯಪ್ ಎನ್.ನಾಯ್ಕ ಸಂವಾದಿಸಲಿದ್ದಾರೆ. ರಾಷ್ಟ್ರಪ್ರಶಸ್ತಿ ವಿಜೇತ ನಿರ್ದೇಶಕ ಪಿ.ಶೇಷಾದ್ರಿ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಭೈರಪ್ಪ ಬದುಕು ಮತ್ತು ಬರಹ ಸಾಕ್ಷ್ಯಚಿತ್ರ ಪ್ರದರ್ಶನ ಇರಲಿದೆ.

ಜ.11ರಂದು ಭೈರಪ್ಪನವರ ಸಾಹಿತ್ಯದಲ್ಲಿ ಕಲೆ, ರಸ, ಧ್ವನಿ ಗೋಷ್ಠಿಯನ್ನು ಅರ್ಜುನ್ ಭಾರದ್ವಾಜ್, ಬಿ.ಎನ್. ಶಶಿಕಿರಣ್ ನಡೆಸಿಕೊಡಲಿದ್ದಾರೆ. ಭೈರಪ್ಪ ಅವರ ಕಾದಂಬರಿಗಳಲ್ಲಿ ಸಾಮಾಜಿಕ ಒಳನೋಟಗಳು ಎಂಬ ಗೋಷ್ಠಿಯಲ್ಲಿ ಡಾ.ಜಿ.ಬಿ.ಹರೀಶ, ದಿವಾಕರ ಹೆಗಡೆ ಕೆರೆಹೊಂಡ ಭಾಗಿಗಲಿದ್ದಾರೆ. ‘ಭೈರಪ್ಪನವರ ಬೆಳಕಲ್ಲಿ ಮುಂದೆ ಬೆಳಯಬಹುದಾದ ಸಾಹಿತ್ಯ ಗೋಷ್ಠಿಯಲ್ಲಿ ಶತಾವಧಾನಿ ಡಾ.ಆರ್. ಗಣೇಶ್, ಡಾ. ಜಿ.ಬಿ.ಹರೀಶ ನಡೆಸಿಕೊಡಲಿದ್ದಾರೆ. ಈ ವೇಳೆ ಹಲವು ಲೇಖಕರು, ಸಾಹಿತಿಗಳು ಉಪಸ್ಥಿತರಲಿದ್ದಾರೆ.