ಯುವಕರು ಆದರ್ಶ ಮೌಲ್ಯ ರೂಢಿಸಿಕೊಳ್ಳಲಿ

ಪ್ರಸ್ತುತ ದಿನಗಳಲ್ಲಿ ಹೆಚ್ಚುತ್ತಿರುವ ಅನ್ಯಾಯ, ಅತ್ಯಾಚಾರ, ಕೊಲೆ, ಸುಲಿಗೆ ಸೇರಿದಂತೆ ಚಟುವಟಿಕೆಗಳು ಸಮಾಜದ ಮೇಲೆ ದುಷ್ಪರಿಣಾಮ ಬಿರುತ್ತಿವೆ ಎಂದು ತಾತ್ಯಾಸಾಹೇಬ ವಾಸಕರ ಮಹಾರಾಜರು ಹೇಳಿದರು.

ಗ್ರಾಮದಲ್ಲಿ ಪಾಂಡುರಂಗ ಸಪ್ತಾಹದ ಅಂಗವಾಗಿ ಗುರುವಾರ ಹಮ್ಮಿಕೊಂಡಿದ್ದ ಪ್ರವಚನ ಕಾರ್ಯಕ್ರಮದಲ್ಲಿ ಮಾತನಾಡಿ, ಯುವಕರು ದುಶ್ಚಟಗಳ ದಾಸರಾಗಿ ಅಮೂಲ್ಯ ಬದುಕು ಕಳೆದುಕೊಳ್ಳುತ್ತಿರುವುದು ಖೇದಕರ ಸಂಗತಿ. ಯುವಕರು ಕಾಯಕದೊಂದಿಗೆ ಆದರ್ಶ ಮೌಲ್ಯ ರೂಢಿಸಿಕೊಂಡು ಸಮಾಜದಲ್ಲಿ ಮಾದರಿ ಕಟ್ಟಿಕೊಳ್ಳಬೇಕೆಂದು ಸಲಹೆ ನೀಡಿದರು. ಗೋಕಾಕನ ಸಂತ ಶಿರೋಮಣಿ ಶಿವರಾಮದಾದಾ, ಮಹಾದೇವ ಡೊಳ್ಳಿ, ವಿಠ್ಠಲ ಆಯಟ್ಟಿ, ದುರ್ಗಪ್ಪ ನಡುವಿನ, ಪುಂಡಲೀಕ ಮಾಳಕ್ಕನವರ, ಚಿದಾನಂದ ವಾರಲಗಟ್ಟಿ ಹಾಗೂ ಭಕ್ತರು ಇದ್ದರು.