ಅಭಿವೃದ್ಧಿ ಕಾಮಗಾರಿಗೆ ಅನುದಾನ ಬಿಡುಗಡೆ

ಪಟ್ಟಣದ ಸಾಲೋಟಗಿ ಗ್ರಾಮದಲ್ಲಿ ಮೂರಮೂಲಿ ತಾಂಡಾದಿಂದ ಸಾಲೋಟಗಿ ವರೆಗೆ ರಸ್ತೆ ಕಾಮಗಾರಿಗೆ ಭೂಮಿ ಪೂಜೆಗೆ ಸೋಮವಾರ ಚಾಲನೆ ನೀಡಿ ಮಾತನಾಡಿದ ಅವರು, ಸಾತಲಗಾಂವದಿಂದ ನಾದ ಕೆಡಿ ಗ್ರಾಮದ ವರೆಗೆ 9.90 ಕೋಟಿ ರೂ., ಗೋಳಸಾರದಿಂದ ಮಿರಗಿ ವರೆಗೆ 5.60 ಕೋಟಿ ರೂ. ಮತ್ತು ರೂಗಿ ಕ್ರಾಸ್‌ನಿಂದ ತೆನೆಹಳ್ಳಿ ವರೆಗೆ 5.70 ಕೋಟಿ ರೂ. ರಸ್ತೆ ಕಾಮಗಾರಿಗೆ ಚಾಲನೆ ನೀಡಿದರು. ಕುಡಿಯುವ ನೀರಿನ ಸಮಸ್ಯೆ ಇದ್ದಾಗ ಜಲಧಾರೆ ಯೋಜನೆಯಿಂದ ಕುಡಿಯುವ ನೀರಿನ ಸಮಸ್ಯೆ ನಿವಾರಣೆ ಮಾಡಿದೆ. ಬೇಸಿಗೆಯಲ್ಲಿ ಸಹ ತಾಲೂಕಿನ ಕೆರೆಗಳು ತುಂಬಿವೆ. ಗುತ್ತಿಗೆದಾರರು ಗುಣಮಟ್ಟದ ರಸ್ತೆಗಳನ್ನು ಮಾಡಬೇಕು. 2026 ಮುಂದಿನ 3 ತಿಂಗಳಲ್ಲಿ ರಸ್ತೆಗಳು ಸುಧಾರಣೆ ಮಾಡುತ್ತೇನೆ ಎಂದರು.

ಡಾ. ಶಿವಯೋಗೇಪ್ಪ ಮಾಡ್ಯಾಳ, ಸಾಲೋಟಗಿ ಸಿದ್ಧೇಶ್ವರ ಸ್ವಾಮೀಜಿ ಗುರುದೇವಾಶ್ರಮದ ಸಂಗಮೇಶ್ವರ ಸ್ವಾಮೀಜಿಗಳು ಮಾತನಾಡಿದರು. ಕಂದಾಯ ಉಪ ವಿಭಾಗಾಧಿಕಾರಿ ಚಿದಾನಂದ ಗುರುಸ್ವಾಮಿ, ತಾ.ಪಂ. ಅಧಿಕಾರಿ ಮಹಾದೇವಪ್ಪ ಏವೂರ, ಸಿಪಿಐ ಸುನೀಲ ಪಾಟೀಲ, ಲ್ಯಾಂಡ್ ಆರ್ಮಿ ಎಇ ರಾಜೇಶ್ ಹೂಗಾರ, ಲೋಕೋಪಯೋಗಿ ಇಲಾಖೆ ಅಧಿಕಾರಿ ದಯಾನಂದ ಮಠ, ಗೀತಾ ಗುತ್ತರಗಿಮಠ, ರಾಜ್ಯ ಲಿಂಬೆ ಅಭಿವೃದ್ಧಿ ಅಧ್ಯಕ್ಷ ಭೀಮಣ್ಣ ಕವಲಗಿ, ಶಿವಯೋಗೇಪ್ಪ ಚನಗೊಂಡ ಮತ್ತಿತರರಿದ್ದರು.