ಮಧುಗಿರಿ ತಾಪಂ ದ್ವೀತಿಯ ದರ್ಜೆ ಸಹಾಯಕಿ, ಪತಿ ಅರೆಸ್ಟ್​

ತಾಪಂ ಕಚೇರಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ದ್ವೀತಿಯ ದರ್ಜೆ ಸಹಾಯಕಿ ಸೌಮ್ಯಾ ಅವರು ನಿವೃತ್ತ ಹಾಗೂ ಮೃತ ಸರ್ಕಾರಿ ನೌಕರರ ಅಂತಿಮ ಗಳಿಕೆ ರಜೆ ನಗದೀಕರಣ ಬಿಲ್​ಗಳನ್ನು ಅನಧಿಕೃತವಾಗಿ ಸೃಷ್ಟಿಸಿ, ತಮ್ಮ ಕುಟುಂಬದ ಸದಸ್ಯರು ಹಾಗೂ ಇತರರ ಬ್ಯಾಂಕ್​ ಖಾತೆಗಳಿಗೆ ಸರ್ಕಾರಿ ಹಣ ವರ್ಗಾವಣೆ ಮಾಡಿಕೊಂಡು ಸರ್ಕಾರಕ್ಕೆ ವಂಚನೆ ಎಸಗಿದ್ದಾರೆ ಎಂಬ ಆರೋಪ ಕೇಳಿಬಂದಿತ್ತು. ಈ ಹಿನ್ನೆಲೆಯಲ್ಲಿ ಜಿಪಂ ಸಿಇಒ ಬಿ.ವಿ.ಅಶ್ವಿಜ ಅವರು ಸೌಮ್ಯಾ ಅವರನ್ನು ಅಮಾನತು ಮಾಡಿ ಪ್ರಕರಣ ದಾಖಲಿಸಲು ಆದೇಶಿಸಿದ್ದರು. ನಂತರ ಈ ಪ್ರಕರಣದಲ್ಲಿ ಎ&1 ಸೌಮ್ಯಾ, ಎ&2 ರಮೇಶ್​, ಎ&3 ಶಿವಲೀಲಾ, ಎ&4 ಪ್ರವಿಣ್​, ಎ&5 ಸುಮಾ ಹಾಗೂ ಎ&6 ಮೀನಾ ವಿರುದ್ಧ ಪ್ರಕರಣ ದಾಖಲಿಸಲಾಗಿತ್ತು. ಇಬ್ಬರು ಪ್ರಮುಖ ಆರೋಪಿಗಳನ್ನು ಪೊಲೀಸರು ವಶಕ್ಕೆ ಪಡೆದು ತನಿಖೆ ಮುಂದುವರಿಸಿದ್ದಾರೆ.

ವಿವಿಧ ಖಾತೆಗೆ ಹಣ ವರ್ಗಾವಣೆ: ಪರಿಶೀಲನೆ ವೇಳೆ ನಿವೃತ್ತ ವ್ಯವಸ್ಥಾಪಕಿ ಮಂಜುಳಮ್ಮಗೆ 4,91,730 ಹಾಗೂ ನಿವೃತ್ತ ಕಾರ್ಯದರ್ಶಿ ರಂಗನಾಥಯ್ಯಗೆ 14,850 ಮಾತ್ರ ನ್ಯಾಯಬದ್ಧ ಪಾವತಿಗಳಾಗಿದ್ದು, ಉಳಿದ ಸುಮಾರು 4.19 ಕೋಟಿ ರೂ. ಅನುಮಾನಾಸ್ಪದವಾಗಿ ಪಾವತಿಯಾಗಿರುವುದು ಬೆಳಕಿಗೆ ಬಂದಿತ್ತು. ದೂರಿನ ಪ್ರಕಾರ, ಕಾರ್ಯನಿರ್ವಾಹಕ ಅಧಿಕಾರಿಗಳ ಖಜಾನೆ&2 ಲಾಗಿನ್​ ಹಾಗೂ ಡಿಜಿಟಲ್​ ಸಹಿ ಕೀಗಳನ್ನು ಅನಧಿಕೃತವಾಗಿ ಬಳಸಿ 2020ರ ಫೆಬ್ರವರಿಯಿಂದ 2025ರ ಮಾರ್ಚ್​ವರೆಗೆ ಹಲವು ನಕಲಿ ಗಳಿಕೆ ರಜೆ ನಗದೀಕರಣ ಪ್ರಕ್ರಿಯೆ ನಡೆಸಲಾಗಿದೆ. ಈ ಹಣವನ್ನು ಜಿ.ಆರ್​.ರಮೇಶ್​, ಜಿ.ಆರ್​.ಶಿವಲೀಲಾ, ಜಿ.ಆರ್​.ಸುಮಾ, ಜಿ.ಆರ್​.ಮೀನಾ ಹಾಗೂ ಕಚೇರಿ ಸಿಬ್ಬಂದಿ ಎಂ.ಎನ್​.ಪ್ರವಿಣ್​ ಅವರ ವಿವಿಧ ಬ್ಯಾಂಕ್​ ಖಾತೆಗಳಿಗೆ ವರ್ಗಾವಣೆ ಮಾಡಲಾಗಿದೆ ಎಂದು ಆರೋಪಿಸಲಾಗಿದೆ.\

ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ 147 ಪ್ರಕರಣಗಳಲ್ಲಿ 82.77 ಲ ರೂ. ಮೊತ್ತದ ಫಲಾನುಭವಿಗಳ ವಿವರಗಳು ಹೊಂದಿಕೆಯಾಗದ ಹಿನ್ನೆಲೆಯಲ್ಲಿ ಪರಿಶೀಲನೆ ನಡೆಸುವಂತೆ ಸೂಚಿಸಿದ್ದರೂ ಅಗತ್ಯ ದಾಖಲೆ ಒದಗಿಸದ ಆರೋಪದ ಮೇರೆಗೆ ಮಧುಗಿರಿ ತಾಪಂ ಇಒ ಲ್ಮಣ್​ ಹಾಗೂ ಈ ಹಿಂದೆ ಮಧುಗಿರಿಯಲ್ಲಿ ಕರ್ತವ್ಯ ನಿರ್ವಹಿಸಿದ್ದ ಚಿಕ್ಕನಾಯಕನಹಳ್ಳಿ ತಾಪಂ ಇಒ ದೊಡ್ಡಸಿದ್ದಪ್ಪ ಅವರನ್ನು ಸಹ ಜಿಪಂ ಸಿಇಒ ಮೇ 29ರಂದು ಅಮಾನತು ಮಾಡಿದ್ದರು.