ಅಂಬೇಡ್ಕರ್​ ಭವನಕ್ಕೆ ಹೈಟೆಕ್​ ಟಚ್​

ಚಿಂತಾಮಣಿ:

ಸಾರ್ವಜನಿಕರ ಹಾಗೂ ದಲಿತ ಹಕ್ಕುಗಳ ಹೋರಾಟಗಾರರ ವರ್ಷಗಳ ಕನಸು ಕೊನೆಗೂ ನನಸಾಗಿದೆ. ನಗರದ ಹೃದಯಭಾಗದಲ್ಲಿ ಅತ್ಯಾಧುನಿಕ ಹಾಗೂ ವಿನೂತನ ಮಾದರಿಯ ಅಂಬೇಡ್ಕರ್​ ಭವನ ಲೋಕಾರ್ಪಣೆಗೆ ಸಜ್ಜಾಗಿದೆ.

ಹೈಟೆಕ್​ ಸ್ಪರ್ಶ

5 ಲಕ್ಷ ರೂ. ಅನುದಾನದಿಂದ 20 ಕೋಟಿ ರೂ. ತೊಡಗಿಸಿಕೊಂಡ ಈ ಯೋಜನೆ, ಇಂದು ರಾಜ್ಯದಲ್ಲೇ ಪ್ರಥಮ ಬಾರಿಗೆ ಪೇಪರ್​ ಲೆಸ್​ ಸಭಾಂಗಣದ ಜತೆಗೆ ಸಂವಿಧಾನ ಶಿಲ್ಪಿ ಡಾ.ಅಂಬೇಡ್ಕರ್​ ಅವರ ಜೀವನ, ಹೋರಾಟ ಮತ್ತು ಚಿಂತನೆಗಳನ್ನು ಯುವಪೀಳಿಗೆಗೆ ತಲುಪಿಸಲು ವಿಶೇಷ ಅನುಭವ ಕೇಂದ್ರವನ್ನಾಗಿ ಸ್ಥಾಪಿಸಲಾಗಿದೆ. ವಿದ್ಯಾರ್ಥಿಗಳಿಗಾಗಿ 4 ಕಂಪ್ಯೂಟರ್​ ಅಳವಡಿಸಲಾಗಿದ್ದು, ಕ್ವಿಜ್​ ಸ್ಪರ್ಧೆಗಳ ಮೂಲಕ ಅಂಬೇಡ್ಕರ್​ ಜ್ಞಾನಾರ್ಜನೆಗೆ ಅವಕಾಶ ಕಲ್ಪಿಸಲಾಗಿದೆ.