ಸವದತ್ತಿ: ಬೆಳೆಯುತ್ತಿರುವ ಆರ್ಥಿಕ ವ್ಯವಸ್ಥೆಯಲ್ಲಿ ಮಕ್ಕಳಿಗೆ ಹಣಕಾಸಿನ ನಿರ್ವಹಣೆ ಕುರಿತು ಪ್ರಾಯೋಗಿಕ ಜ್ಞಾನ ಅತ್ಯಗತ್ಯ. ಇಂತಹ ಚಟುವಟಿಕೆಗಳು ಮಕ್ಕಳ ವ್ಯವಹಾರ ಜ್ಞಾನಕ್ಕೆ ಉತ್ತಮ ವೇದಿಕೆಯಾಗಿದೆ ಎಂದು ಮುಖ್ಯಶಿಕ್ಷಕ ಎಸ್.ಎಲ್.ತಿಮ್ಮಾಪುರ ಹೇಳಿದರು. ತಾಲೂಕಿನ ಬೆಟಸೂರ ಗ್ರಾಮದ ಪಿಎಂಶ್ರೀ ಸರ್ಕಾರಿ ಹಿರಿಯ ಪ್ರಾಥಮಿಕ ಹಾಗೂ ಪ್ರೌಢಶಾಲೆಯಲ್ಲಿ ಈಚೆಗೆ ಪಿಎಂಶ್ರೀ ಯೋಜನೆಯಡಿ ಹಣಕಾಸು ಸಾರತಾ ಕಾರ್ಯಕ್ರಮದ ಅಂಗವಾಗಿ ಹಮ್ಮಿಕೊಂಡಿದ್ದ ಮಕ್ಕಳ ಸಂತೆ ಮೇಳ ಉದ್ಘಾಟಿಸಿ ಮಾತನಾಡಿದರು. ವಿದ್ಯಾರ್ಥಿಗಳೇ ವ್ಯಾಪಾರಿಗಳಾಗಿ ತರಕಾರಿ, ಹಣ್ಣು, ಹೂವು, ತಿಂಡಿ&ತಿನಿಸು ಮಾರಾಟ ಮಾಡಿದರು. ಹಣ ಸ್ವೀಕಾರ, ಲೆಕ್ಕಾಚಾರ, ಉಳಿಕೆ ಹಾಗೂ ವ್ಯಾವಹಾರಿಕವಾಗಿ ನಡವಳಿಕೆಯನ್ನು ಮಕ್ಕಳು ಪ್ರಾಯೋಗಿಕವಾಗಿ ಕಲಿತುಕೊಂಡರು. ಆಟದ ಮೂಲಕ ಕಲಿಕೆಯ ಈ ವಿಧಾನ ಮಕ್ಕಳಲ್ಲಿ ಆತ್ಮವಿಶ್ವಾಸ ಹಾಗೂ ಆರ್ಥಿಕ ಜ್ಞಾನ ಹೆಚ್ಚಿಸಿತು.ಹಿರಿಯ ಶಿಕ ಆರ್.ಎಚ್.ಕಾಳಿ, ಪ್ರಾಥಮಿಕ ಶಾಲೆಯ ಮುಖ್ಯಶಿಕ್ಷಕ ಯು.ಬಿ.ಶಿಂಗಾರಗೊಪ್ಪ, ಪ್ರಿಯದರ್ಶನಿ ಉಡಕೇರಿ, ಸುಮನ ಯಾತನೂರ ಇತರರಿದ್ದರು.
