ರಾಜ್ಯ

ಮಹಿಳೆಯರೂ ಎಲ್ಲ ಕ್ಷೇತ್ರದಲ್ಲೂ ಛಾಪು ಮೂಡಿಸಲಿ / ANEKAL

ಆನೇಕಲ್​ ತಾಲೂಕಿನ ಕಾವಲಹೊಸಹಳ್ಳಿಯ ಅಲೆಯನ್ಸ್​ ವಿಶ್ವ ವಿದ್ಯಾಲಯದಿಂದ ಆಯೋಜಿಸಿದ್ದ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ವಿವಿಧ ಕ್ಷೇತ್ರದಲ್ಲಿ ಸಾಧನೆ ಗೈದ ಮಹಿಳೆಯರನ್ನು ಸನ್ಮಾನಿಸಲಾಯಿತು. ಶೈಲಾ ಛಬ್ಬಿ, ರಿಜಿಸ್ಟ್ರಾರ್​ ವಿಶ್ವನಾಥಯ್ಯ, ರಿಜಿಸ್ಟ್ರಾರ್​ ಜನರಲ್​ ಸುರೇಖಾಶೆಟ್ಟಿ, ಸನತ್​ ಕುಮಾರ್​ ಇದ್ದರು.
ಆನೇಕಲ್​ ತಾಲೂಕಿನ ಕಾವಲಹೊಸಹಳ್ಳಿಯ ಅಲೆಯನ್ಸ್​ ವಿಶ್ವ ವಿದ್ಯಾಲಯದಿಂದ ಆಯೋಜಿಸಿದ್ದ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ವಿವಿಧ ಕ್ಷೇತ್ರದಲ್ಲಿ ಸಾಧನೆ ಗೈದ ಮಹಿಳೆಯರನ್ನು ಸನ್ಮಾನಿಸಲಾಯಿತು. ಶೈಲಾ ಛಬ್ಬಿ, ರಿಜಿಸ್ಟ್ರಾರ್​ ವಿಶ್ವನಾಥಯ್ಯ, ರಿಜಿಸ್ಟ್ರಾರ್​ ಜನರಲ್​ ಸುರೇಖಾಶೆಟ್ಟಿ, ಸನತ್​ ಕುಮಾರ್​ ಇದ್ದರು.
ಬೆಂಗಳೂರು ಗ್ರಾಮಾಂತರ ಡೆಸ್ಕ್
Published on: 
ಆನೇಕಲ್​ : ಮಹಿಳೆಯರು ಅನೇಕ ಸವಾಲುಗಳ ಮಧ್ಯೆ ಅವಕಾಶ ಮಾಡಿಕೊಂಡು ಸಾಧನೆ ಮಾಡಿ ಸಮಾಜಕ್ಕೆ ಕೊಡುಗೆ ನೀಡಬೇಕು ಎಂದು ಇಸ್ರೋ ವಿಜ್ಞಾನಿ ಶಿವಾನಿ ಕೊಣಂದೂರ್​ ಸಲಹೆ ನೀಡಿದರು.
ಮಹಿಳಾ ದಿನಾಚರಣೆ ಪ್ರಯುಕ್ತ ತಾಲೂಕಿನ ಕಾವಲಹೊಸಹಳ್ಳಿಯ ಅಲೆಯನ್ಸ್​ ವಿಶ್ವ ವಿದ್ಯಾಲಯದಿಂದ ಆಯೋಜಿಸಿದ್ದ ವಿವಿಧ ಕ್ಷೇತ್ರದಲ್ಲಿ ಸಾಧನೆ ಗೈದ ಮಹಿಳೆಯರಿಗೆ ಅಲೆಯನ್ಸ್​ ಸ್ಪಂದನ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಮಾತನಾಡಿದರು.ಇತ್ತೀಚೆಗೆ ಸಮಾಜದಲ್ಲಿ ಹೆಣ್ಣು ಏನು ಬೇಕಾದರೂ ಸಾಧಿಸುವ ಅವಕಾಶ ಸಿಗುತ್ತಿದೆ. ಮಹಿಳೆಯರು ಭಯಪಡದೆ ಧೈರ್ಯವಾಗಿ ಮುಂದೆ ಬಂದು ಕಾರ್ಯ ಕ್ಷಮತೆ ತೋರಿಸಬೇಕು ಎಂದರು.
ಅಲೆಯನ್ಸ್​ ವಿಶ್ವವಿದ್ಯಾಲಯದ ಪ್ರೊ. ಚಾನ್ಸೆಲರ್​ ಅಭಯ್​ ಛಬ್ಬಿ ಮಾತನಾಡಿ, ಮಹಿಳಾ ಸಬಲೀಕರಣದ ನಿಟ್ಟಿನಲ್ಲಿ ಅಲೆಯನ್ಸ್​ ವಿಶ್ವ ವಿದ್ಯಾಲಯದಿಂದ ಗ್ರಾಮೀಣ ಹಕ್ಕಿ ಪಿಕ್ಕಿ ಕಾಲನಿಯಲ್ಲಿ ಮಹಿಳೆಯರಿಗೆ ಆನೇಕ ಕಾರ್ಯಕ್ರಮ ರೂಪಿಸಿ ಸ್ವಯಂ ಉದ್ಯೋಗಕ್ಕೆ ಪ್ರೋತ್ಸಾಹ ನೀಡಲಾಗಿದೆ ಎಂದರು.
ಸಿಎಸ್​ಆರ್​ ಅನುದಾನದಲ್ಲಿ ಅನೇಕ ಅಭಿವೃದ್ಧಿ ಕಾರ್ಯಗಳನ್ನು ಕೈಗೊಂಡು ಗ್ರಾಮೀಣ ಜನರು ಆರ್ಥಿಕ ಮತ್ತು ಶೈಕ್ಷಣಿಕವಾಗಿ ಸಬಲರಾಗುವಂತೆ ಮಾಡಲಾಗುತ್ತಿದೆ ಎಂದು ತಿಳಿಸಿದರು. ಏಕಲವ್ಯ ಪ್ರಶಸ್ತಿ ಪುರಸತೆ ಬಿ.ಎನ್​. ಉಷಾ ಮಾತನಾಡಿ, ಸಾಧನೆಗೆ ಹೆಣ್ಣು &ಗಂಡು ಎಂಬ ಭೇದವಿಲ್ಲ. ತಮ್ಮ ಕ್ಷೇತ್ರದಲ್ಲಿ ಪ್ರಮಾಣಿಕವಾಗಿ ಕೆಲಸ ಮಾಡಿದಾಗ ಏನು ಬೇಕಾದರೂ ಸಾಧಿಸಬಹುದು ಎಂದರು.
ಹಿರಿಯ ನಟಿ ಗಿರಿಜಾ ಲೋಕೇಶ್​, ವೈ.ಜಯಂತಿ, ಪ್ರತಿಮಾ ಭಟ್​, ಆಶಾ ವಿಜಯ್​, ಮಾನಸಿ ಸುದೀರ್​, ಅಕ್ಷತಾ ಪಾಂಡವಪುರ, ಶರ್ಮಿತಾ ಶೆಟ್ಟಿ, ಛಾಯ ನಂಜಪ್ಪ ಸೇರಿ ಅನೇಕರಿಗೆ ಅಲಯನ್ಸ್​ ಸ್ಪಂದನ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
Anekal
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net