"ಜನಸ್ಪಂದನೆ'ಯಿಂದ ಮಧ್ಯವರ್ತಿಗಳ ಹಾವಳಿಗೆ ತಡೆ

ಹಂದನಕೆರೆ ಹೋಬಳಿಯ ಚೌಳಕಟ್ಟೆ ಗ್ರಾಪಂ ವ್ಯಾಪ್ತಿಯಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ 22ನೇ ವಾರದ ಮನೆಬಾಗಿಲಿಗೆ ಮನೆಮಗ ಕಾರ್ಯಕ್ರಮದ ಜನಸ್ಪಂದನಾ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಈ ಕಾರ್ಯಕ್ರಮದ ಮೂಲಕ ಸಾರ್ವಜನಿಕರು ವೈಯಕ್ತಿಕ ಇಲ್ಲವೇ ಸಾಮಾಜಿಕ ಸಮಸ್ಯೆಗಳ ಬಗ್ಗೆ ಅರ್ಜಿಗಳನ್ನು ನೀಡಬಹುದು. ಈ ಸಮಸ್ಯೆಗಳನ್ನು ಸಾಧ್ಯವಾದರೆ ಇಲ್ಲೇ ಬಗೆಹರಿಸಲಾಗುವುದು ಎಂದರು.

ಜನಸ್ಪಂದನಾ ಕಾರ್ಯಕ್ರಮವನ್ನು ಸಾರ್ವಜನಿಕರು ಬಳಸಿಕೊಳ್ಳುವ ಮೂಲಕ ಲಂಚ, ಮಧ್ಯವರ್ತಿಗಳ ಹಾವಳಿಗಳಿಂದ ದೂರವಾಗಬೇಕಿದೆ. ಶಿಕ್ಷಕರಿಗೆ ಒಂದು ಗ್ರಾಮವನ್ನೇ ಬದಲಾಯಿಸುವ ಶಕ್ತಿ ಇರುತ್ತದೆ. ಪ್ರತಿ ಗ್ರಾಮದಲ್ಲಿರುವ ಶಿಕ್ಷಕರು ಆ ಗ್ರಾಮದಲ್ಲಿನ ಸಮಸ್ಯೆಗಳ ಬಗ್ಗೆ ಗಮನ ಹರಿಸಿ ಪರಿಹಾರಕ್ಕೆ ಮುಂದಾಗಬೇಕು ಎಂದು ಸಲಹೆ ನೀಡಿದರು.

ಇಒ ದೊಡ್ಡಸಿದ್ದಯ್ಯ ಮಾತನಾಡಿ, ರಾಜ್ಯದಲ್ಲೇ ಯಾವುದೇ ಶಾಸಕರು ಮಾಡದಿರುವ ಕೆಲಸವನ್ನು ಈ ೇತ್ರದ ಶಾಸಕರು ಮಾಡುತ್ತಿದ್ದು, ಇದರಿಂದ ಆ ಗ್ರಾಮದಲ್ಲಿ ಕೆಲವು ಸಮಸ್ಯೆಗಳು ಬಗೆಹರಿಯುತ್ತವೆ. ನಿಮ್ಮ ವೈಯಕ್ತಿಕ ಸಮಸ್ಯೆಗಳಿಗೆ ಹಾಗೂ ಸಾಮಾಜಿಕ ಸಮಸ್ಯೆಗಳಿಗೆ ಲಿಖಿತದಲ್ಲಿ ಮನವಿ ಸಲ್ಲಿಸಿ, ಅರ್ಜಿಯಲ್ಲಿ ನಿಮ್ಮ ಮೊಬೈಲ್​ ಸಂಖ್ಯೆ ನೋಂದಾಯಿಸಿ. ಈ ಮೂಲಕ ನಿಮ್ಮ ಅರ್ಜಿಗಳ ವಿಲೇವಾರಿಯ ಬಗ್ಗೆ ಮಾಹಿತಿ ನೀಡಲಾಗುವುದು ಎಂದರು.

ಕೃಷಿ ಇಲಾಖೆಯ ಸಹಾಯಕ ನಿರ್ದೇಶಕ ಶಿವರಾಜ್​ಕುಮಾರ್​ ಮಾತನಾಡಿ, ಕೃಷಿ ಇಲಾಖೆಯಿಂದ ಲಕ್ಷಿ$್ಮಪುರ ಗ್ರಾಮಕ್ಕೆ ಉಚಿತ ಬಿತ್ತನೆಬೀಜ ನೀಡಿದ್ದೇವೆ. 7,200 ಜನರಿಗೆ ತುಂತುರು ನೀರಾವರಿ ಸೌಲಭ್ಯಗಳನ್ನು ನೀಡಲಾಗಿದೆ. ಈ ಹಿಂದೆಲ್ಲ 2 ಎಕರೆ ಮೇಲೆ ಜಮೀನಿದ್ದವರಿಗೆ ನೀಡಲಾಗುತ್ತಿತ್ತು. ಅದರೆ ಈಗ ಅರ್ಧ ಎಕರೆ ಜಮೀನಿದ್ದವರಿಗೂ ಈ ಸೌಲಭ್ಯಗಳನ್ನು ನೀಡಲಾಗುತ್ತಿದೆ. ಇನ್ನು ಇದರೊಂದಿಗೆ ಗೊಬ್ಬರ, ಕೀಟನಾಶಕಗಳು ಸೇ ಅನೇಕ ಸೌಲಭ್ಯಗಳನ್ನು ಇಲಾಖೆಯಿಂದ ರೈತರಿಗೆ ನೀಡಲಾಗುತ್ತಿದೆ ಎಂದರು.