ನೆಪ ಹೇಳಿ ನೋಂದಣಿ ವಿಳಂಬ ಮಾಡಬೇಡಿ ಎಂದ ಕೋರ್ಟ್​| ಇ-ಖಾತಾಗೆ ಸಂಬಂಧಿಸಿದ ಮಾರ್ಗಸೂಚಿ ಪ್ರಕಟ| High court

ಪ್ರಮುಖ ಮುಖ್ಯಾಂಶಗಳು

• ನ್ಯಾಯಾಲಯದ ಆದೇಶವಿದ್ದರೂ ನೋಂದಣಿ ನಿರಾಕರಣೆ ಸರಿಯಲ್ಲ
• ಸಬ್ ರಿಜಿಸ್ಟ್ರಾರ್ ಕಚೇರಿಗಳಿಗೆ ಸಮಗ್ರ ಮಾರ್ಗಸೂಚಿ ಪ್ರಕಟ
• ನ್ಯಾಯಾಲಯದ ಆದೇಶ ಪಾಲನೆ ಅಧಿಕಾರಿಗಳ ಕರ್ತವ್ಯ

ಮಾರ್ಗಸೂಚಿಯಲ್ಲೇನಿದೆ?: 

1. ಆಸ್ತಿ ನೋಂದಣಿ ಮಾಡಿಕೊಡಲು ಕೋರ್ಟ್ ಆದೇಶ ನೀಡಿದ ಮೇಲೂ ಅದನ್ನು ನಿರ್ವಹಿಸಲು ಮೂಲ ಮಾಲೀಕರು ವಿಲವಾದರೆ, ನ್ಯಾಯಾಲಯವೇ ಕೋರ್ಟ್ ಕಮಿಷನರ್ ನೇಮಿಸಬಹುದು. ಇವರು ಮಾಲೀಕರ ಪರವಾಗಿ ಕ್ರಯಪತ್ರಕ್ಕೆ ಸಹಿ ಹಾಕುವ ಅಧಿಕಾರ ಹೊಂದಿರುತ್ತಾರೆ. 
2. ನೋಂದಣಿಗೆ ಇ-ಖಾತಾ ಕಡ್ಡಾಯವಾಗಿದ್ದರೆ, ಆದೇಶ (ಡಿಕ್ರಿ) ಜಾರಿ ಮಾಡುವ ನ್ಯಾಯಾಲಯವು ಸ್ವಯಂಪ್ರೇರಿತವಾಗಿ ಅಥವಾ ಅರ್ಜಿ ವಿಜೇತರ (ಡಿಕ್ರಿ ಹೋಲ್ಡರ್) ಕೋರಿಕೆ ಮೇರೆಗೆ, ಸದರಿ ಆದೇಶ ಜಾರಿಗೊಳಿಸುವ ಉದ್ದೇಶಕ್ಕಾಗಿ ಮಾತ್ರ ಇ-ಖಾತೆ ನೀಡುವ ಪ್ರಕ್ರಿಯೆ ಕೈಗೆತ್ತಿಕೊಳ್ಳುವಂತೆ ಸಂಬಂಧಪಟ್ಟ ಸ್ಥಳಿಯ ಪ್ರಾಧಿಕಾರಕ್ಕೆ ನಿರ್ದೇಶನ ನೀಡಬಹುದು. 
3. ಆಸ್ತಿಯ ಮೂಲ ಮಾಲೀಕ (ಜಡ್ಜ್ಮೆಂಟ್ ಡೆಬ್ಟರ್) ಅರ್ಜಿ ಸಲ್ಲಿಸಿಲ್ಲ ಎಂಬ ಕಾರಣಕ್ಕೆ ಡಿಕ್ರಿ ಹೋಲ್ಡರ್ಗೆ ಇ-ಖಾತಾವನ್ನು ಸಕ್ಷಮ ಪ್ರಾಧಿಕಾರವು ನಿರಾಕರಿಸುವಂತಿಲ್ಲ. ಅಂತಹ ಸಂದರ್ಭದಲ್ಲಿ ಮೂಲ ಮಾಲೀಕನ ಹೆಸರಿನಲ್ಲಿ ಇ-ಖಾತಾ ನೀಡಬಹುದು ಅಥವಾ ಅವರನ್ನು ಪ್ರತಿನಿಧಿಸುವ ಕೋರ್ಟ್ ಕಮಿಷನರ್ ಹೆಸರಿಗೆ ಆದೇಶ ಕಾರ್ಯಗತಗೊಳಿಸುವ ಉದ್ದೇಶದಿಂದ ನೀಡಬಹುದು.
4. ಆಸ್ತಿಯ ಮೇಲೆ ತೆರಿಗೆ ಬಾಕಿಯಿದ್ದಲ್ಲಿ, ಮೂಲ ಮಾಲೀಕನೇ ಕಟ್ಟಬೇಕು ಎಂದು ಹಠ ಹಿಡಿಯುವಂತಿಲ್ಲ. ಅದನ್ನು ನ್ಯಾಯಾಲಯದಿಂದ ಡಿಕ್ರಿ ಪಡೆದುಕೊಂಡವರೇ ಪಾವತಿಸಲು ಅವಕಾಶ ನೀಡಬೇಕು. ಹೀಗೆ ಪಾವತಿಸಿದ ಹಣವನ್ನು ನಂತರ ಮೂಲ ಮಾಲೀಕನಿಂದ ನಿಯಮಾನುಸಾರ ವಸೂಲಿ ಮಾಡಿಕೊಳ್ಳಬಹುದು. 
5.  ಈ ಎಲ್ಲ ಪ್ರಕ್ರಿಯೆಗಳು ಪೂರ್ಣಗೊಂಡ 2 ವಾರಗಳೊಳಗೆ ಇ-ಖಾತೆ ವಿತರಿಸಬೇಕು. 
6.  ಕೋರ್ಟ್ ಕಮಿಷನರ್ ಸಿದ್ಧಪಡಿಸಿದ ಕ್ರಯಪತ್ರವನ್ನು ಮೂಲ ಮಾಲೀಕನೇ ಮಾಡಿಕೊಟ್ಟ ದಾಖಲೆಯಂತೆ ಪರಿಗಣಿಸಬೇಕು. ಮಾಲೀಕನ ಹಾಜರಾತಿ ಅಥವಾ ಒಪ್ಪಿಗೆಗಾಗಿ ನೋಂದಣಾಧಿಕಾರಿಗಳು ಆಗ್ರಹಿಸುವಂತಿಲ್ಲ.