'ಕನ್ನಡ' ಬಂದರೆ ಕೆಲಸವಿಲ್ಲ!
ಸೋಷಿಯಲ್ ಮೀಡಿಯಾನಲ್ಲಿ ಹರಿದಾಡುತ್ತಿರುವ ವಿಡಿಯೋನಲ್ಲಿ ಯುವತಿ, ಐಟಿ ಕಂಪನಿಯಲ್ಲಿ ಕೆಲಸ ಬೇಕೆಂದತೆ ಕನ್ನಡ ಭಾಷೆ ಗೊತ್ತಿರಬಾರದು. ಒಂದು ವೇಳೆ ನಿಮ್ಮ ರೆಸ್ಯೂಮ್ನಲ್ಲಿ ಕನ್ನಡ ಭಾಷೆ ಮಾತನಾಡುತ್ತೀರಾ ಎಂದಿ ನಮೂಸಿದ್ದರೆ, ಭಾಷೆ ಆಧಾರದಲ್ಲಿಯೇ ನಿಮ್ಮನ್ನು ಕೆಲಸಕ್ಕೆ ತೆಗೆದುಕೊಳ್ಳುವುದಿಲ್ಲ ಎಂದು ಯುವತಿ ವಿಡಿಯೋನಲ್ಲಿ ಆರೋಪಿಸಿದ್ದಾಳೆ.
ಮಾತೃ ಭಾಷೆ ಕನ್ನಡ ಎಂದು ನಮೂದಿಸಲಾಗಿದ್ದಾರೆ, ಸಂದರ್ಶನದ ಸುತ್ತಿನಲ್ಲಿ ಹೊರಹಾಕುತ್ತಾರೆ. ಹೀಗಾಗಿ ಇವರು ಕ್ಯಾಂಪಸ್ ಸೆಲೆಕ್ಷನ್ಅನ್ನು ಬೆಂಗಳೂರಿನಲ್ಲಿ ನಡೆಸಲ್ಲ, ಬೇರೆ ರಾಜ್ಯದಲ್ಲಿಯೇ ಹೆಚ್ಚಾಗಿ ನಡೆಸುತ್ತಾರೆಂದು ಯುವತಿ ವಿಡಿಯೋನಲ್ಲಿ ಕಿಡಿಕಾರಿದ್ದಾಳೆ.
ತೆಲುಗು-ತಮಿಳಿಗರಿಗೆ ಅವಕಾಶ!
ಕಡಿಮೆ ಸಂಬಳಕ್ಕೆ ನೆರೆ ರಾಜ್ಯಗಳಾದ ತಮಿಳುನಾಡು, ಆಂಧ್ರಪ್ರದೇಶ ಹಾಗೂ ತೆಲಂಗಾಣದ ಯುವಕ, ಯುವತಿಯರಿಗೆ ಕೆಲಸಕ್ಕೆ ಸೇರಿಸಿಕೊಳ್ಳುತ್ತಿದ್ದಾರೆ. ರೆಸ್ಯೂಮ್ನಲ್ಲಿ ಮಾತೃಭಾಷೆ ತೆಲುಗು ಅಥವಾ ತಮಿಳು ಎಂದು ನಮೂದಿಸಿದ್ದರೆ ಅವರಿಗೆ ಹೆಚ್ಚಿನ ಅವಕಾಶ ನೀಡಲಾಗುತ್ತದೆ ಎಂದು ಯುವತಿ ವಿಡಿಯೋನಲ್ಲಿ ಆಕ್ರೋಶ ಹೊರಹಾಕಿದ್ದಾಳೆ.
