ದಾಖಲೆ ನೀಡಿ ಪರಿಹಾರ ಪಡೆಯಿರಿ Document and get compensation

ಪಟ್ಟಣದ ತೀನಂಶ್ರೀ ಭವನದಲ್ಲಿ ಹೇಮಾವತಿ ನಾಲಾ ಕಾಮಗಾರಿಯ ಭೂಸ್ವಾಧಿನಕ್ಕೆ ಒಳಪಟ್ಟ ರೈತರಿಗೆ ಅವಾರ್ಡ್​ ನೋಟಿಸ್​ ನೀಡಿ ಮಾತನಾಡಿ, 2011ರಿಂದ ವಿವಿಧ ಸಂಟನೆಗಳ ಹೋರಾಟದಿಂದಾಗಿ ಮಂಜೂರಾದ ಹೇಮಾವತಿ ನಾಲಾ ಕಾಮಗಾರಿಯು ತಾಲೂಕಿನ ಒಂದು ಭಾಗದಲ್ಲಿ ಮುಗಿದಿದೆ. ಇನ್ನೊಂದು ಭಾಗದಲ್ಲಿ ಭೂಸ್ವಾಧಿನ ಪ್ರಕ್ರಿಯೆಯಾಗದೆ ಸಮಸ್ಯೆಯಾಗಿತ್ತು. ಈಗ ದಬ್ಬೇಟ್ಟ ಭಾಗದ ರೈತರ ಭೂಮಿ ಈ ಯೋಜನೆಗೆ ಸೇರ್ಪಡೆಯಾಗಿದ್ದು, ಇಲ್ಲಿ ಭೂ ಸ್ವಾಧಿನಪಡಿಸಿಕೊಂಡ ರೈತರಿಗೆ ಸುಮಾರು 4 ಕೋಟಿ ರೂ. ಪರಿಹಾರ ನೀಡಲಾಗುತ್ತದೆ. ಬಾಕಿ ಉಳಿದ ರೈತರು ಸರಿಯಾದ ದಾಖಲೆ ನೀಡಿ ಭೂ ಪರಿಹಾರದ ಹಣ ಪಡೆಯಬಹುದು ಎಂದರು.

ಪರಿಹಾರವನ್ನು ಪಡೆದು ಭೂಮಿಯನ್ನು ಬಿಟ್ಟುಕೊಟ್ಟರೆ ಮುಂದಿನ ವರ್ಷ ದಬ್ಬೇಟ್ಟ, ನವಿಲೆ ಭಾಗಕ್ಕೆ ಹೇಮಾವತಿ ನೀರು ಹರಿಸುವುದರಿಂದ ಈ ಭಾಗದ ಜಮೀನಿನಲ್ಲಿ ಅಂತರ್ಜಲ ವೃದ್ಧಿಯಾಗಿ ರೈತರು ಸಮೃದ್ಧರಾಗಬಹುದು ಎಂದರು.

ಕಾವೇರಿ ನೀರಾವರಿ ನಿಗಮದ ಎಇಇ ಪ್ರಭಾಕರ್​ ಮಾತನಾಡಿ, ಇಂದು ಒಟ್ಟು 78 ಜನರಿಗೆ ಅವಾರ್ಡ್​ ನೋಟಿಸ್​ ನೀಡಲಾಗುತ್ತಿದ್ದು, ಇದರಲ್ಲಿ 58 ಸರ್ವೇ ನಂಬರ್​ಗಳ ರೈತರಿಗೆ ಭೂ ಪರಿಹಾರ ಸಿಗಲಿದೆ. ಅದ್ದರಿಂದ ರೈತರು ನಿಮ್ಮ ಭೂಮಿಗೆ ಸಂಬಂಧಿಸಿದ ದಾಖಲೆಗಳನ್ನು ಖಾತೆ ಸಂಖ್ಯೆಗಳನ್ನು ನೀಡಿದರೆ ಸಾಧ್ಯವಾದಷ್ಟು ಬೇಗ ನಿಮ್ಮ ಖಾತೆಗೆ ಹಣ ಜಮಾ ಮಾಡಲಾಗುವುದು ಎಂದರು.