ಪ್ರಾದೇಶಿಕ ಅಸ್ಮಿತೆ ಕಲಾಕೃತಿಗಳ ಜೀವಾಳವಾಗಲಿ

ಕಲಬುರಗಿ: ಒಂದು ಪ್ರದೇಶದ ಜನಜೀವನದ ಭಾಷೆ, ಸಂಪ್ರದಾಯ, ಜನಪದ, ಉಡುಪು, ವಿಚಾರ, ಅನುಭವ ಮತ್ತು ಬೌಗೋಳಿಕ ಗುಣಲಕ್ಷಣಗಳನ್ನು ಆಳವಾಗಿ ಅಳವಡಿಸಿಕೊಂಡಂಥ ಕಲಾಕೃತಿಯಲ್ಲಿ ಪ್ರಾದೇಶಿಕ ಅಸ್ಮಿತೆ ಗುರುತಿಸಬಹುದು ಎಂದು ಹಿರಿಯ ಚಿತ್ರಕಲಾವಿದ ಚಂದ್ರಹಾಸ ಜಾಲಿಹಾಳ ಹೇಳಿದರು.

ದಿ ಆರ್ಟ್​ ಇಂಟ್ರಿಗೇಶನ್​ ಚಿತ್ರಕಲಾ ಮಹಾವಿದ್ಯಾಲಯದ ಅಂಕುರ ಕಲಾ ಗ್ಯಾಲರಿಯಲ್ಲಿ ಕನ್ನಡ ಮತ್ತು ಸಂಸತಿ ಇಲಾಖೆ ಸಹಯೋಗದಡಿ ಬುಧವಾರ ಆಯೋಜಿಸಿದ್ದ ಕವಿತಾ ಎಸ್​.ಕಟ್ಟೆ ಅವರ ಏಕವ್ಯಕ್ತಿ ಚಿತ್ರಕಲಾ ಪ್ರದರ್ಶನ ಉದ್ಘಾಟಿಸಿದ ಅವರು, ಕವಿತಾ ಕಲಾಕೃತಿಗಳಲ್ಲಿ ಅವರು ಬೆಳೆದ ಗ್ರಾಮೀಣ ಪ್ರದೇಶದ ಕೌದಿ, ಬೀಸುವ ಕಲ್ಲು, ತೊಟ್ಟಿಲು, ಅಡಕಲು ಗಡಿಗೆಗಳು ಹೀಗೆ ಹಲವಾರು ಜನಪದ ದೃಶ್ಯ, ಸಂದರ್ಭ ಮತ್ತು ಆಚರಣೆಗಳೆಲ್ಲ ಸ್ಮತಿಪಟಲದಲ್ಲಿ ಅಚ್ಚೊತ್ತಿ ಹರಳುಗೊಂಡ ಅನುಭವಗಳ ಅಭಿವ್ಯಕ್ತಿ ತೀವ್ರತೆಯಿಂದ ಚಿತ್ರಗಳಾಗಿ ಮೂಡಿಬಂದಿವೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ದಿ ಆರ್ಟ್​ ಇಂಟಿಗ್ರೇಶನ್​ ಸಂಸ್ಥೆ ನಿರ್ದೇಶಕಿ ನೀಲಮ್ಮ ಬೆಳಮಗಿ, ಚಿತ್ರಕಲಾವಿದ ಬಸವರಾಜ ಕಮಾಜಿ ಮಾತನಾಡಿದರು. ದಿ ಆರ್ಟ್​ ಇಂಟ್ರಿಗೇಶನ್​ ಚಿತ್ರಕಲಾ ಕಾಲೇಜು ಪ್ರಾಚಾರ್ಯ ಎಂ.ಎಚ್​.ಬೆಳಮಗಿ ಅಧ್ಯಕ್ಷತೆ ವಹಿಸಿದ್ದರು. ಕಲಾವಿದೆ ಕವಿತಾ ಕಟ್ಟೆ ಪ್ರಾಸ್ತಾವಿಕ ಮಾತನಾಡಿದರು.

ಕಲಾವಿದರಾದ ವಿ.ಬಿ. ಬಿರಾದಾರ್​, ವೀರೇಂದ್ರ ಶಾಹ, ಅಶೋಕ ಶೆಟಕಾರ, ರಾಜಕುಮಾರ ಕಾಳೆ, ಜಿತೇಂದ್ರ ಕೊಥಳೀಕರ್​, ನಿಂಗಣ್ಣ ಕೇರಿ, ಗಿರೀಶ್​ ಕುಲಕರ್ಣಿ, ನಾಗರಾಜ ಕುಲಕರ್ಣಿ, ಜಲಜಾ ಕುಲಕರ್ಣಿ, ಗೋಪಾಲ ಕೆ.ಪಿ., ವಿಜಯ ಔರಾದ್​, ಸುರೇಶ ಸಿ.ಎಂ., ಪ್ರಶಾಂತಕುಮಾರ ಜಿ ಇತರರಿದ್ದರು. ಮಲ್ಲಿಕಾರ್ಜುನ ಮುಗುಳಿ ಸ್ವಾಗತಿಸಿದರು. ಬಿ.ಎನ್​. ಪಾಟೀಲ್​ ನಿರೂಪಣೆ ಮಾಡಿದರು. ಹಣಮಂತ ಬಾಡದ ವಂದಿಸಿದರು. ಜನಪದ ಕಸೂತಿ ಕಲಾವಿದೆಯರಾದ ಇಂದುಬಾಯಿ ಕಟ್ಟೆ ಮತ್ತು ಗೋದುಬಾಯಿ ಬುಜುರ್ಕೆ ಅವರನ್ನು ಸನ್ಮಾನಿಸಲಾಯಿತು.

"

ಆಧುನಿಕತೆ ಭರಾಟೆಯಲ್ಲಿ ಜನಪದ ವಸ್ತು&ವಿಷಯಗಳನ್ನು ಒಳಗೊಂಡ ಕವಿತಾ ಅವರ ಕಲಾಕೃತಿಗಳು ಮನಸ್ಸಿಗೆ ನೆಮ್ಮದಿ ನೀಡಿ ಬಾಲ್ಯದ ನೆನಪುಗಳನ್ನು ಮರುಕಳಿಸುವಂತೆ ಮಾಡಿವೆ. ಚಿತ್ರಕಲೆಯಲ್ಲಿ ಸ್ಥಳಿಯ ವಸ್ತು, ವಿಷಯಗಳಿಗೆ ಆದ್ಯತೆ ನೀಡಬೇಕು.

— > ನೀಲಮ್ಮ ಬೆಳಮಗಿ ನಿರ್ದೇಶಕಿ, ದಿ ಆರ್ಟ್​ ಇಂಟಿಗ್ರೇಶನ್​ ಸಂಸ್ಥೆ