ರಾಜ್ಯದಲ್ಲಿ ವಾರಪೂರ್ತಿ ಬಿರುಗಾಳಿ ಸಹಿತ ಆಲಿಕಲ್ಲು ಮಳೆ

ತುಮಕೂರಿನ ಮಧುಗಿರಿಯಲ್ಲಿ ಸೋಮವಾರ ಸಾಧಾರಣ ವರ್ಷಧಾರೆಯಾಯಿತು. ರಾಜ್ಯದ ಹಲವೆಡೆ ಬಿಸಿಲು ವಾತಾವರಣ ಮುಂದುವರಿದಿದೆ. ಮಧ್ಯಾಹ್ನ ಮತ್ತು ಸಂಜೆ ವೇಳೆ ಭಾಗಶಃ ಮೋಡ ಕವಿದ ವಾತಾವರಣ ಕಾಣಿಸಿಕೊಳ್ಳುತ್ತಿದೆ.

ಉಡುಪಿ, ದಕ್ಷಿಣ ಕನ್ನಡ, ಉತ್ತರ ಕನ್ನಡ, ಕೊಡಗು,ಚಿಕ್ಕಮಗಳೂರು, ಶಿವಮೊಗ್ಗ, ಹಾಸನದಲ್ಲಿ ಮಾ.24ರಿಂದ ಮಾ.30ರವರೆಗೆ ಹಾಗೂ ಬಾಗಲಕೋಟೆ, ಬೆಳಗಾವಿ, ಬೀದರ್, ಧಾರವಾಡ, ಗದಗ, ಹಾವೇರಿ, ಕಲಬುರಗಿ, ಕೊಪ್ಪಳ, ರಾಯಚೂರು, ವಿಜಯಪುರ, ಯಾದಗಿರಿ, ವಿಜಯನಗರ, ಮೈಸೂರು, ಚಾಮರಾಜನಗರದಲ್ಲಿ ಮುಂದಿನ 3 ದಿನ ಆಲಿಕಲ್ಲು ಮಳೆಯಾಗಲಿದೆ.

ಚಿತ್ರದುರ್ಗ,ಕೊಪ್ಪಳ,ದಾವಣಗೆರೆ, ತುಮಕೂರಿನಲ್ಲಿ ಮಾ.25ರಿಂದ ಮಾ.26ರವರೆಗೆ,ಬೆಂಗಳೂರು ನಗರ, ಬೆಂ.ಗ್ರಾಮಾಂತರ, ಬೆಂ.ದಕ್ಷಿಣ, ಮಂಡ್ಯ, ಕೋಲಾರದಲ್ಲಿ ಮಾ.29ರಿಂದ ಮುಂದಿನ 2 ದಿನ ಬಿರುಗಾಳಿ ಸಹಿತ ಆಲಿಕಲ್ಲು ಮಳೆ ಸುರಿಯಲಿದೆ ಎಂದು ಇಲಾಖೆ ಮಾಹಿತಿ ನೀಡಿದೆ.

ರಾಜ್ಯದ ಕೆಲ ಜಿಲ್ಲೆಗಳಲ್ಲಿ ಗಂಟೆಗೆ 40 ಕಿಮೀ ವೇಗದಲ್ಲಿ ಬಿರುಗಾಳಿ ಬೀಸಲಿದೆ. ಕಲಬುರಗಿಯಲ್ಲಿ ಸೋಮವಾರ 37.3 ಡಿ.ಸೆ. ಉಷ್ಣಾಂಶ ದಾಖಲಾಗಿದೆ. ಮೈಸೂರಿನಲ್ಲಿ ಕನಿಷ್ಠ ತಾಪಮಾನದಲ್ಲಿ 18.2 ಡಿ.ಸೆ. ವರದಿಯಾಗಿದೆ.