ಸಾಹಿತ್ಯ ಪರಿಷತ್ತಿಗೂ ಆವರಿಸಿದ ಮೂಲಭೂತವಾದಿತನ: ಡಾ.ಎಲ್. ಹನುಮಂತಯ್ಯ ಬೇಸರ

ಪ್ರಮುಖ ಮುಖ್ಯಾಂಶಗಳು

• ಪತ್ರಕರ್ತ, ಲೇಖಕ ಜಾಣಗೆರೆ ವೆಂಕಟರಾಮಯ್ಯ-75 ಅಭಿನಂದನಾ ಸಮಾರಂಭ
• ಕನ್ನಡದ ಹೋರಾಟವು ಯಾವತ್ತೂ ಮೂಲಭೂತವಾದಿಗಳ ಹೋರಾಟವಾಗಿಲ್ಲ. ಇಂದು ಅಧಿಕಾರಕ್ಕಾಗಿ ಮೂಲಭೂತವಾದಿಗಳತ್ತ ವಾಲುತ್ತಿದೆ
• ಕುವೆಂಪು ಕನ್ನಡ ಚಳವಳಿಯ ಕಲ್ಪನೆ ‘ಸರ್ವಂ ಕನ್ನಡಮಯ’ವಾಗಬೇಕು ನಿಜ. ಆದರೆ, ಮೂಲಭೂತಿಯಾಗಬಾರದು, ಅವೈಜ್ಞಾನಿಕ- ಅವೈಚಾರಿಕವಾಗಿರಬಾರದು

ಕನ್ನಡ ಹೋರಾಟಗಾರರನ್ನು ಧರ್ಮದ ಜತೆ ಬೆರೆಸಿ ಮೂಲಭೂತವಾದಿಯಂತೆ ನೋಡುವುದು ಮಾತ್ರವಲ್ಲದೆ, ಆ ಭಾವವು ಕನ್ನಡ ಸಾಹಿತ್ಯ ಪರಿಷತ್ತಿಗೂ ಆವರಿಸುವಂತೆ ಮಾಡಿರುವುದು ಆಘಾತಕಾರಿ ಸಂಗತಿ ಎಂದು ರಾಜ್ಯಸಭಾ ಮಾಜಿ ಸದಸ್ಯ ಡಾ.ಎಲ್. ಹನುಮಂತಯ್ಯ ಹೇಳಿದ್ದಾರೆ.

ಕನ್ನಡದ ದನಿಯಾಗಿ ಕೆಲಸ ಮಾಡಿರುವುದಕ್ಕಾಗಿ ಜಾಣಗೆರೆ ಅವರನ್ನು ಅಭಿನಂದಿಸಲಾಗುತ್ತಿದೆ. ಲೇಖನ ಯೋಗಿಯಾಗಿರುವ ಅವರು, ಸ್ಥಾನಮಾನಗಳಿಗಾಗಿ ಎಂದಿಗೂ ಹಂಬಲಿಸಲಿಲ್ಲ. ರಾಜಕಾರಣಿಗಳನ್ನು ಎಂದಿಗೂ ಓಲೈಸಿಲ್ಲ.

— - ಡಾ. ಬಂಜಗೆರೆ ಜಯಪ್ರಕಾಶ್, ಜಾಣಗೆರೆ-75 ಅಭಿನಂದನಾ ಸಮಿತಿ ಅಧ್ಯಕ್ಷ