ಆನ್ಲೈನ್ ಗೇಮ್್ಸ ಗೀಳು ಆರಂಭದಲ್ಲಿ ಕೇವಲ ಕುತೂಹಲ ಅಥವಾ ಕಾಲಹರಣದಂತೆ ತೋರುತ್ತದೆ. ಆದರೆ, ಕ್ರಮೇಣ ಇದು ಅಡಿಕ್ಷನ್ ಆಗಿ ಮಾರ್ಪಡುತ್ತದೆ. ಕಳೆದುಕೊಂಡ ಹಣವನ್ನು ಮರಳಿ ಗಳಿಸುವ ಹಠಕ್ಕೆ ಬಿದ್ದು, ಯುವಕರು ತಮ್ಮ ಸ್ನೇಹಿತರು, ಸಂಬಂಧಿಕರು ಮತ್ತು ಲೇವಾದೇವಿದಾರರಿಂದ ಲಕ್ಷಾಂತರ ರೂ. ಸಾಲ ಮಾಡುತ್ತಾರೆ. ಸಾಲದ ಸುಳಿಗೆ ಸಿಲುಕಿದಾಗ ಉಂಟಾಗುವ ತೀವ್ರ ಮಾನಸಿಕ ಒತ್ತಡ, ಖಿನ್ನತೆ ಮತ್ತು ಹತಾಶೆ ಅವರ ವಿವೇಚನೆಯನ್ನೇ ನಾಶಪಡಿಸುತ್ತದೆ. ಕೊಪ್ಪಳದ ಯುವಕನೂ ಇದೇ ಮಾನಸಿಕ ವಿಕೃತಿಗೆ ಬಲಿಯಾಗಿದ್ದಾನೆ. ತನ್ನ ದುರ್ವ್ಯಸನಕ್ಕೆ ಅಡ್ಡಿಯಾದ ಹೆತ್ತವರನ್ನೇ ಶತ್ರುಗಳಂತೆ ಕಂಡು, ಅವರ ಕೊಲೆ ಮಾಡಲೂ ಹಿಂಜರಿಯದ ಕ್ರೌರ್ಯ ಆತನಲ್ಲಿ ಜಾಗೃತವಾಗಿದೆ ಎಂದರೆ ಈ ಗೇಮ್ಳು ಯುವಕರ ಮಿದುಳನ್ನು ಹೇಗೆ ವಿಕೃತಗೊಳಿಸುತ್ತಿವೆ ಎಂಬುದನ್ನು ಊಹಿಸಬಹುದು.
