ಮಹಿಳಾ ಖಾಕಿ ವಿಡಿಯೋ ಕಾಲ್​ನಲ್ಲಿ ಅರೆಬೆತ್ತಲೆ ವಿಚಾರ: ವಿಧಾನಸೌಧದಲ್ಲಿ ಸಚಿವ ಪ್ರಿಯಾಂಕ್ ಖರ್ಗೆ ಹೇಳಿದ್ದಿಷ್ಟು

ಬೆಂಗಳೂರು: ಇತ್ತೀಚೆಗಷ್ಟೇ, ಇಡೀ ಪೊಲೀಸ್​ ಇಲಾಖೆಯನ್ನೇ ತೀವ್ರ ಮುಜಗರಕ್ಕೀಡಾಗಿಸಿದ ಮಹಿಳಾ ಪೊಲೀಸ್ ಅಧಿಕಾರಿಯೊಬ್ಬರು ಜೈಲಿನ ಕೈದಿಗಳೊಂದಿಗೆ ಅರೆಬೆತ್ತಲೆಯಾಗಿ ವಿಡಿಯೋ ಕಾಲ್​ನಲ್ಲಿ ಮಾತನಾಡಿದ ವಿಚಾರ ಸದ್ಯ ರಾಜ್ಯ ಸಚಿವರ ಅಂಗಳಕ್ಕೆ ಬಂದು ಬಿದ್ದಿದೆ. ಈ ಕುರಿತು ಇಂದು ಗೃಹ ಸಚಿವ ಪ್ರಿಯಾಂಕ್ ಖರ್ಗೆ ವಿಧಾನಸೌಧದಲ್ಲಿ ಪ್ರತಿಕ್ರಿಯಿಸಿದ್ದಾರೆ.

"ನೋಡಿ ಅದು ಹಳೆಯ ವಿಚಾರ. ಕಳೆದ ವರ್ಷದ್ದು ಅಂತ ಹೇಳ್ತಿದ್ದಾರೆ. ನೋಟಿಸ್ ಕೊಟ್ಟು ಈಗಾಗಲೇ ಅಧಿಕಾರಿಯನ್ನು ವರ್ಗಾವಣೆ ಕೂಡ ಮಾಡಲಾಗಿದೆ. ಆಕೆ ಮಾಡಿರುವುದು ಒಪ್ಪುವಂತದ್ದಲ್ಲ. ಹೀಗಾದರೆ, ವ್ಯವಸ್ಥೆ ಸುಧಾರಣೆ ಮಾಡೋದು ಹೇಗೆ? ನಮ್ಮವರೇ ಇಂತಹ ಕೆಲಸಗಳನ್ನು ಮಾಡುತ್ತಾರೆ ಎಂದರೆ ಹೇಗೆ? ಖಂಡಿತವಾಗಿ ಇಡೀ ಇಲಾಖೆಗೆ ಇದೊಂದು ಕಪ್ಪು ಚುಕ್ಕೆ" ಎಂದು ತೀವ್ರ ಅಸಮಾಧಾನ ಹೊರಹಾಕಿದರು.

ಅದಾನಿ ಅವರು ರಾಜ್ಯದಲ್ಲಿ ಸಾಕಷ್ಟು ಕೆಲಸಗಳನ್ನು ಕೈಗೆತ್ತಿಕೊಂಡಿದ್ದಾರೆ. ಸೀಮೆಂಟ್, ಪವರ್ ಏರ್​ಪೋರ್ಟ್ ನಡೆಸುತ್ತಿದ್ದಾರೆ. ಇಬ್ಬರಿಗೂ ಬೆನಿಫಿಟ್ ಇದೆ ಹಾಗೂ ಸಮಾನವಾದ ಕಾಂಪಿಟೇಶನ್ ಏನಿಲ್ಲ ಅಂತಿದ್ದಾರೆ. ಮನಸ್ಸಿಗೆ ಬಂದಂತೆ ಟೆಂಡರ್ ಕೊಡಲು ಸಾಧ್ಯವಿಲ್ಲ. ಎಲ್ 1 ಇದ್ದಾರೆ. ಸಾಮಾನ್ಯವಾಗಿ ಬಂದು ಭಾಗಿಯಾಗುತ್ತಾರೆ. ಅದಾನಿಗೆ ಕಂಟ್ರಾಕ್ಟ್ ಸಿಕ್ಕಿದೆ ಅಲ್ವಾ, ಟನಲ್ ಬೇಕೋ ಬೇಡ್ವೋ ಅಂತಾ ಬಿಜೆಪಿಯವರೇ ಹೇಳಲಿ. ಪಾರದರ್ಶಕವಾಗಿ ಟೆಂಡರ್ ತೆಗೆದುಕೊಳ್ಳಲಿ. ಯಾರ ಮನವೋಲಿಕೆಗೂ ನಾವು ಪ್ರಯತ್ನ ಮಾಡ್ತಿಲ್ಲ ಎಂದರು. 

ಗೊಂದಲ ಸೃಷ್ಟಿ ಮಾಡ್ತಿರೋದು ಯಾರು‌? ಕೋರ್ಟ್​ನಿಂದ ನಿಲ್ಲಿಸುವ ಕುರಿತಾಗಿ ಯಾವುದೇ ಆದೇಶ ಬಂದಿಲ್ಲ. ಯಾರು ಜವಾಬ್ದಾರಿ ಸ್ಥಾನದಲ್ಲಿದ್ದಾರೋ, ಅವರೇ ಪ್ರಚೋದನೆ ಕೊಟ್ಟರೆ ಏನ್ ಮಾಡೋದು?ಕಾನೂನು ಏನಿದೆಯೋ ನಾವು ಅದನ್ನೇ ಪಾಲನೆ ಮಾಡುತ್ತೇವೆ ಎಂದು ಉತ್ತರಿಸಿದರು.

ಸದನ ನಡೆಯುವಾಗ 144 ಸೆಕ್ಷನ್ ಜಾರಿ ಇರುತ್ತೆ. ಫ್ರೀಡಂ ಪಾರ್ಕ್​ನಲ್ಲಿ ಏನು ಬೇಕಾದರೂ ಮಾಡಿಕೊಳ್ಳಲಿ. ಇಲ್ಲಿ ಬಂದ್ರೆ 144 ಸೆಕ್ಷನ್ ಇರುತ್ತೆ ಎಂಬುದು ಅವರಿಗೆ ನೆನಪಿರಲಿ. ಒಂದು ವಾರದಿಂದ ಒಂದು ಕಾಗದ ಆದ್ರೂ ಕೊಟ್ಟಿದ್ದಾರಾ? ಸುಮ್ಮನೆ ಹಿಟ್ ಅಂಡ್ ರನ್ ಬೇಡ. ಪ್ರಾಸಿಕ್ಯೂಶನ್​ಗೆ ಕೇಳಿದ್ದಾರಂತೆ, ಯಾವ ಆಧಾರದ ಮೇಲೆ ರಾಜೀನಾಮೆ ಕೊಡಿಸೋದು? ಅಸ್ತಿತ್ವ ಉಳಿಸಿಕೊಳ್ಳಲು ಪ್ರತಿಭಟನೆ ಮಾಡುತ್ತಿದ್ದಾರೆ. ಇದಕ್ಕೆ, ಜನ ಹಿಂದೆನೂ ಪಾಠ ಕಲಿಸಿದ್ದಾರೆ, ಮುಂದೆನೂ ಪಾಠ ಕಲಿಸುತ್ತಾರೆ ಎಂದು ಹೇಳಿದರು.