ಮೂಲಗಳ ಪ್ರಕಾರ ಎಸ್ಡಿಪಿಐ ಸಂಟನೆ ಮುಂಬರುವ ನಗರಸಭೆ ಚುನಾವಣೆಯಲ್ಲಿ 12 ವಾರ್ಡಗಳಲ್ಲಿ ಗೆಲ್ಲಲು ಈಗಿನಿಂದಲೇ ಸಿದ್ಧತೆ ನಡೆಸಿದೆ. ಎಸ್ಡಿಪಿಐ ಗುರುತಿಸಿ 12 ವಾರ್ಡಗಳಲ್ಲಿ ಮುಸ್ಲಿಂ ಮತದಾರರೇ ನಿರ್ಣಾಯಕರಿದ್ದಾರೆ. ಭಾಗಶಃ ಈ 12 ವಾರ್ಡಗಳಲ್ಲಿ ಈಗ ಕಾಂಗ್ರೆಸ್ ನಗರಸಭೆ ಸದಸ್ಯರಿದ್ದು, ವಾರ್ಡ ಚುನಾವಣೆಯಲ್ಲಿ ಕಾಂಗ್ರೆಸ್ಸಿಗೆ ಪೈಪೋಟಿ ನೀಡಲಿದ್ದಾರೆ. ನಗರದ ವಾಡ್ ನಂ 1ರ ಆಶ್ರಯ ಕಾಲೋನಿ, ವಾರ್ಡ ನಂ 10 ಬೆಟಗೇರಿ ಕುರಹಟ್ಟಿ ಪೇಟೆ, ವಾರ್ಡ ನಂ 16 ಡಿಸಿ ಮಿಲ್, ವಾರ್ಡ ನಂ 17 ಜವುಳಗಲ್ಲಿ, ವಾರ್ಡ ನಂ 18ರ ಜವುಳಗಲ್ಲಿ ತಗ್ಗು ಪ್ರದೇಶ, ವಾರ್ಡ ನಂ 20ರ ಖಾನತೋಟ, ವಾರ್ಡ 22ರ ಗಂಗಿಮಡಿ ತಾಜನಗರ, ವಾರ್ಡ ನಂ 23ರ ಒಕ್ಕಲಗೇರಿ ಹಿಂದಿನ ಭಾಗ ಹೀಗೆ ನಗರದ 12 ವಾರ್ಡಗಳಲ್ಲಿ ಎಸ್ಡಿಪಿಐ ಸಿದ್ಧತೆ ನಡೆಸಿದೆ. ಎಸ್ಡಿಪಿಐ ಸಿದ್ಧತೆ ನಡೆಸಿರುವ ಈ ವಾರ್ಡಗಳಲ್ಲಿ ಶೇ. 30 ರಿಂದ ಶೇ. 55 ರಷ್ಟು ಅಲ್ಪಸಂಖ್ಯಾತ ಮುಸ್ಲಿಂ ಮತದಾರರೇ ಇದ್ದಾರೆ.
