ಪತ್ರವ್ಯವಹಾರ ಬಿಟ್ಟು ಕೆಲಸ ಮಾಡಿ

ಪಟ್ಟಣದ ತಾಪಂನಲ್ಲಿ ಶನಿವಾರ ಆಯೋಜಿಸಿದ್ದ ಕೆಡಿಪಿ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿ, ತಾಲೂಕಿನಲ್ಲಿ ಪಿಡಬ್ಲ್ಯುಡಿ ಮುಖ್ಯರಸ್ತೆಗಳಲ್ಲಿ ಸರ್ಕಾರಿ ಕಚೇರಿ ಮುಂಭಾಗವೇ ಅಂಗಡಿಗಳನ್ನಿಟ್ಟಿದ್ದರೂ ಯಾಕೆ ಕ್ರಮ ಕೈಗೊಂಡಿಲ್ಲ. ಕೊಡಿಗೇನಹಳ್ಳಿಯಲ್ಲೂ ಇದೇ ರೀತಿ ಇದೆ. ಆವರಗಲ್ಲು ಬಳಿ 50 ವರ್ಷದಿಂದ ಮುಖ್ಯ ರಸ್ತೆಯಲ್ಲೇ ಅಂಗಡಿಗಳಿವೆ ಎಂಬ ಆರೋಪಗಳಿದ್ದು, ಈ ಬಗ್ಗೆ ತಕ್ಷಣ ಕ್ರಮ ಕೈಗೊಳ್ಳಿ ಎಂದು ಸೂಚಿಸಿದರು.

ನಮ್ಮ ತಾಲೂಕಿನ ಕೆಲ ಅಧಿಕಾರಿಗಳು ಸಮರ್ಪಕವಾಗಿ ಕೆಲಸ ಮಾಡುತ್ತಿಲ್ಲ. ಪತ್ರ ಬರೆದಿದ್ದೇವೆ ಎಂದು ಕಾಲಹರಣ ಮಾಡುತ್ತಿದ್ದಾರೆ. ರೈತರೊಬ್ಬರು ಮೂಲಂಗಿ ತಂದು ತಾಲೂಕು ಕಚೇರಿ ಬಳಿ ಪ್ರತಿಭಟನೆ ಮಾಡಿದ್ದಾರೆ. ಅದಕ್ಕೂ ಮುಂಚೆಯೇ ಅವರ ಸಮಸ್ಯೆ ಏನು ಎಂದು ತಿಳಿದುಕೊಂಡು ಏಕೆ ಬಗೆಹರಿಸಿಲ್ಲ ಎಂದು ಅಸಮಾಧಾನ ವ್ಯಕ್ತ ಪಡಿಸಿದರು.

ದೊಡ್ಡೇರಿ ಹೋಬಳಿಯಲ್ಲಿ ನಾಡಕಚೇರಿಯ ಬಳಿ ಯಾವಾಗಲೂ ಕರೆಂಟ್​ ಕಟ್​ ಮಾಡುತ್ತಿದ್ದು, ಕೇಳಿದರೆ ಎಲ್​ಸಿ ತೆಗೆಯಲಾಗಿದೆ ಎನ್ನುತ್ತಾರೆ. ಇದರಿಂದ ಗ್ರಾಮೀಣ ಭಾಗದ ಜನರಿಗೆ ಬಹಳಷ್ಟು ತೊಂದರೆಯಾಗುತ್ತಿದೆ ಎಂದು ದೊಡ್ಡೇರಿ ಕಣಿಮಯ್ಯ ಆರೋಪಿಸಿದಾಗ ಇದರ ಬಗ್ಗೆ ಗಮನ ಹರಿಸಿ ಎಂದು ಶಾಸಕರು ಸೂಚನೆ ನೀಡಿದರು.

ಹಳ್ಳಿಗಳಲ್ಲಿ ಎರಡು ಕಾಸು ಮಾಡಿಕೊಳ್ಳುವ ಆಸೆಗೆ ಬಡಜನರು ಗೂಡಂಗಡಿಗಳಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಾರೆ. ಅವರನ್ನು ಹಿಡಿದುಕೊಂಡು ಕೇಸ್​ ಮಾಡುತ್ತೀರಾ...ಆದರೆ ಸಪ್ಲೆ ಮಾಡಿದ ಬಾರ್​ ಓನರ್​ ವಿರುದ್ಧ ಯಾವ ಕ್ರಮ ಕೈಗೊಂಡಿದ್ದೀರಾ..? ಅವರ ವಿರುದ್ಧ ಏಕೆ ಕ್ರಮ ತೆಗೆದುಕೊಳ್ಳುವುದಿಲ್ಲ. ಅವರ ವಿರುದ್ಧವೂ ಕ್ರಮ ತೆಗೆದುಕೊಳ್ಳಬೇಕು ಎಂದು ಸೂಚಿಸಿದರು.

ಸಮಾಜ ಕಲ್ಯಾಣ ಇಲಾಖೆಯ ಮತ್ತು ಬಿಸಿಎಂ ಇಲಾಖೆಯ ಎಲ್ಲ ಹಾಸ್ಟೆಲ್​ಗಳಲ್ಲಿ ಪ್ರತಿ ತಿಂಗಳೂ ಕುಡಿಯುವ ನೀರಿನ ಟೆಸ್ಟ್​ ಮಾಡಿಸಬೇಕು. ಯಾವುದೇ ಹಾಸ್ಟೆಲ್​ಗಳಲ್ಲಿ, ಗ್ರಾಮೀಣ ಭಾಗದಲ್ಲಿ ನೀರಿಗೆ ಸಮಸ್ಯೆಯಾಗದಂತೆ ಕ್ರಮ ವಹಿಸಿ ಎಂದು ತಾಪಂ ಇಒ ಲಕ್ಷ$್ಮಣ್​ಗೆ ಸೂಚಿಸಿದರು.

ಎಸಿ ಗೊಟೂರು ಶಿವಪ್ಪ, ತಹಸೀಲ್ದಾರ್​ ಶ್ರೀನಿವಾಸ್​, ತಾಪಂ ಇಒ ಲಕ್ಷಣ್​, ಡಿವೈಎಸ್​ಪಿ ಮಂಜುನಾಥ್​, ತಾಪಂ ಆಡಳಿತಾಧಿಕಾರಿ ಸೋನಿಯಾ ವಾರ್ಣೇಕರ್​, ಧನಂಜಯ್​, ಟಿಎಪಿಸಿಎಂಎಸ್​ ಅಧ್ಯಕ್ಷ ಮಲ್ಲಿಕಾರ್ಜುನಯ್ಯ, ಗ್ಯಾರಂಟಿ ಯೋಜನೆ ಅನುಷ್ಠಾನ ಸಮಿತಿ ಅಧ್ಯಕ್ಷ ಚೌಡಪ್ಪ, ಡಿಡಿಪಿಐ ಮಾಧವರೆಡ್ಡಿ, ಬೆಸ್ಕಾ ಇಇ ಜಗದೀಶ್​ ಸೇರಿ ವಿವಿಧ ಇಲಾಖೆ ಅಧಿಕಾರಿಗಳು ಇದ್ದರು.

ತಾಲೂಕಿನಲ್ಲಿ 75 ವರ್ಷ ಪೂರ್ಣಗೊಂಡಿರುವ ಎಷ್ಟು ಜನರ ಮನೆ ಬಾಗಿಲಿಗೆ ಪಡಿತರ ತಲುಪಿಸಲಾಗಿದೆ ಎಂದು ಡಿಸಿ ಶುಭಕಲ್ಯಾಣ್​ ಅವರು ಆಹಾರ ನಿರೀಕ್ಷಕಿ ಸುಜಾತಾ ಅವರ ಬಳಿ ಮಾಹಿತಿ ಕೇಳಿದರು. ತಾಲೂಕಿನಲ್ಲಿ 2,326 ಜನ 75 ವರ್ಷ ಪೂರ್ಣಗೊಂಡವರ ಮಾಹಿತಿ ಇದ್ದು, ಅದರಲ್ಲಿ 300 ಜನರ ಮನೆ ಬಾಗಿಲಿಗೇ ದಿನಸಿ ವಿತರಿಸಲಾಗುತ್ತಿದೆ ಎಂದಾಗ, ಉಳಿದವರಿಗೆ ಏಕೆ ವಿತರಿಸುತ್ತಿಲ್ಲ. 2326 ಮನೆಗಳಿಗೂ ಆಹಾರ ತಲುಪಿಸಬೇಕು. ಸ್ಪಂದಿಸದಿದ್ದರೆ ಸೊಸೈಟಿ ಪರವಾನಗಿ ರದ್ದುಗೊಳಿಸಿ, ಇದು ಸರ್ಕಾರದ ಆದೇಶ ಎಂದರು.ತಾಲೂಕಿನಲ್ಲಿ ಎರಡೂವರೆ ಸಾವಿರಕ್ಕೂ ಹೆಚ್ಚು ಮಕ್ಕಳಿಗೆ ವಿದ್ಯಾರ್ಥಿವೇತನ ಏಕೆ ನೀಡಿಲ್ಲ..? ಸಮಸ್ಯೆ ಏನು..? ಎಂದು ಪ್ರಶ್ನೆ ಮಾಡಿದ ಜಿಲ್ಲಾಧಿಕಾರಿ, 100ರಷ್ಟು ವಿದ್ಯಾರ್ಥಿವೇತನ ನೀಡಬೇಕು. ಇದಕ್ಕೆ ಸಂಬಂದಿಸಿದ ಎಲ್ಲ ಸಮಸ್ಯೆ ಬಗೆಹರಿಸಬೇಕು. ಈ ಬಾರಿ ಎಸ್​ಎಸ್​ಎಲ್​ಸಿ ಪರೀಕ್ಷೆಯನ್ನು ಗಂಭೀರವಾಗಿ ಪರಿಗಣಿಸಬೇಕು. ಉತ್ತಮ ಫಲಿತಾಂಶ ದಾಖಲಾಗಬೇಕು ಎಂದು ಸೂಚಿಸಿದರು.