ಸವಾರರ ಸಾವು ತಪ್ಪಿಸಲು ಶಿರಸ್ತ್ರಾಣ ಕಡ್ಡಾಯ Helmets

ಬಂಗಾರಪೇಟೆ ಮತ್ತು ಕೆಜಿಎಫ್​ ತಾಲೂಕುಗಳ ವ್ಯಾಪ್ತಿಗೆ ಬರುವ  ಆಯಾ ಠಾಣೆ ವ್ಯಾಪ್ತಿಗಳಲ್ಲಿ ಪೊಲೀಸ್​ ಅಧಿಕಾರಿಗಳು ಮತ್ತು ಸಿಬ್ಬಂದಿ ಹೆಲ್ಮೆಟ್​ ಕುರಿತು ಜಾಗೃತಿ ಮೂಡಿಸುತ್ತಿದ್ದಾರೆ.

ಕೆಜಿಎಫ್​ ಪೊಲೀಸ್​ ಜಿಲ್ಲಾ ವ್ಯಾಪ್ತಿಯಲ್ಲಿ ಸಂಭವಿಸಿದ ಅಪಘಾತಗಳ ಅಂಕಿ&ಅಂಶ ಪರಿಶೀಲಿಸಿದಾಗ ಆತಂಕಕಾರಿ ವಿಷಯ ಹೊರಬಿದ್ದಿದ್ದು, ಕಳೆದ 3 ವರ್ಷಗಳಲ್ಲಿ ಒಟ್ಟು 216 ಜನ ಮೃತಪಟ್ಟಿದ್ದು, ಆ ಪೈಕಿ 168 ಮಂದಿ ದ್ವಿಚಕ್ರ ವಾಹನ ಸವಾರರೇ ಆಗಿದ್ದಾರೆ. ಇವರಲ್ಲಿ ಶೇ.90 ಮಂದಿ ಹೆಲ್ಮೆಟ್​ ಧರಿಸದಿರುವುದೇ ಸಾವಿಗೆ ಕಾರಣವಾಗಿದೆ.

ಅಮಾಯಕರ ಸಾವು ತಪ್ಪಿಸುವ ಉದ್ದೇಶದಿಂದ ಮತ್ತು ಕಾನೂನು ಜಾಗೃತಿ ಹೆಚ್ಚಿಸುವುದಕ್ಕಾಗಿ ಹೆಲ್ಮೆಟ್​ ಕಡ್ಡಾಯಕ್ಕೆ ಇಲಾಖೆ ಮುಂದಾಗಿದೆ.

ಇನ್ನು ಹೆಲ್ಮೆಟ್​ ಇಲ್ಲದ ವಾಹನ ಸವಾರರ ವಿರುದ್ಧ ತೆಗೆದುಕೊಳ್ಳುವ ಕಾನೂನು ಕ್ರಮಗಳು ದುರುಪಯೋಗ ಆಗದಂತೆ ಕ್ರಮ ವಹಿಸುವುದುಮೇಲಧಿಕಾರಿಗಳ ಕರ್ತವ್ಯವೂ ಆಗಿದೆ. 

ಕಾರಹಳ್ಳಿ, ದೇಶಿಹಳ್ಳಿ, ಬೂದಿಕೋಟೆ ವೃತ್ತ,  ಕೋಲಾರ ಮುಖ್ಯ ರಸ್ತೆ ಸೇರಿದಂತೆ ಸಂದಿಗೊಂದಿಗಳಿಂದ ಮನಸೋಇಚ್ಛೆ ವಾಹನ ಚಲಾಯಿಸುವವರನ್ನು ಹತೋಟಿಗೆ ತರಬೇಕಿದೆ. 

ಮೊದಲಿನಿಂದಲೂ ಕೆಜಿಎಫ್​ ಜಿಲ್ಲಾ ಪೊಲೀಸ್​ ವತಿಯಿಂದ ಸಾರ್ವಜನಿಕ ಸ್ಥಳಗಳು, ಶಾಲಾ ಕಾಲೇಜುಗಳು ಹಾಗೂ ಜನನಿಬಿಡ ಪ್ರದೇಶಗಳಲ್ಲಿ ಸಂಚಾರಿ ನಿಯಮಗಳು ಮತ್ತು ಹೆಲ್ಮೆಟ್​ಧರಿಸುವುದರಿಂದಾಗುವ ಪ್ರಯೋಜನ ಕುರಿತು ಅರಿವು ಮೂಡಿಸಲಾಗಿದೆ. ಸಾಮಾಜಿಕ ಜಾಲತಾಣಗಳ ಮೂಲಕವೂ ಅರಿವು ಮೂಡಿಸಲಾಗುತ್ತಿದೆ. ಕಳೆ ಮೂರು ದಿನಗಳಿಂದ ಬೇರೆ ಬೇರೆ ವಿಧಾನಗಳ ಮೂಲಕ ಜಾಗೃತಿ ಮೂಡಿಸುತ್ತಿದ್ದಾರೆ. 

"