ಲಿಂಗದೇವರಕೊಪ್ಪ ಗ್ರಾಮದಲ್ಲಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಸೌಲಭ್ಯಗಳಿವೆ. ಇಲ್ಲಿ ಕಲಿತ ವಿದ್ಯಾರ್ಥಿಗಳು ಪ್ರೌಢ ಶಾಲೆಗೆ ಪಕ್ಕದ ಕುಂಚೂರು, ಹೆಡಿಯಾಲ, ಸುಣಕಲ್ಬಿದರಿ, ಹಿರೇಕೆರೂರು ಪಟ್ಟಣ ಮತ್ತು ಗ್ರಾಮಗಳಿಗೆ ತೆರಳುತ್ತಾರೆ. ಕೆಲವು ಮಕ್ಕಳ ತೀರಾ ಬಡತನದಲ್ಲಿ ಇರುವ ಕಾರಣಕ್ಕೆ ದುಡ್ಡುಕೊಟ್ಟು ಬಸ್ನಲ್ಲಿ ಹೋಗಲು ಸಾಧ್ಯವಾಗದೆ ಶಾಲೆ ಅರ್ಧಕ್ಕೆ ಬಿಡುವ ಪರಿಸ್ಥಿತಿ ಇದೆ. ಹೀಗಾಗಿ ಲಿಂಗದೇವರಕೊಪ್ಪ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಕಲಿತ ಏಳನೇ ತರಗತಿ ವಿದ್ಯಾರ್ಥಿಗಳು ಪ್ರೌಢಶಾಲೆಗೆ ಬೇರೆ ಊರಿಗೆ ಹೋದರೆ ಅವರಿಗೆ ಸ್ವಂತ ವೆಚ್ಚದಲ್ಲಿ ಬಸ್ಪಾಸ್ ಒದಗಿಸಲು ಹೊಳಜೋಗಿ ಸಂಕಲ್ಪ ಮಾಡಿದ್ದಾರೆ. ಇದು ಜನರ ಮೆಚ್ಚೆಗೆಗೆ ಪಾತ್ರವಾಗಿದೆ.
