ಗದಗ: ಜಿಲ್ಲೆಯಲ್ಲಿ 2.13 ಲಕ್ಷ ಗ್ರಾಪಂ ವ್ಯಾಪ್ತಿಯ ಆಸ್ತಿಗಳಿಗೆ ಇಸ್ವತ್ತು

ಶಿವಾನಂದ ಹಿರೇಮಠ ಗದಗ

ನಗರ ಸ್ಥಳಿಯ ಸಂಸ್ಥೆಯ ನಗರಾಭಿವೃದ್ಧಿ ಪ್ರಾಧಿಕಾರದ ವ್ಯಾಪ್ತಿಯಲ್ಲಿನ ಅನೂಮೋದನೆ ಇಲ್ಲದ ಬಡವಾನೆಗಳಲ್ಲಿನ ಆಸ್ತಿಗಳಿಗೆ, ಅನಧಿಕೃತ ನಿವೇಶನ, ಕಟ್ಟಡಗಳಿಗೆ ಈ ಹಿಂದೆ ಬಿ-ಖಾತಾ ನೀಡುವ ಯೋಜನೆ ಜಾರಿ ತಂದ್ದಿದ್ದ ರಾಜ್ಯ ಸರ್ಕಾರ, ಅದೇ ರೀತಿಯ ಯೋಜನೆಯನ್ನೂ ರಾಜ್ಯದ ಎಲ್ಲ ಜಿಲ್ಲೆಗಳ ಗ್ರಾಪಂ ವ್ಯಾಪ್ತಿಗೂ ವಿಸ್ತರಿಸುವ ಇ-ಸ್ವತ್ತು(11ಎ ಮತ್ತು 11ಬಿ) ನಿಡುವ ಯೋಜನೆಯನ್ನು ಸೋಮವಾರದಿಂದ ಜಾರಿ ತಂದಿದೆ. ಇದರನ್ವಯ ಜಿಲ್ಲೆಯಲ್ಲಿ ಗ್ರಾಮಠಾಣಾ ಹೊರಗಿನ ಅಂದಾಜು 2.13 ಲಕ್ಷ ಅನಧೀಕೃತ ಆಸ್ತಿಗಳಿಗೆ ಇಖಾತಾ ನೀಡುವ ಪ್ರಕ್ರಿಯೆಗೆ ಜಿಲ್ಲೆಯಲ್ಲೂ ಸದಸ್ಯದಲ್ಲೇ ಚಾಲನೆ ಸಿಗಲಿದೆ.

ಹಲವು ವರ್ಷಗಳಿಂದ ಗ್ರಾಮಠಾಣಾ(ಜನವಸತಿ) ವ್ಯಾಪ್ತಿಯಿಂದ ಹೊರಗಡೆ ಮನೆ, ವಾಣೀಜ್ಯ ಕಟ್ಟಡ, ಶಿಕ್ಷಣ ಸಂಸ್ಥೆ, ದತ್ತಿ ಕೇಂದ್ರಗಳು ಸೇರಿದಂತೆ ಇತರೆ ಆಸ್ತಿಗಳ ಸರ್ಕಾರದಿಂದ ಮೂಲಭೂತ ಸೌಲಭ್ಯಗಳಾದ ರಸ್ತೆ, ವಿದ್ಯುತ್​ ಮುಂತಾದ ಸೌಲಭ್ಯಗಳನ್ನು ಪಡೆಯುತ್ತಿರುವ ಆಸ್ತಿಗಳು ಈ ಯೋಜನೆಗೆ ಒಳಪಡುತ್ತವೆ. ಸ್ಥಳಿಯ ಗ್ರಾಪಂ ನಿಂದ ಅನುಮೋದನೆ ಇಲ್ಲದ ಕಟ್ಟಡಗಳಿಗೆ, ಆಧಿಭೋಗ ಪ್ರಮಾಣಪತ್ರ ಪಡೆಯದ ನಿವೇಶನಗಳಿಗೆ ಇಖಾತಾ ನೀಡುವ ಯೋಜನೆ ಇದಾಗಿದೆ. ಇಖಾತಾ ನೀಡುವ ಯೋಜನೆಯಿಂದ ಜಿಲ್ಲೆಯ ಗ್ರಾಪಂಗಳಿಗೆ ತೆರಿಗೆ ರೂಪದಲ್ಲಿ ಆಥಿರ್ಕ ಸಂಪನ್ಮೂಲ ಹರಿದು ಬರಲಿದೆ. ವಿವಿಧ ರೀತಿಯ ಆಸ್ತಿಗಳಿಗೆ ವಿವಿಧ ರೀತಿಯ ತೆರಿಗೆಗಳನ್ನು ನಿಗದಿ ಪಡಿಸಲಾಗಿದ್ದು, ಇಂತಹ ಆಸ್ತಿಗಳಿಗೆ ಇಖಾತಾ ಪಡೆಯಲು ಎರಡು ಪಟ್ಟು ತೆರಿಗೆ ಪಾವತಿಸಿ ಇಖಾತಾ ಪಡೆಯಬಹುದು. ಪ್ರಮುಖವಾಗಿ ಇಖಾತಾ ಪಡೆಯಲು ಸಲ್ಲಿಸಿದ ಅಜಿರ್ಗಳನ್ನು 15 ದಿನಗಳಲ್ಲಿ ಸ್ಥಳಿಯ ಗ್ರಾಪಂ ವಿಲೇವಾರಿ ಮಾಡದೇ ಇದ್ದರೆ, ತಂತ್ರಾಂಶದಲ್ಲಿ ಇರುವ ಅಜಿರ್ಯು ತನ್ನಿಂತಾನೆ ಡೀಮ್ಡ್​ ಮಾನ್ಯತೆ ದೊರೆಯುತ್ತದೆ. ಅಜಿರ್ದಾರರು ಆನ್​ಲೈನ್​ ಮೂಲಕ ತೆರಿಗೆ ಪಾವತಿಸಿ ಇಖಾತಾ ಪಡೆಯಬಹುದು.

ಪ್ರಸ್ತುತ ಅಂಕಿ ಅಂಶಗಳ ಪ್ರಕಾರ ಗದಗ, ರೋಣ ಮತ್ತು ಗಜೇಂದ್ರಗಡ ತಾಲೂಕಿನ ಗ್ರಾಪಂ ವ್ಯಾಪ್ತಿಯಲ್ಲಿ ಅಧಿಕ ಸಂಖ್ಯೆಯಲ್ಲಿ ಆಸ್ತಿಗಳಿಗೆ ಇನ್ನೂ ಇಖಾತಾ ನೀಡಿಲ್ಲ. ಶೇ. 50 ರಷ್ಟು ಅಧಿಕ ಆಸ್ತಿಗಳು ಗ್ರಾಮಠಾಣಾ ವ್ಯಾಪ್ತಿಯ ಹೊರಗಡೆ ನಿಮಿರ್ಸಲಾಗಿದೆ. ಸರ್ಕಾರದ ಮೂಲಬೂತ ಸೌಕರ್ಯಗಳನ್ನು ಪಡೆಯುತ್ತಿವೆ. ಸರ್ಕಾರ ನಿಗದಿಪಡಿಸಿದ ತೆರಿಗೆ, ಶುಲ್ಕ ಪಾವತಿಸಿ ಇಖಾತಾ ಪಡೆಯಬಹುದಾಗಿದೆ.

ಡಿ.1 ರಿಂದ ರಾಜ್ಯಾದ್ಯಂತ ಯೋಜನೆ ಜಾರಿ ಆಗಿದೆ. ಜಿಲ್ಲೆಯಲ್ಲೂ ಎಲ್ಲ ರೀತಿಯ ಸಿದ್ಧತೆ ಮಾಡಿಕೊಳ್ಳಲಾಗಿದೆ. ಆಸ್ತಿಗಳ ಗುರುತಿಸುವಿಕೆ ಮತ್ತು ಅನುಮತಿ ನೀಡುವ ಪ್ರಕ್ರಿಯೆಯಲ್ಲಿ ಪಾರದರ್ಶಕ ಅಳವಡಿಸಿಕೊಳ್ಳಲಾಗಿದೆ. ಗ್ರಾಪಂ ವ್ಯಾಪ್ತಿಯಲ್ಲಿನ ಜನರಿಗೆ ನೂತನ ಯೋಜನೆ ಅನುಕಳ ಆಗಲಿದೆ. ಮನೆ, ಕಟ್ಟಡಗಳಿಗೆ ಅಧಿಕೃತ ದಾಖಲೆ ಲಭಿಸಲಿದೆ.