ಅಂಗನವಾಡಿ ಕಟ್ಟಡ ಮೇಲೆ ವಿದ್ಯುತ್​ ತಂತಿ

ಚಿಂಚೋಳಿ : ಕೋಡ್ಲಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಸುಂಠಾಣದ ಅಂಗನವಾಡಿ ಕೇಂದ್ರ ಕಟ್ಟಡದ ಮೇಲೆ ಅಪಾಯಕಾರಿ ವಿದ್ಯುತ್​ ತಂತಿಗಳು ಹಾದು ಹೋಗಿದ್ದು, ಪುಟ್ಟ ಮಕ್ಕಳ ಜೀವಕ್ಕೆ ಕಂಟಕವಾಗಿ ಪರಿಣಮಿಸಿವೆ.

ಛತ್ರಪತಿ ಶಿವಾಜಿ ಬಡಾವಣೆಯಲ್ಲಿ ಅಂಗನವಾಡಿ ಕೇಂದ್ರ ಸಂಖ್ಯೆ 2 ಇದ್ದು, ಇಲ್ಲಿ ಸುಮಾರು 22 ಕಂದಮ್ಮಗಳು ಪೂರ್ವ ಪ್ರಾಥಮಿಕ ಶಿಕ್ಷಣ ಪಡೆಯುತ್ತಿದ್ದಾರೆ. ಕಟ್ಟಡದ ಮೇಲೆಯೇ ವಿದ್ಯುತ್​ ತಂತಿ ಹಾದು ಹೋಗಿದ್ದು, ನಿತ್ಯ ಮಕ್ಕಳು ಭಯದಲ್ಲಿಯೇ ಶಿಕ್ಷಣ ಪಡೆಯುವ ಸ್ಥಿತಿ ನಿರ್ಮಾಣವಾಗಿದೆ. ಮಕ್ಕಳು ಆಟವಾಡುವಾಗ ಅಥವಾ ಮೇಲ್ಛಾವಣಿ ಹತ್ತಿದರೆ ದೊಡ್ಡ ಅನಾಹುತವೆ ಸಂಭವಿಸುವ ಸಾಧ್ಯತೆಯಿದೆ.

ಮಳೆಗಾಲದಲ್ಲಂತೂ ಗೋಡೆಗಳು ತೇವಾಂಶದಿಂದ ಕೂಡಿದ್ದು, ವಿದ್ಯುತ್​ ಪ್ರವಹಿಸುವ ಆತಂಕ ನಿರಂತರವಾಗಿದೆ. ಅಪಾಯವನ್ನು ಅರಿತ ಗ್ರಾಮಸ್ಥರು ಮತ್ತು ಮುಖಂಡರು ಹಲವು ಬಾರಿ ಕಾಳಗಿ ಜೆಸ್ಕಾಂ ಕಚೇರಿಗೆ ವಿದ್ಯುತ್​ ತಂತಿ ಸ್ಥಳಾಂತರಿಸುವಂತೆ ಹಲವು ಬಾರಿ ಲಿಖಿತ ಹಾಗೂ ಮೌಖಿಕ ಮನವಿ ಸಲ್ಲಿಸಿದರೂ ಪ್ರಯೋಜನವಾಗಿಲ್ಲ.

ತಣ ಸಂಬಂಧಪಟ್ಟ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿ, ವಿದ್ಯುತ್​ ತಂತಿ ಸ್ಥಳಾಂತರಿಸಲು ಮುಂದಾಗಬೇಕು ಎಂಬುದು ಪಾಲಕರು ಹಾಗೂ ಗ್ರಾಮಸ್ಥರ ಒತ್ತಾಯವಾಗಿದೆ.

"