ಹೆದ್ದಾರಿ ದಾಟಲು ಕೆಳಸೇತುವೆ

ಸರ್ಕಾರದಿಂದ ಕ್ಷೇತ್ರದ ಅಭಿವೃದ್ಧಿಗೆ ಸಾಕಷ್ಟು ಅನುದಾನ ಸಿಗುತ್ತಿದ್ದು, ಎರಡು ವರ್ಷದಲ್ಲಿ ಕ್ಷೇತ್ರದ ಚಿತ್ರಣ ಬದಲಾಗಲಿದೆ. ಸ್ಥಳಿಯ ಪ್ರವಾಸೋದ್ಯಮ ಏಳಿಗೆ ಕಂಡು ಪ್ರವಾಸಿಗರ ಸಂಖ್ಯೆಯಲ್ಲಿ ಹೆಚ್ಚಳವಾಗಲು ಯಾತ್ರ್ರಿ ನಿವಾಸ ಅನುಕೂಲವಾಗಲಿದೆ ಎಂದು ಶಾಸಕ ಬಾಬಾಸಾಹೇಬ ಪಾಟೀಲ ಹೇಳಿದರು.

ಪಟ್ಟಣ ವ್ಯಾಪ್ತಿಯ ಗಿರಿಯಾಲ, ಚನ್ನಾಪುರ ಗ್ರಾಮದ ಸೂರ್ಯದೇವರ ದೇವಸ್ಥಾನ ಹಾಗೂ ಕರೆಮ್ಮ ದೇವಸ್ಥಾನದ ಬಳಿ 50 ಲ ರೂ.ವೆಚ್ಚದಲ್ಲಿ ನಿರ್ಮಾಣವಾಗಲಿರುವ ಯಾತ್ರಿ ನಿವಾಸ ಕಾಮಗಾರಿಗೆ ಚಾಲನೆ ನೀಡಿ ಮಾತನಾಡಿದರು. ಗಿರಿಯಾಲ, ಚನ್ನಾಪುರ ಗ್ರಾಮದಿಂದ ರಾಷ್ಟ್ರೀಯ ಹೆದ್ದಾರಿ ದಾಟುವಾಗ ಸಾಕಷ್ಟು ಜನರು ಜೀವ ಕಳೆದುಕೊಂಡಿದ್ದಾರೆ. ಕೆಳಸೇತುವೆ ನಿರ್ಮಿಸಬೇಕೆಂಬುದು ಬಹುದಿನಗಳ ಬೇಡಿಕೆಯಾಗಿತ್ತು. ಈಗ ಕೇಂದ್ರ ರಸ್ತೆ ಸಾರಿಗೆ ಸಚಿವ ನಿತಿನ ಗಡ್ಕರಿ ಅವರಿಗೆ ಅಪಘಾತ, ಅನಾಹುತಗಳ ಬಗ್ಗೆ ಮನವರಿಕೆ ಮಾಡಿದೆ. ಇದೀಗ 14 ಕೋಟಿ ರೂ. ಮಂಜೂರಾಗಿದ್ದು, ಶ್ರೀ ಕಾಮಗಾರಿ ಪ್ರಾರಂಭಗೊಳ್ಳಲಿದ್ದು, ಬೆಳಕಿನ ವ್ಯವಸ್ಥೆ, ಸರ್ವಿಸ್​ ರಸ್ತೆ ಅಗಲೀಕರಣ ನಡೆಯಲಿದೆ ಎಂದರು.

ಸಾರ್ವಜನಿಕರ ಅಭಿಪ್ರಾಯದಂತೆ ತಾಲೂಕು ಆಸ್ಪತ್ರೆ ಪಟ್ಟಣದಲ್ಲಿ ನಿರ್ಮಿಸುವಂತೆ ಹೋರಾಟ ಮಾಡಿದ್ದೇವೆ. ಅದರಂತೆ ತಾಲೂಕಾಡಳಿತ ಸೌಧ ಬಳಿ 33.70 ಕೋಟಿ ರೂ. ಅನುದಾನದಲ್ಲಿ 100 ಹಾಸಿಗೆ ಸಾಮರ್ಥ್ಯದ ಆಸ್ಪತ್ರೆ ಕಾಮಗಾರಿಗೆ ಶ್ರೀ ಭೂಮಿಪೂಜೆ ನೆರವೇರಿಸಲಾಗುವುದು. ಚನ್ನವೃಷಭೇಂದ್ರ ನೀರಾವರಿ ಯೋಜನೆಗೆ ಕಾಂಗ್ರೆಸ್​ ಸರ್ಕಾರ ಅನುದಾನ ಬಿಡುಗಡೆ ಮಾಡಿ ಕಾಮಗಾರಿ ಕೈಗೊಂಡಿದ್ದು, ತ್ವರಿತಗತಿಯಲ್ಲಿ ಮುಗಿಸಲಾಗುವುದು ಎಂದರು. ಕಾಂಗ್ರೆಸ್​ ಮುಖಂಡ ಅನಿಲ ಯಮ್ಮಿ ಮಾತನಾಡಿ, ಶಾಸಕ ಬಾಬಾಸಾಹೇಬ ಪಾಟೀಲ ನೇತೃತ್ವದಲ್ಲಿ ಕಿತ್ತೂರು ಮಾಸ್ಟರ್​ ಪ್ಲ್ಯಾನ್​ ಜಾರಿಯಾಗುತ್ತಿದ್ದು, ಜನಮೆಚ್ಚುಗೆ ಪಡೆದಿದ್ದಾರೆ ಎಂದರು.

ಸೂರ್ಯದೇವರ ದೇವಸ್ಥಾನದ ಧರ್ಮದರ್ಶಿ ಸುರೇಶ ಜೋರಾಪುರ, ಕರಿಯಮ್ಮ ದೇವಸ್ಥಾನದ ಅಧ್ಯ ಗುರುಪುತ್ರಪ್ಪ ಲಂಗೋಟಿ, ಪಪಂ ಅಧ್ಯ ಜಯಸಿದ್ಧರಾಮ ಮಾರಿಹಾಳ, ಜಗದೀಶ ವಸ್ತ್ರದ, ಪಿ.ಕೆ.ವಾಲಿಕರ, ಎಂ.ಎ್​.ಜಕಾತಿ, ಅಷ್ಪಾಕ್​ ಹವಾಲ್ದಾರ, ಸುನೀಲ ಘೀವಾರಿ, ಬಸವರಾಜ ಸಂಗೊಳ್ಳಿ, ವಿಷ್ಣು ಕಲಾಲ, ಬಾಬು ಪರಂಡಿಕರ, ಮಧು ಯಮ್ಮಿ, ನಿಂಗವ್ವ ಪಾಟೀಲ ಇತರರಿದ್ದರು.