ಯುವಜನರಿಗೆ ಡಾ.ರಾಜ್​ ಕುಮಾರ್​ ಸ್ಫೂರ್ತಿ

ತುಮಕೂರು-: ಡಾ.ರಾಜ್​ ಸರಳತೆ ಮತ್ತು ಬದ್ಧತೆಯ ಸಂಕೇತ. ಸಾಮಾನ್ಯ ಕುಟುಂಬದಲ್ಲಿ ಹುಟ್ಟಿ ಅಸಮಾನ್ಯರಾಗಿ ಬೆಳೆದವರು ಎಂದು ಬೆಂಗಳೂರು ನಗರ ವಿಶ್ವ ವಿದ್ಯಾಲಯದ ಕುಲಪತಿ ಪ್ರೊ.ಬಿ.ರಮೇಶ್​ ಬಣ್ಣಿಸಿದರು.

ನಗರದ ಡಾ.ಗುಬ್ಬಿ ವೀರಣ್ಣ ಕಲಾಕ್ಷೇತ್ರದಲ್ಲಿ ಅಮರಜೋತಿ ಸಾಂಸತಿಕ ಟ್ರಸ್ಟ್​ಯಿಂದ ಇತ್ತೀಚೆಗೆ ಆಯೋಜಿಸಿದ್ದ ಡಾ.ರಾಜರತ್ನ ಪ್ರಶಸ್ತಿ ಪ್ರದಾನ ಸಮಾರಂಭ ಉದ್ಘಾಟಿಸಿ ಮಾತನಾಡಿ, ಇಂದಿಗೂ ಕಲಾವಿದರಿಗೆ ಮಾದರಿಯಂತಿರುವ ಡಾ.ರಾಜಕುಮಾರ್​ ಹೆಸರಿನಲ್ಲಿ ಪ್ರಶಸ್ತಿ ಸ್ವೀಕರಿಸುವುದು ಕಲಾವಿದನಿಗೆ ಹೆಮ್ಮೆಯ ವಿಷಯ. ಇವರ ಜೀವನ ಚರಿತ್ರೆಯನ್ನು ಯುವಜನರಿಗೆ ಕಥೆಯ ರೂಪದಲ್ಲಿ ಹೇಳುವ ಅಗತ್ಯವಿದೆ. ಅದು ಯುವಜನರ ಸ್ಫೂರ್ತಿಯನ್ನು ಮತ್ತಷ್ಟು ಹಸಿರಾಗಿಸುತ್ತದೆ ಎಂದರು.

ಕಾಡು ಮಲ್ಲೇಶ್ವರ ಗೆಳೆಯರು ಬಳಗದ ಅಧ್ಯಕ್ಷರು, ಮಾಜಿ ಪೊಲೀಸ್​ ಅಧಿಕಾರಿ ಬಿ.ಕೆ.ಶಿವರಾಂ ಮಾತನಾಡಿ, ಕಷ್ಟಗಳನ್ನೇ, ಎರಡು ತೊಡರುಗಳನ್ನೇ ಮೆಟ್ಟಿಲಾಗಿ ಮಾಡಿಕೊಂಡು ಯಾರು ಊಹಿಸಲಾಗದ ಎತ್ತರಕ್ಕೆ ಬೆಳೆದವರು ಡಾ.ರಾಜ್​, ಸಾಹಿತ್ಯದಲ್ಲಿ ಕುವೆಂಪು ಮೇರು ಪರ್ವತವಾದರೆ, ಕಲೆಯಲ್ಲಿ ಡಾ.ರಾಜ್​ ಹಿಮಾಲಯ ಪರ್ವತ. ಡಾ.ಪುನಿತ್​ ಸೇವೆಯ ಸಾಗರ. ಪೌರಾಣಿಕ ಪಾತ್ರಗಳಿಗೆ ಜೀವ ತುಂಬಿದವರು ರಾಜಕುಮಾರ್​ ಎಂದರು.

ಶಾಸಕ ಜಿ.ಬಿ.ಜೋತಿಗಣೇಶ್​ ಮಾತನಾಡಿ, ಇಂದಿನ ಸಿನಿಮಾ ನಿಮಾರ್ಪಕರಿಗೆ, ನಾಯಕ ನಟರಿಗೆ ಡಾ.ರಾಜಕುಮಾರ್​ ಸಿನಿಮಾ ತೋರಿಸಬೇಕಿದೆ ಎಂದರು. ಸಮಾರಂಭದಲ್ಲಿ ಕಲಾಶ್ರೀ ಡಾ.ಲಕ್ಷ$್ಮಣದಾಸ್​, ಕಸಾಪ ಜಿಲ್ಲಾಧ್ಯಕ್ಷ ಕೆ.ಎಸ್​.ಸಿದ್ದಲಿಂಗಪ್ಪ, ಕೌಶಲಾಭಿವೃದ್ಧಿ ನಿಗಮದ ಮಾಜಿ ಅಧ್ಯಕ್ಷ ಮುರಳೀಧರ ಹಾಲಪ್ಪ, ಡಾ.ಬಾಬು ಜಗಜೀವನ ರಾಮ್​ ಪ್ರಶಸ್ತಿ ಪುರಸತ ನರಸೀಯಪ್ಪ, ಅಮರ ಜೋತಿ ಸಾಂಸತಿಕ ಟ್ರಸ್ಟ್​ ದಿಬ್ಬೂರು ಮಂಜು, ಪತ್ರಕರ್ತ ಎಸ್​.ನಾಗಣ್ಣ, ಎಂ.ವಿ.ನಾಗಣ್ಣ, ಸಿದ್ದರಾಜು, ಡಾ.ಕಂಟಲಗೆರೆ ಸಣ್ಣಹೊನ್ನಯ್ಯ, ಶ್ರೀರಂಗಯ್ಯ ಮತ್ತಿತರರು ಉಪಸ್ಥಿತರಿದ್ದರು.

ಚಲನಚಿತ್ರ ಹಿನ್ನೆಲೆ ಗಾಯಕ ವಿಷ್ಣು ರಾಮನ್​ ಮತ್ತು ರಂಗಭೂಮಿ ಕಲಾವಿದ ವಸಂತಕುಮಾರ್​ ಭೀಮಸಂದ್ರಗೆ ಡಾ.ರಾಜ್​ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಅನುಶಾಂತರಾಜು, ನರಸೀಯಪ್ಪ, ಪ್ರೊ.ಓ.ನಾಗರಾಜು, ಡಾ.ಎಚ್​.ನಾಗಭೂಷಣ್​, ಟಿ.ವೈ.ಯೋಗಾನಂದಕುಮಾರ್​, ವಿದ್ವಾನ್​ ಹರಳೂರು ಶಿವಕುಮಾರ್​, ಪಾಪಣ್ಣ ಜವೆಗೊಂಡನಹಳ್ಳಿ, ಮನು ಶಿವಕುಮಾರ್​ ಹರಳೂರು, ಚಿತ್ರ ಕಲಾವಿದ ಡೇವಿಡ್​, ಸಂಗೀತ ಶಿಕ್ಷಕಿ ಸುಧಾರತ್ನ, ವಿದ್ವಾನ್​ ದೇವರಾಜ್​, ಲೋಕೇಶ್​ ಬಾಬು, ನಿರಂಜನ್​, ಬಿ.ರಾಮಾಂಜನೇಯ ಮರಳೂರು, ಕೆ.ಸಿ.ನರಸಿಂಹಮೂರ್ತಿ ಕೊಪ್ಪ ಅಬರನ್ನು ಅಭಿನಂದಿಸಲಾಯಿತು.