ತೊಗರಿ ಪ್ರತಿ ಕ್ವಿಂಟಾಲ್​ಗೆ 11500 ರೂ.ಕೊಡಿ

ಕಲಬುರಗಿ: ತೊಗರಿ ಪ್ರತಿ ಕ್ವಿಂಟಾಲ್​ಗೆ 11500 ರೂ. ಹೆಚ್ಚಿಸಬೇಕು ಎಂಬುದು ಸೇರಿ ನಾನಾ ಬೇಡಿಕೆ ಈಡೇರಿಕೆಗೆ ಕೃಷಿ ಸಚಿವರ ಮೇಲೆ ಒತ್ತಡ ಹೇರುವಂತೆ ಆಗ್ರಹಿಸಿ ರಾಜ್ಯ ರೈತ ಸಂ ಸೇಡಂ ತಾಲೂಕು ಟಕದ ಪದಾಧಿಕಾರಿಗಳ ನಿಯೋಗ ದೆಹಲಿಗೆ ತೆರಳಿ ಕೇಂದ್ರ ಭಾರಿ ಕೈಗಾರಿಕೆ ಸಚಿವ ಎಚ್​.ಡಿ.ಕುಮಾರಸ್ವಾಮಿಯವರಿಗೆ ಬುಧವಾರ ಮನವಿ ಸಲ್ಲಿಸಿತು.

ಸಂದ ಸೇಡಂ ತಾಲೂಕು ಟಕದ ಅಧ್ಯಕ್ಷ ಶಾಂತಕುಮಾರ ಚನ್ನಕ್ಕಿ ಮಾತನಾಡಿ, ಕಲ್ಯಾಣ ಕರ್ನಾಟಕದ ಅದರಲ್ಲಿಯೂ ಕಲಬುರಗಿ ಜಿಲ್ಲೆಯ ರೈತರ ಪ್ರಮುಖ ವಾಣಿಜ್ಯ ಬೆಳೆಯಾದ ತೊಗರಿ ಜಾಗತಿಕ ಮಟ್ಟದಲ್ಲಿ ಜಿಐ ಟ್ಯಾಗ್​ ಹೊಂದಿದ್ದು, ದ್ವಿದಳ ಧಾನ್ಯಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿದೆ. ಆದರೆ ಈ ವರ್ಷ ಅತಿಯಾದ ಮಳೆಯಿಂದ ತೊಗರಿ ಬೆಳೆ ಸಂಪೂರ್ಣ ಹಾಳಾಗಿದ್ದು, ರೈತರು ತೊಂದರೆಗೆ ಸಿಲುಕಿಕೊಂಡಿದ್ದಾರೆ. ಹೀಗಾಗಿ ಅನ್ನದಾತನಿಗೆ ನ್ಯಾಯ ಒದಗಿಸುವ ಕೆಲಸ ಆಗಬೇಕು ಎಂದು ಮನವಿ ಮಾಡಿದರು.

ಪ್ರಸಕ್ತ ಸಾಲಿನಲ್ಲಿ ಕೇಂದ್ರ ಸರ್ಕಾರ ತೊಗರಿಗೆ ನೀಡುತ್ತಿರುವ ಎಂಎಸ್​ಪಿ ದರ ತುಂಬಾ ಕಡಿಮೆ ಇದ್ದ ಕಾರಣ ರೈತರು ತೊಗರಿ ಬೆಳೆಗೆ ಮಾಡುವ ಖರ್ಚು ಹೆಚ್ಚಾಗಿದೆ. ತೊಗರಿ ಎಂಟು ತಿಂಗಳ ಬೆಳೆಯಾಗಿದ್ದು, ರೈತರು ಬಿತ್ತನೆಯಿಂದ ಹಿಡಿದು ರಾಶಿ ಮಾಡುವವರೆಗೆ ಅದರ ಮೇಲೆ ವ್ಯಯಿಸುವ ಖರ್ಚು ಅಧಿಕವಾಗಿದೆ. 2025&2026ನೇ ಸಾಲಿನಲ್ಲಿ ಅತೀವೃಷ್ಠಿಯಿಂದಾಗಿ ತೊಗರಿ ಬೆಳೆ ಸಂಪೂರ್ಣ ಹಾಳಾಗಿದ್ದು, ಕೇಂದ್ರ ಸರ್ಕಾರದ ಬೆಳೆ ಪರಿಹಾರ ಹಣ ಜಮೆಯಾಗಿದೆ. ಆದರೆ ರೈತರಿಗೆ ತಾವು ನೀಡಿದ ಪರಿಹಾರ ಯಾವುದಕ್ಕೂ ಸಾಲುತ್ತಿಲ್ಲ. ಕೇಂದ್ರ ಸರ್ಕಾರ ನಿರ್ಧಾರ ಮಾಡಿರುವ ಎಂಎಸ್​ಪಿ ದರ 8000 ರೂ. ಇದ್ದು, ಅದನ್ನು 11500 ರೂ.ಗೆ ಹೆಚ್ಚಿಸಿದರೆ ರೈತರಿಗೆ ಅನುಕೂಲವಾಗಲಿದೆ ಎಂದು ಹೇಳಿದರು.

ರೈತರ ಮನವಿಗೆ ಸ್ಪಂದಿಸಿದ ಕೇಂದ್ರ ಸಚಿವ ಕುಮಾರಸ್ವಾಮಿ, ತಮ್ಮ ಮನವಿ ಪರಿಶೀಲಿಸಿ ಅಗತ್ಯ ಕ್ರಮ ಕೈಗೊಳ್ಳುವುದಾಗಿ ಭರವಸೆ ನೀಡಿದರು. ಮಾಜಿ ಸಚಿವ ಬಂಡೆಪ್ಪ ಕಾಶೆಂಪೂರ್​, ಕಲಬುರಗಿ ಜಿಲ್ಲಾ ಜೆಡಿಎಸ್​ ಅಧ್ಯಕ್ಷ ಬಾಲರಾಜ್​ ಗುತ್ತೇದಾರ್​, ಮುಖಂಡ ಜಿ.ಕೆ.ಪಾಟೀಲ್​, ಶಶಿಕಾಂತ ಗುತ್ತೇದಾರ್​ ಇತರರಿದ್ದರು.

"