ಶಿವಶರಣರ ಹಾದಿಯಲ್ಲಿ ಸಾಗೋಣ. Tumkur

ನಗರದ ಸಿಡ್ಲೇಹಳ್ಳಿ ಸಂಸ್ಥಾನ ಮಠದ ಶ್ರೀ ಗುರುಕುಲಾನಂದಾಶ್ರಮದಲ್ಲಿ ಗುರುವಾರ ಆಯೋಜಿಸಿದ್ದ 347ನೇ ಬೆಳದಿಂಗಳ ಶರಣಧರ್ಮ ಚಿಂತನಾಗೋಷ್ಠಿಯಲ್ಲಿ ಮಾತನಾಡಿ, 12ನೇ ಶತಮಾನದಲ್ಲಿ ಹುಟ್ಟಿನಿಂದ ಯಾರೂ ಶ್ರೇಷ್ಠರಲ್ಲದಿದ್ದರೂ ಜನಸಾಮಾನ್ಯರು ಕೂಡ ತಮ್ಮ ಸತ್ಯ ಶುದ್ಧ ಕಾಯಕದ ಮೂಲಕ ಉತ್ತಮ ಬದುಕು ರೂಪಿಸಿಕೊಂಡು ಶರಣರಾಗಬಹುದಾಗಿತ್ತು. ಆದರೆ ಇಂದಿಗೂ ಶರಣರ ಆಶಯ ಈಡೇರಿಲ್ಲ. ಆದ್ದರಿಂದ ಶಿವಶರಣರು ಹಾಕಿಕೊಟ್ಟ ಪರಂಪರೆಯನ್ನು ಉಳಿಸುವಲ್ಲಿ ಪ್ರಾಮಾಣಿಕ ಪ್ರಯತ್ನ ಮಾಡಲಾಗುವುದು ಎಂದರು.

ಕಾನೂನು ಸೇವಾ ಸಮಿತಿ ಆಡಳಿತ ಸಹಾಯಕ ಡಾ.ಡಿ.ಅಶೋಕ್​ ಮಾತನಾಡಿ, ಮಾನವರಲ್ಲಿ ಮಾನವೀಯತೆಯನ್ನು ಹುಟ್ಟುಹಾಕುವುದೇ ವಚನ ಸಾಹಿತ್ಯವಾಗಿದೆ. ಬಸವಣ್ಣ ಅವರು ಜಾತಿ, ಮತ, ಲಿಂಗಭೇದ ಇಲ್ಲದೆ ಸ್ತ್ರೀ&ಪುರುಷರು ಎಲ್ಲರೂ ಸಮಾನರು ಎಂದು ಪ್ರತಿಪಾದಿಸಿ ಒಂದು ಆಂದೋಲನವನ್ನು ರೂಪಿಸಿದ್ದರು. ಬಸವಣ್ಣ ಅವರ ವಚನಗಳಲ್ಲಿನ ಬಹುಪಾಲು ತತ್ವಗಳು ಇಂದಿನ ಸಂವಿಧಾನದಲ್ಲಿ ಅಡಕವಾಗಿರುವುದನ್ನು ಕಾಣಬಹುದಾಗಿದೆ. ಯುವಜನಾಂಗ ತಮ್ಮ ಜೀವನದಲ್ಲಿ ಗುರಿಯಿಟ್ಟುಕೊಂಡು ಹಿಂದೆ ಗುರುವಿನ ಆಶೀರ್ವಾದ ಪಡೆದು ಉತ್ತಮ ಬದುಕು ರೂಪಿಸಿಕೊಳ್ಳಬೇಕು ಎಂದರು.

ಸೇವಾಕರ್ತ ವೃತ್ತ ಶಿಕ್ಷಕ ನಿಟ್ಟೂರು ಸದಾಶಿವಯ್ಯ, ಶ್ರೀ ಗುರುಕುಲ ಸಹಕಾರ ಸಂಘದ ಅಧ್ಯಕ್ಷ * ಎಚ್​.ಎಸ್​.ಸಿದ್ಧರಾಮಯ್ಯ, ನಿವೃತ್ತ ಪ್ರಾಂಶುಪಾಲ ಬೆಟ್ಟಯ್ಯ ನಾಗರಾಜು, ವಿ.ಬಿಮಹಲಿಂಗಪ್ಪ, ನಿವೃತ್ತ ಸಬ್​ಇನ್​ಸ್ಪೆಕ್ಟರ್​ ಮಹದೇವಪ್ಪ, ಸಂಯೋಜಕ ಡಾ.ವೆಂಕಟೇಶ್​ ಇದ್ದರು.