ತಾಲೂಕಿನ ಕೊಡಸೀಗೆ ಗ್ರಾಮದ ಸರ್ವೇ ನಂ.4ರಲ್ಲಿ 5 ಎಕರೆ ಜಮೀನು ಸರ್ಕಾರದಿಂದ 1970ರಲ್ಲಿ ಮಂಜೂರಾಗಿದ್ದು, ಅಂದಿನಿಂದಲೂ ಜಮೀನಿಗೆ ತಿರುಗಾಡುವ ರಸ್ತೆಗೆ ಪಕ್ಕದ ಜಮೀನಿನ ವ್ಯಕ್ತಿ ಮಲಾರ ಕಾಲನಿ ಗ್ರಾಮದ ನರಸಿಂಹಯ್ಯ ಹಾಗೂ ಆತನ ಮಕ್ಕಳು ತೊಂದರೆ ನೀಡುತ್ತಿದ್ದಾರೆ. ರಸ್ತೆ ಬಿಡಿಸುವಂತೆ ಎಚ್.ಡಿ.ಕೋಟೆ ತಹಸೀಲ್ದಾರ್ ಅವರಿಗೆ ದೂರು ನೀಡಿದ ನಂತರ ಎರಡು ತಿಂಗಳ ಹಿಂದೆ ಪೊಲೀಸ್ ಇಲಾಖೆ ಅಧಿಕಾರಿಗಳ ಸಮ್ಮುಖದಲ್ಲಿ ಕಂದಾಯ ಇಲಾಖೆ ಅಧಿಕಾರಿಗಳು ಹಾಗೂ ಸರ್ವೇ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಬಂದು ನನ್ನ ಜಮೀನಿಗೆ ತಿರುಗಾಡಲು ರಸ್ತೆ ಬಿಡಿಸಿ ಕೊಟ್ಟಿದ್ದರು. ಆದರೆ ಎರಡು ದಿನ ಸುಮ್ಮನಿದ್ದ ನರಸಿಂಹಯ್ಯ ಮತ್ತೆ ರಸ್ತೆಯನ್ನು ಒತ್ತುವರಿ ಮಾಡಿಕೊಂಡು ನನಗೆ ಜಮೀನಿಗೆ ಹೋಗಲು ರಸ್ತೆ ಬಿಡದೆ ತೊಂದರೆ ಕೊಡುತ್ತಿದ್ದು, ಜತೆಗೆ ಕೇಳಲು ಹೋದ ತನ್ನ ಮಾಲೆ ಹಲ್ಲೆ ಮಾಡಿದ್ದಾನೆ ಎಂದು ದೂರಿದರು. ಈ ವಿಚಾರವಾಗಿ ಪೊಲೀಸ್ ಠಾಣೆಗೆ ದೂರು ನೀಡಿದರೂ ನನಗೆ ನ್ಯಾಯ ಸಿಕ್ಕಿಲ್ಲ. ಹಾಗಾಗಿ ನನಗೆ ನ್ಯಾಯ ಸಿಗುವವರೆಗೆ ಇಲ್ಲಿಂದ ಹೋಗುವುದಿಲ್ಲ ಎಂದು ಪಟ್ಟುಹಿಡಿದು ಕುಳಿತ್ತಿದ್ದಾರೆ.
