ಜಿಲ್ಲೆಯಲ್ಲಿ ಜಲಜೀವನ ಮಿಷನ್​ ಯೋಜನೆ ವಿಫಲ

ಶಿವಾನಂದ ಹಿರೇಮಠ ಗದಗ

ಗ್ರಾಮೀಣ ಭಾಗದ ಪ್ರತಿಯೊಂದು ಮನೆಗೂ ಶುದ್ಧ ಕುಡಿಯುವ ನೀರು ತಲುಪಿಸುವ ಉದ್ದೇಶದಿಂದ ಕೇಂದ್ರ ಮತ್ತು ರಾಜ್ಯ ಸರ್ಕಾರ ಜಾರಿಗೊಳಿಸಿದ ಮಹತ್ವಕಾಂ ಜಲಜೀವನ ಮಿಷನ್​ (ಜೆಜೆಎಂ)ಯೋಜನೆ ಗದಗ ಜಿಲ್ಲೆಯಲ್ಲಿ ನಿರೀಕ್ಷಿತ ಮಟ್ಟದಲ್ಲಿ ಯಶಸ್ಸು ಕಾಣದೇ ಜನಾಕ್ರೋಶಕ್ಕೆ ಕಾರಣವಾಗಿದೆ. ಸಾವಿರ ಕೋಟಿಗೂ ಅಧಿಕ ವೆಚ್ಚದಲ್ಲಿ ಕಾಮಗಾರಿ ಕೈಗೊಳ್ಳಲಾಗಿದ್ದರೂ, ಅನೇಕ ಗ್ರಾಮಗಳಲ್ಲಿ ಇಂದಿಗೂ ಮನೆ ನಳಗಳಲ್ಲಿ ನೀರು ಹರಿಯದೇ ಯೋಜನೆ ಕಾಗದದಲ್ಲೇ ಉಳಿದಿದೆ. ಈ ಯೋಜನೆ ಕೇವಲ ಬೊಕ್ಕಸಕ್ಕೆ ಹೊರೆಯಾಗಿದೆ ಎಂಬ ಆರೋಪ ಬಲವಾಗಿ ಕೇಳಿ ಬಂದಿವೆ.

ಗದಗ ತಾಲೂಕಿನ ಗ್ರಾಮೀಣ ಭಾಗದಲ್ಲಿ 1.94 ಲಕ್ಷ ಜನಸಂಖ್ಯೆ ಇದ್ದು, 53000 ಗ್ರಾಮೀಣ ಮನೆಗಳಿಗೆ ಜೆಜೆಎಂ ಅಳವಡಿಸಲಾಗಿದೆ. ಲೆಕ್ಕದ ಪ್ರಕಾರ ತಾಲೂಕಿನಗೆ ಪ್ರತಿನಿತ್ಯ 13.45 ಮಿಲಿಯನ್​ ಲೀಟರ್​ ಒಂದು ದಿನಕ್ಕೆ (ಎಂಎಲ್​ಡಿ) ನೀರು ಬೇಡಿಕೆ ಇದ್ದು, ಇಲಾಖೆಯು ಪ್ರತಿನಿತ್ಯ 15.33 ಎಂಎಲ್​ಡಿ ನೀರು ಪೂರೈಸುತ್ತಿದೆ ಎಂದು ಹೇಳುತ್ತಿದೆ. ಆದರೆ, ತಾಲೂಕಿನ ಹೈತಾಪುರ, ಕೊಟಮುಚಗಿ ಹಾಗೂ ತಿಮ್ಮಾಪೂರ ಗ್ರಾಮಕ್ಕೆ ನೀರು ತಲುಪುತ್ತಿಲ್ಲ. ವಾಸ್ತವದಲ್ಲಿ 10 ಕ್ಕಿಂತ ಕಡಿಮೆ ಎಂಎಲ್​ಡಿ ನೀರು ತಾಲೂಕಿಗೆ ಪೂರೈಕೆ ಆಗುತ್ತಿದೆ ಎಂದು ಇಲಾಖೆಯ ಮೂಲಗಳೇ ತಿಳಿಸಿವೆ.

ತಾಲೂಕಿನ ಹಲವು ಗ್ರಾಮ ಪಂಚಾಯಿತಿಗಳಲ್ಲಿ ಪೈಪಲೈನ್​ ಅಳವಡಿಕೆ ರ್ಪೂಣಗೊಂಡಿದ್ದರೂ, ನೀರು ಸರಬರಾಜು ವ್ಯವಸ್ಥೆ ಸಮರ್ಪಕವಾಗಿ ಕಾರ್ಯ ನಿರ್ವಹಿಸುತ್ತಿಲ್ಲ. ಕೆಲವೆಡೆ ಓವರ್​ಹೆಡ್​ ಟ್ಯಾಂಕ್​ ನಿರ್ಮಾಣ ಅರ್ಪೂಣವಾಗಿದ್ದು, ಇನ್ನೂ ಕೆಲವು ಕಡೆ ಪಂಪ್​ ಮೋಟಾರ್​ ದೋಷ, ವಿದ್ಯುತ್​ ಸಮಸ್ಯೆ ಹಾಗೂ ನಿರ್ವಹಣಾ ಕೊರತೆಯಿಂದ ಜನರಿಗೆ ನಿರಂತರ ನೀರು ಸಿಗುತ್ತಿಲ್ಲ. ವಾಸ್ತವದಲ್ಲಿ ಯೋಜನೆಯೇ ವಿಲವಾಗಿದೆ ಎಂದು ಕಂಡು ಬಂದಿದೆ. ಮನೆಮನೆಗೆ ನಳ ಸಂಪರ್ಕ ನೀಡಲಾಗಿದೆ ಎಂದು ದಾಖಲೆಗಳಲ್ಲಿ ತೋರಿಸಲಾಗಿದ್ದರೂ, ವಾಸ್ತವದಲ್ಲಿ ಶೇ. 50ಕ್ಕಿಂತ ಹೆಚ್ಚು ಮನೆಗಳಿಗೆ ನೀರು ತಲುಪುತ್ತಿಲ್ಲ ಎಂಬು ಸ್ಪಷ್ಟ. ಕೆಲವು ಗ್ರಾಮಗಳಲ್ಲಿ ವಾರಕ್ಕೆ ಒಮ್ಮೆ ಮಾತ್ರ ನೀರು ಬರುತ್ತಿದ್ದು, ಮಹಿಳೆಯರು ಕೆರೆ, ಬಾವಿ ನೀರಿಗೆ ಅವಲಂಭಿತರಾಗಿದ್ದಾರೆ. ಗ್ರಾಮೀಣ ಭಾಗಗಳಲ್ಲಿ ಕಾಮಗಾರಿ ವಿಳಂಬ, ಗುಣಮಟ್ಟದ ಕೊರತೆ ಹಾಗೂ ಅಧಿಕಾರಿಗಳ ನಿರ್ಲಕ್ಷ$್ಯ ಕುರಿತು ಗ್ರಾಮಸಭೆಗಳಲ್ಲಿ ಜನರು ತೀವ್ರ ಅಸಮಾಧಾನ ವ್ಯಕ್ತಪಡಿಸುತ್ತಿರುವ ಟನೆಗಳೂ ನಡೆದಿವೆ.

ವಿವಿಧ ಗ್ರಾಮಗಳಲ್ಲಿ ಒಂದಕ್ಕಿಂತ ಹೆಚ್ಚು ಹೆಚ್ಚುವರಿ ಟ್ಯಾಂಪಿಂಗ್​ ಇರುವುದರಿಂದ ನೀರಿನ ಅಳತೆ ಸಿಗುತ್ತಿಲ್ಲ. ಅಕಾಲಿಕ ಮಳೆಯಿಂದಾಗಿ ವಿದ್ಯುತ್​ ಕಡಿತ ಉಂಟಾದಾಗ ನೀರು ಪೂರೈಕೆ ಸಾಧ್ಯ ಆಗುತ್ತಿಲ್ಲ. ಇಂತಹ ಸಂದರ್ಭದಲ್ಲಿ ಕೊಳವೆ ಬಾವಿಗಳ ಮೂಲಕ ನೀರು ಸರಬರಾಜು ಮಾಡಲು ಕ್ರಮ ವಹಿಸಲಾಗುತ್ತಿದೆ.

ಕೋಟ್​:

ಜೆಜೆಎಂ ಎಂಬುದು ದೊಡ್ಡ ಹಗರಣವಾಗಿ ಮಾರ್ಪಟ್ಟಿದೆ. ಗ್ರಾಮೀಣ ಭಾಗದ ಜನರಿಗೆ ಮಾಡಿದ ಮೋಸವಾಗಿದೆ. ಸರ್ಕಾರ ಈ ಯೋಜನೆಯಲ್ಲಿ ಆದಂತಹ ಲೋಪಗಳನ್ನು, ಭ್ರಷ್ಟಾಚಾರವನ್ನು ಬಯಲಿಗೆಳೆಯಲು ರಾಜ್ಯಮಟ್ಟದ ಸಮಿತಿಯನ್ನು ರಚಿಸಬೇಕು.