ಪತ್ರಕರ್ತರು ಆತ್ಮವಿಮರ್ಶೆ ಮಾಡಿಕೊಳ್ಳಲಿ

ಪ್ರವಾಸಿ ಮಂದಿರದಲ್ಲಿ ಶುಕ್ರವಾರ ಏರ್ಪಡಿಸಿದ್ದ ಪತ್ರಿಕಾ ದಿನಾಚರಣೆ, ಹಿರಿಯ ಪತ್ರಕರ್ತರಿಗೆ ಸನ್ಮಾನ ಹಾಗೂ ಜಿಲ್ಲಾ ಘಟಕ ಒದಗಿಸಿದ ಬ್ಯಾಗ್‌ಗಳ ವಿತರಣಾ ಸಮಾರಂಭದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ಪತ್ರಕರ್ತರನ್ನು ಸಮಾಜ ಎಚ್ಚರದಿಂದ ನೋಡುತ್ತದೆ. ನಮ್ಮ ಒಳ್ಳೆಯ ಚಟುವಟಿಕೆಗಳನ್ನು ಹೊಗಳುತ್ತದೆ. ಪತ್ರಿಕೋದ್ಯಮವನ್ನು ದುರ್ಬಳಕೆ ಮಾಡಿಕೊಂಡರೆ ತೆಗಳುವುದು ಮಾತ್ರವಲ್ಲದೆ ಅಂಥವರ ಕುಟುಂಬವನ್ನೂ ಹೀಗಳೆಯುವ ಮಟ್ಟಕ್ಕೆ ಹೋಗುತ್ತಿದ್ದು ಪತ್ರಕರ್ತರ ಆತ್ಮವಿಮರ್ಶೆಗೆ ದಾರಿ ಮಾಡಿಕೊಡುವಂತಿದೆ ಎಂದರು.

ಸಂಘದ ಪ್ರಧಾನ ಕಾರ್ಯದರ್ಶಿ ಎಚ್.ಆರ್. ಬಾಗವಾನ ಮಾತನಾಡಿ, ಕನ್ನಡದ ಮೊದಲ ಪತ್ರಿಕೆ ಮಂಗಳೂರು ಸಮಾಚಾರ ಪ್ರಾರಂಭದಿಂದ ಹಿಡಿದು ಇಂದಿನ ಆಧುನಿಕ ಪತ್ರಿಕೋದ್ಯಮದ ಒಳ ಹರಿವು, ಆಗು ಹೋಗುಗಳ ಕುರಿತು ವಿಷಯ ಮಂಡಿಸಿ ಹರ್ಮನ್ ಮೋಗ್ಲಿಂಗ್, ಮಹತ್ಮಾ ಗಾಂಧೀಜಿ, ಡಾ. ಬಿ.ಆರ್.ಅಂಬೇಡ್ಕರ್, ಫ.ಗು. ಹಳಕಟ್ಟಿ, ಪಿ. ಲಂಕೇಶ್ ಸೇರಿ ಹಲವು ಶ್ರೇಷ್ಠ ಪತ್ರಕರ್ತರನ್ನು ಸ್ಮರಿಸಿಕೊಂಡು ಅವರ ಮನೋಭಾವ ಇಂದಿನ ಯುವ ಪತ್ರಕರ್ತರಿಗೆ ಬರಬೇಕು ಎಂದರು.

ಉಪನ್ಯಾಸಕ ರವೀಂದ್ರ ನಂದೆಪ್ಪನವರ ಮಾತನಾಡಿ, ಪತ್ರಿಕೋದ್ಯಮಕ್ಕೆ ವಿಶೇಷ ಇತಿಹಾಸ ಇದೆ. ಪತ್ರಕರ್ತರು ಸಮಾಜಮುಖಿಯಾಗಿ ಇರಬೇಕು. ಪತ್ರಕರ್ತರ ಚಟುವಟಿಕೆಗಳು ಇತರರಿಗೆ ಮಾದರಿಯಾಗಿರಬೇಕು. ಪತ್ರಕರ್ತರಾದವರು ಓದುವುದನ್ನು, ಬರೆಯುವುದನ್ನು ರೂಢಿಸಿಕೊಳ್ಳಬೇಕು ಎಂದರು.

ಹಿರಿಯ ಪತ್ರಕರ್ತ, ಸಂಘದ ಮಾಜಿ ಅಧ್ಯಕ್ಷ ಎ.ಎಲ್. ಮುಲ್ಲಾ ಅವರನ್ನು ಸಂಘದ ವತಿಯಿಂದ ಸನ್ಮಾನಿಸಲಾಯಿತು. ಜಿಲ್ಲಾ ಘಟಕವು ಪತ್ರಕರ್ತರ ಮಕ್ಕಳಿಗೆ ಪ್ರತಿಭಾ ಪುರಸ್ಕಾರ ರೂಪದಲ್ಲಿ ಉಚಿತವಾಗಿ ನೀಡಿದ ಬ್ಯಾಗ್‌ಗಳನ್ನು ವಿತರಿಸಲಾಯಿತು.

ಸಂಘದ ಉಪಾಧ್ಯಕ್ಷರಾದ ಬಸವರಾಜ ಹುಲಗಣ್ಣಿ, ಮುತ್ತು ಬೀರಗೊಂಡ (ಢವಳಗಿ), ಕಾರ್ಯದರ್ಶಿ ಕಾಶಿನಾಥ ಬಿರಾದಾರ, ಖಜಾಂಚಿ ಲಾಡ್ಲೆಮಶ್ಯಾಕ ನದಾಫ, ಸದಸ್ಯರಾದ ಮುತ್ತು ವಡವಡಗಿ, ಸಿದ್ದು ಚಲವಾದಿ, ಬಸವರಾಜ ಕುಂಬಾರ, ಮಹೆಬೂಬ ಹಳ್ಳೂರ, ಮಹಾಂತೇಶ ನೂಲಿನವರ್, ಸಾಗರ ಉಕ್ಕಲಿ, ರಾಜಶೇಖರ ಸಜ್ಜನ, ಈಶ್ವರ ಈಳಗೇರ, ನೂರೇನಬಿ ನದಾಫ, ಸೂರಜ್ ರಿಸಾಲ್ದಾರ್, ಗುರುರಾಜ ಬಡಿಗೇರ, ಬಿ.ಎಸ್. ಪಾಟೀಲ, ಮುನೀರ್ ಅವಟಿಗೇರ, ನಾಗೇಂದ್ರ ಶಿವಸಿಂಪಿ, ರಫೀಕ ಬೀಳಗಿ, ಸದ್ದಾಂ ನದಾಫ, ವಿಕ್ರಂ ಬಿರಾದಾರ ಇದ್ದರು.