ಎನ್​ಸಿಸಿ ಡ್ರಿಲ್​ನಲ್ಲಿ ಕಿಶೋರ ವಿದ್ಯಾ ಭವನ ಚಾಂಪಿಯನ್​

ಕ್ಯಾಂಪ್​ನಲ್ಲಿ ವಿವಿಧ ಶಾಲೆಗಳ ಎನ್​ಸಿಸಿ ತಂಡಗಳು ಭಾಗವಹಿಸಿದ್ದವು. ಕಿಶೋರ ವಿದ್ಯಾ ಭವನದ ಕ್ಯಾಡೆಟ್​ಗಳು ಶಿಸ್ತುಬದ್ಧ ಹೆಜ್ಜೆ, ಏಕಾಗ್ರತೆ, ನಿಖರವಾದ ಡ್ರಿಲ್​ ಹಾಗೂ ತಂಡದ ಸಮನ್ವಯದ ಮೂಲಕ ಗಮನ ಸೆಳೆದರು. ಪ್ರತಿಯೊಂದು ಚಲನೆಯಲ್ಲೂ ಕಂಡುಬಂದ ಪರಿಪೂರ್ಣ ಹೊಂದಾಣಿಕೆ ಮತ್ತು ಆತ್ಮವಿಶ್ವಾಸ ತಂಡದ ಸಾಮರ್ಥ್ಯವನ್ನು ಪ್ರತಿಬಿಂಬಿಸಿತು.

ಕ್ಯಾಂಡೆಟ್​ಗಳ ಸತತ ಪರಿಶ್ರಮ, ಕಠಿಣ ತರಬೇತಿ ಹಾಗೂ ಎನ್​ಸಿಸಿಯ ಶಿಸ್ತು ಮತ್ತು ದೇಶಭಕ್ತಿ ಮೌಲ್ಯಗಳ ಪ್ರತಿಫಲವಾಗಿ ಈ ಸಾಧನೆ ಮೂಡಿಬಂದಿದೆ. ಚಾಂಪಿಯನ್​ ಶಾಲೆ ಡ್ರಿಲ್​ ಪ್ರಶಸ್ತಿ ಪಡೆದಿರುವುದು ಶಾಲೆ ಕೀರ್ತಿಯನ್ನು ಮತ್ತಷ್ಟು ಹೆಚ್ಚಿಸಿದೆ.

ತಂಡದ ಸಾಧನೆಗೆ ಶಾಲೆ ಆಡಳಿತ ಮಂಡಳಿ, ಪ್ರಾಂಶುಪಾಲರು ಹರ್ಷ ವ್ಯಕ್ತಪಡಿಸಿ, ಎನ್​ಸಿಸಿ ಕ್ಯಾಡೆಟ್​ಗಳನ್ನು ಅಭಿನಂದಿಸಿದ್ದಾರೆ. ಮುಂದಿನ ದಿನಗಳಲ್ಲಿಯೂ ಇದೇ ಶಿಸ್ತು, ಉತ್ಸಾಹ ಮತ್ತು ಸಮರ್ಪಣಾ ಮನೋಭಾವದಿಂದ ಮತ್ತಷ್ಟು ಸಾಧನೆ ಮಾಡುವಂತೆ ಶುಭ ಹಾರೈಸಿದ್ದಾರೆ.