ಅಂಗವಿಕಲ ಮಂಡಳಿ ರಚನೆಗೆ ಶಿಾರಸು

ನಗರಸಭೆ ಆವರಣದಲ್ಲಿ ತಾಲೂಕು ಆಡಳಿತ, ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆಯ ಆಶ್ರಯದಲ್ಲಿ ಬುಧವಾರ ಆಯೋಜಿಸಿದ್ದ ವಿಶ್ವ ಅಂಗವಿಕಲ ದಿನಾಚರಣೆ ಉದ್ಘಾಟಿಸಿ ಮಾತನಾಡಿ, ಅಂಗವಿಕಲರಾಗಿ ಹುಟ್ಟಲು ಯಾರೂ ಬಯಸುವುದಿಲ್ಲ. ಅನಿವಾರ್ಯ ಪರಿಸ್ಥಿತಿಗಳಲ್ಲಿ ಮತ್ತು ಗರ್ಭಾವಸ್ಥೆಯಲ್ಲಿ ಔಷಧೋಪಚಾರದ ಸಮಯದಲ್ಲಿ ಉಂಟಾಗುವ ಕೆಲ ವ್ಯತ್ಯಾಸಗಳಿಂದಲೂ ಅಂಗವಿಕಲತೆ ಕಾಡುವ ಸಂಭವವಿದೆ. ಹಾಗಂತ ಅಂಗವಿಕರನ್ನು ಸಮಾಜ ಎಂದಿಗೂ ತಿರಸ್ಕರಿಸಿಲ್ಲ. ಅವರು, ಸಮಾಜದ ಎಲ್ಲ ಕ್ಷೇತ್ರಗಳಲ್ಲೂ ಇತರರೊಂದಿಗೆ ಸಮಾನವಾಗಿ, ಸ್ವಾವಲಂಬಿಯಾಗಿ ಹಾಗೂ ಸ್ವಾಭಿಮಾನದಿಂದ ಬದುಕುವ ಹಕ್ಕು ಹೊಂದಿದ್ದಾರೆ ಎಂದರು.

ಅವರ ಜತೆ ಉಳ್ಳವರು ನಿಂತು ಅವರ ಅಭಿವೃದ್ಧಿಗೆ ಶ್ರಮಿಸುವ ಅಗತ್ಯವಿದೆ. ಈಗಾಗಲೇ ಸರ್ಕಾರಗಳು ಸಾಕಷ್ಟು ನಿಗಮ&ಮಂಡಳಿ ರಚಿಸಿವೆ. ಇದರ ಜತೆಗೆ ಅಂಗವಿಕಲರ ಮಂಡಳಿ ಸ್ಥಾಪಿಸಲು ಚಿಂತಿಸಿದ್ದು, ಸರ್ಕಾರದ ನೀತಿ ರ್ನಿಣಯಗಳಲ್ಲಿ ಅಂಗವಿಕಲರ ಧ್ವನಿಗೆ ಆದ್ಯತೆ ದೊರಕಿಸುವುದು ಅತ್ಯವಶ್ಯ. ಈ ನಿಟ್ಟಿನಲ್ಲಿ ಬಜೆಟ್​ ಪೂರ್ವದಲ್ಲಿ ಮುಖ್ಯಮಂತ್ರಿಗಳು ಕರೆಯುವ ಸಭೆಯಲ್ಲಿ ವೈಯಕ್ತಿಕವಾಗಿ ಅವರ ಮನವೊಲಿಸಿ ಅಂಗವಿಕಲರಿಗೆ ಪ್ರತ್ಯೇಕ ಮಂಡಳಿ ರಚಿಸುವಂತೆ ಮಾಡುತ್ತೇನೆ ಎಂದರು.

ತುಮಕೂರು ಜಿಲ್ಲಾ ಅಂಗವಿಕಲ ಹಿತಾರಕ್ಷಣಾ ಸಮಿತಿಯ ಅಧ್ಯಕ್ಷ ಗಂಗರಾಜು ಮಾತನಾಡಿ, ಜಿಲ್ಲೆಯಲ್ಲಿ ಸುಮಾರು 70 ಸಾವಿರ ಅಂಕವಿಕಲರಿದ್ದು, ನಮಗೆ ಮಂಡಳಿಯ ಅವಶ್ಯಕತೆಯಿದೆ. ಮಹಿಳೆಯರಿಗೆ ಬಸ್​ನಲ್ಲಿ ಪ್ರಯಾಣ ಉಚಿತವಾಗಿರುವಂತೆ ನಮಗೂ ಪಾಸ್​ಗೆ ಬದಲಾಗಿ ಉಚಿತ ಪ್ರಯಾಣಕ್ಕೆ ಅವಕಾಶ ಮಾಡಬೇಕು ಎಂದರು.

ಪ್ರಾಂಶುಪಾಲ ರಾಮಕೃಷ್ಣಯ್ಯ ಮಾತನಾಡಿ, ಅಂಕವಿಕಲರಿಗೆ ಯಾವುದೇ ರೀತಿಯ ತೊಂದರೆ ಮತ್ತು ಅನ್ಯಾಯಗಳು ಆಗಬಾರದೆಂದು ಸರ್ಕಾರಗಳು ಹಲವಾರು ಯೋಜನೆಗಳನ್ನು ಜಾರಿಗೆ ತಂದಿದೆ. ಅವುಗಳನ್ನು ಸದುಪಯೋಗಿಸಬೇಕು. ಅಂಕವಿಕಲತೆ ಶಾಪ, ಪೂರ್ವಜನ್ಮದ ಕರ್ಮ, ಅವರಿಗೆ ಭಿಕ್ಷಾಟನೆಯೇ ಗತಿ ಎಂಬ ಕಾಲವಿತ್ತು. ಆದರೆ ಇಂದು ಕಾಲ ಬದಲಾಗಿದೆ. ಅಂಗವಿಕಲರು ಹಲವಾರು ಕ್ಷೇತ್ರದಲ್ಲಿ ಸಾಕಷ್ಟು ಸಾಧನೆ ಮಾಡಿದ್ದಾರೆ ಎಂದರು.

ಎಸ್ಸೆಸ್ಸೆಲ್ಸಿ ಹಾಗೂ ಪಿಯುಸಿಯಲ್ಲಿ ತೇರ್ಗಡೆಯಾದ ಅಂಗವಿಕಲರಿಗೆ ಪ್ರತಿಭಾ ಪುರಸ್ಕಾರ, ಕ್ರೀಡಾಕೂಟದಲ್ಲಿ ವಿಜೇತರಿಗೆ ಬಹುಮಾನ, ವಿವಿಧ ಸಾಂಸತಿಕ ಕಾರ್ಯಕ್ರಮದ ವಿಜೇತರಿಗೆ ಪ್ರಮಾಣಪತ್ರ, ದ್ವಿಚಕ್ರ ವಾಹನ ವಿತರಣೆ, ಗ್ರಂಥಾಲಯಕ್ಕೆ ದರ್ಶನಿ ಪರಿಕರಗಳು, ಲ್ಯಾಪ್​ಟಾಪ್​, ಶ್ರವಣ ಸಾಧನಗಳು, ಪಿಂಚಣಿ ಆದೇಶದ ಪತ್ರ ಹಾಗೂ ಅಂಗನವಾಡಿಗಳಿಗೆ ಕಿಟ್​ ವಿತರಣೆ ಮಾಡಲಾಯಿತು.

ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆಯ ಜಿಲ್ಲಾ ಅಧಿಕಾರಿ ಚಿದಾನಂದ್​, ಹಿಂದುಳಿ ವರ್ಗಗಳ ಕಲ್ಯಾಣಾಧಿಕಾರಿ ಜಲಜಾಕ್ಷಮ್ಮ, ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ದೀಪ ಹೆಬ್ಬಳ್ಳಿ, ಗ್ರೇಟ್​&2 ತಹಸೀಲ್ದಾರ್​ ಎ.ಕೆ.ಜಗನ್ನಾಥ್​, ತಾಲೂಕು ಅಂಗವಿಕಲ ಸಂಘದ ಅಧ್ಯಕ್ಷ ಇನಾಯತ್​, ಕಾರ್ಮಿಕ ಇಲಾಖೆಯ ಸುಶೀಲಾ, ಕಂದಾಯ ಇಲಾಖೆಯ ರಂಗಪ್ಪ ಮತ್ತಿತರರು ಇದ್ದರು.