ಬಾದಾಮಿ/ಆಲ್ಫಾನ್ಸೊ, ಕರಿ ಇಶಾಡ್, ರಸಪುರಿ, ಸೇಂದೂರ, ಮಲಗೋವ, ಮಲ್ಲಿಕಾ, ಬಂಗನಪಲ್ಲಿ, ದಶೇರಿ, ಕಾಲಪಾಡು, ಕೇಸರಿ, ನೀಲಂ, ತೋತಾಪುರಿ, ಇಮಾಮ್ ಪಸಂದ್ ಮುಂತಾದ ತಳಿಯ ಮಾವಿನ ತಳಿಗಳು ಲಭ್ಯ. ಇದರ ಜತೆಗೆ ಚಂದ್ರ ಹಲಸು ಸೇರಿ ನಾನಾ ಸ್ಥಳೀಯ ಹಲಸು ಸಹ ಕಡಿಮೆ ದರದಲ್ಲಿ ಸಿಗುತ್ತಿವೆ. ಮುಖ್ಯವಾಗಿ ಯಾವುದೇ ರಾಸಾಯನಿಕ ಇಲ್ಲದೇ, ನೆಸರ್ಗಿಕವಾಗಿ ಮಾಗಿದ ಮಾವಿನ ಹಣ್ಣುಗಳನ್ನು ಮಾತ್ರವೇ ಮಾರಾಟ ಮಾಡಲಿದ್ದು, ತಾಜಾತನದಿಂದ ಕೂಡಿವೆ. ಬೆಂಗಳೂರಿನ ನಾಗರಿಕರು, ಕಬ್ಬನ್ ಉದ್ಯಾನಕ್ಕೆ ಭೇಟಿ ನೀಡಿ ರೈತರಿಂದ ನೇರವಾಗಿ ಮಾವು ಖರೀದಿಸಬಹುದಾಗಿದೆ. ಸ್ವತಃ ರೈತರೇ ದರ ನಿಗದಿ ಪಡಿಸಿದ್ದು, ಕೆಲವರು ರಿಯಾಯಿತಿ ದರದಲ್ಲೂ ಹಣ್ಣುಗಳ ಮಾರಾಟ ಮಾಡುತ್ತಿದ್ದಾರೆ.
