ಮುತ್ತು ಹವಳ ಸರ್ಕಾರಕ್ಕೆ ನೀಡಲು ಮುಂದಾದ ರೈತ

ಲಕ್ಕುಂಡಿಯಲ್ಲಿ ಪತ್ತೆಯಾದ 470 ಗ್ರಾಂ ಚಿನ್ನದ ನಿಧಿಯನ್ನು ಸರ್ಕಾರಕ್ಕೆ ಒಪ್ಪಿಸಿ ಕಟುಂಬವೊಂದು ಪ್ರಾಮಾಣಿಕತೆ ಮೆರೆತದಿದೆ. ಇದಕ್ಕೆ ಪೂರಕ ಎಂಬಂತೆ ಗ್ರಾಮದ ರೈತನೋರ್ವ ತನಗೆ ಸಿಕ್ಕಂತ ಮುತ್ತ, ಹವಳಗಳನ್ನು ಸರ್ಕಾರಕ್ಕೆ ಒಪ್ಪಿಸಲು ಮುಂದಾಗಿದ್ದು ಗ್ರಾಮದ ಜನರ ಪ್ರಾಮಾಣಿಕತೆಗೆ ಉದಾಹರಣೆ ಆಗಿದೆ.

ಲಕ್ಕುಂಡಿಯ ಮಣ್ಣಿನಲ್ಲಿ ಮುತ್ತು- ರತ್ನ- ಹವಳ ದೊರೆಯುತ್ತಿರುವುದು ಈಗ ಹೊಸದೇನಲ್ಲ. ಇಂತದ್ದೇ ಪ್ರಕರಣವೊಂದು ಈಗ ಬೆಳಕಿಗೆ ಬಂದಿದ್ದು, ಗ್ರಾಮದಲ್ಲಿ ಕಂಬಾರಿಕೆ ಮಾಡುತ್ತ ಜೀವನ ನಡೆಸುತ್ತಿರುವ ಬಸಪ್ಪ ಬಡಿಗೇರ ಎಂಬುವವರು ಕಳೆದ 40 ವರ್ಷಗಳಿಂದ ಗ್ರಾಮದ ಹಾಲಗುಂಡಿ ಬಸವಣ್ಣನ ದೇವಸ್ಥಾನದ ಹತ್ತಿರ ಇರುವ ಜಮೀನಿನಲ್ಲಿ ಮುತ್ತು- ರತ್ನ- ಹವಳಗಳನ್ನು ಹುಡುಕಿ ಸಂಗ್ರಹಿಸಿ ಇಟ್ಟುಕೊಳ್ಳುತ್ತಿದ್ದಾರೆ. ಈಗಾಗಲೇ ಒಂದು ಬಾರಿ ಸಂಗ್ರಹಿಸಿದ ಮುತ್ತು, ರತ್ನ ಹವಳಗಳನ್ನು ಸರ್ಕಾರಕ್ಕೆ ನೀಡಿರುವ ಬಸಪ್ಪ ಅವರು ಈಗ ಮತ್ತೊಮ್ಮೆ ಸಿಕ್ಕಂತಹ ಹವಳ ಮತ್ತು ಇತರೆ ಬೆಲೆಬಾಳುವ ವಸ್ತುಗಳನ್ನು ಸರ್ಕಾರಕ್ಕೆ ಒಪ್ಪಿಸುವುದಾಗಿ ತಿಳಿಸಿದ್ದಾರೆ.

ಐತಿಹಾಸಿಕ ಲಕ್ಕುಂಡಿ ಗ್ರಾಮದಲ್ಲಿ ಪುರಾತನ ಕಾಲದ ವಸ್ತುಗಳು ಪತ್ತೆ ಮಾಡಿ ಸಂಗ್ರಹಿಸುವ ಹವ್ಯಾಸವನ್ನೇ ರೂಢೀಸಿಕೊಂಡಿರುವ ಬಸಪ್ಪ ಬಡಿಗೇರ ಮುತ್ತು, ಹವಳ, ನೀಲಮಣಿ, ಸ್ಪಟಿಕ, ಬಿಳಿ ಹವಳ, ಕರಿಪುಕ್ಕಾ, ಹಸಿರು ಮಣಿ ಸೇರಿದಂತೆ ಹಲವು ಮೌಲ್ಯಯುತ ವಸ್ತುಗಳನ್ನು ಹುಡುಕಿ ಸಂಗ್ರಹಿಸಿದ್ದಾರೆ. ಮಳೆಗಾಲದ ಅವಧಿಯಲ್ಲಿ ಮಳೆ ಬಂದ ನಂತರ ಹಾಲಗುಂಡಿ ಬಸವಣ್ಣನ ದೇವಸ್ಥಾನದ ಹತ್ತಿರ ಇರುವ ಜಮೀನಿನಲ್ಲಿ ಶೋಧ ಕಾರ್ಯದಲ್ಲಿ ತೊಡಗುವ ಬಸಪ್ಪ ಬಡಿಗೇರ ಅವರಿಗೆ ಈ ಹಿಂದೆ ಸಾಕಷ್ಟು ಪುರಾತನ ಕಾಲದ ವಸ್ತುಗಳು ದೊರೆತಿವೆ. ಅವುಗಳನ್ನು ಜಿಲ್ಲಾಡಳಿತಕ್ಕೆ ಹಸ್ತಾಂತರ ಮಾಡಿದ್ದಾರೆ. ಈಗ ಮತ್ತೆ ಪುರಾತನ ವಸ್ತುಗಳು ಪತ್ತೆ ಮಾಡಿರುವ ಅವರ ಪ್ರಯತ್ನವು ಲಕ್ಕುಂಡಿಯಲ್ಲಿ ಅಪಾರ ಚಿನ್ನದ ನಿಧಿ ಇದೆ ಎನ್ನುವ ನಂಬಿಕೆಗೆ ಪುರಾವೆ ಸಿಕ್ಕಂತಾಗಿದೆ.

ರಾಷ್ಟ್ರಕೂಟರು, ಕಲ್ಯಾಣ ಚಾಲುಕ್ಯರ ಆಡಳಿತದ ಅವಧಿಯಲ್ಲಿ ಟಂಕಸಾಲೆಯನ್ನಾಗಿ ಮಾಡಿಕೊಂಡಿದ್ದ ಲಕ್ಕುಂಡಿಯು ವೈಭವ ಮತ್ತೆ ಮುನ್ನಲೆಗೆ ಬಂದಿದ್ದು, ರಾಜ್ಯದ ಚಿತ್ತ ಲಕ್ಕುಂಡಿಯತ್ತ ನೆಟ್ಟಿದೆ. ಲಕ್ಕುಂಡಿ ಗ್ರಾಮದ 4ನೇ ವಾರ್ಡನ ಚವಡಿ ಬಳಿ ಮನೆಯ ಅಡಿಪಾಯ ಹಾಕುವಾಗ ದೊರೆತ 470 ಗ್ರಾಂ ಚಿನ್ನಾಭರಣ, 630 ಗ್ರಾಂ ತಾಮ್ರದ ತಂಬಿಗೆ ಹೊಂದಿದ ನಿಧಿಯು ರಾಜ್ಯ ಹಾಗೂ ದೇಶದ ಗಮನ ಸೆಳೆದಿದೆ.

ಕಳೆದ 40 ವರ್ಷಗಳಿಂದ ಮಳೆಯ ಸಂದರ್ಭದಲ್ಲಿ ಹಾಲಗುಂಡಿ ಬಸವಣ್ಣ ದೇವಸ್ಥಾನದ ಹತ್ತಿರವಿರುವ ಜಮೀನಿನಲ್ಲಿ ಹುಡುಕಾಟ ನಡೆಸುವ ಪ್ರವೃತ್ತಿ ಇಟ್ಟುಕೊಂಡಿದ್ದು, ಅನೇಕ ಬಾರಿ ಮುತ್ತು, ಹವಳ, ನೀಲಮಣಿ, ಸ್ಪಟಿಕ, ಬಿಳಿ ಹವಳ, ಕರಿಪುಕ್ಕಾ, ಹಸಿರು ಮಣಿ ಸೇರಿದಂತೆ ಹಲವು ಮೌಲ್ಯಯುತ ವಸ್ತುಗಳು ದೊರೆತಿವೆ. ಈಗಾಗಲೇ ಕೆಲವನ್ನು ಜಿಲ್ಲಾಡಳಿತಕ್ಕೆ ಹಸ್ತಾಂತರಿಸಿದ್ದೇನೆ. ಮತ್ತೆ ಹುಡುಕಾಟ ನಡೆಸಿದ ಸಂದರ್ಭದಲ್ಲಿ ಮತ್ತಷ್ಟು ಮೌಲ್ಯಯುತ ವಸ್ತುಗಳು ದೊರೆತಿವೆ. ಅದನ್ನೂ ಕೂಡ ಜಿಲ್ಲಾಡಳಿತಕ್ಕೆ ಹಸ್ತಾಂತರಿಸುತ್ತೇನೆ.

ಲಕ್ಕುಂಡಿ ಗ್ರಾಮದ ರೈತರು ಪ್ರಾಮಾಣಿಕತೆ ಮರೆದಿದ್ದಾರೆ. ಈ ಹಿಂದೆಯೂ ಪ್ರಾಚ್ಯವಸ್ತು ಸಂಗ್ರಹ ಅಭಿಯಾನಕ್ಕೆ ಕೈಜೋಡಿಸಿದ್ದರು. 2000 ಕ್ಕೂ ಅಧಿಕ ಪ್ರಾಚ್ಯವಸ್ತಿಗಳನ್ನು ಸರ್ಕಾರಕ್ಕೆ ನೀಡಿದ್ದರು. ಇತ್ತೀಚೆಗೆ 470 ಗ್ರಾಂ ಚಿನ್ನದ ನಿಧಿಯನ್ನು ಒಪ್ಪಿಸಿದ್ದಾರೆ. ಈ ಬಸಪ್ಪ ಎಂಬ ರೈತ ತನಗೆ ಸಿಕ್ಕ ಅಮೌಲ್ಯ ರತ್ನಗಳನ್ನು ಸರ್ಕಾರಕ್ಕೆ ನೀಡುವುದಾಗಿ ಹೇಳಿದ್ದು ಪ್ರಾಣಿಕತೆಗೆ ಸಾ ಆಗಿದೆ