ತಂದೆ-ತಾಯಿ ಋಣ ಮರೆಯದಿರಿ

ತಾಳಿಕೋಟೆ : ಬಾಲ್ಯದಿಂದ ಮಕ್ಕಳನ್ನು ಪಾಲನೆ ಪೋಷಣೆ ಮಾಡಿದ ತಾಯಿ ಹಾಗೂ ಮಾರ್ಗದರ್ಶನ ನೀಡಿದ ತಂದೆಯನ್ನು ಕಳೆದುಕೊಂಡರೆ ಪುನಃ ಸಿಗಲಾರರು. ಅನ್ಯರ ವಿಚಾರ ಆಡಿಕೊಳ್ಳದೇ ಒಬ್ಬ ಒಳ್ಳೆಯ ವ್ಯಕ್ತಿಯಾಗಿ ಬದುಕು ಕಟ್ಟಿಕೊಂಡು ಸಾಗಿದರೆ ಸಾಕು ಎಂದು ಶ್ರೀ ಖಾಸ್ಗತೇಶ್ವರ ಮಠದ ಬಾಲಶಿವಯೋಗಿ ಸಿದ್ಧಲಿಂಗ ದೇವರು ನುಡಿದರು.

ಪಟ್ಟಣದ ಎಸ್.ಕೆ. ಪದವಿ ಪೂರ್ವ ಕಾಲೇಜ್ ಸಭಾಭವನದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಪ್ರೌಢ ಶಾಲಾ ವಿಭಾಗದ 2026-27ನೇ ಸಾಲಿನ ಶಾಲಾ ಸಂಸತ್ತು ಹಾಗೂ ಸಾಂಸ್ಕೃತಿಕ ಚಟುವಟಿಕೆಗಳ ಸಮಾರಂಭವನ್ನು ಸಸಿಗೆ ನೀರುಣಿಸುವ ಮೂಲಕ ಉದ್ಘಾಟಿಸಿ ಮಾತನಾಡಿದರು.

ಲಿಂಗದಳ್ಳಿ ಸರ್ಕಾರಿ ಪ್ರೌಢ ಶಾಲಾ ಸಹ ಶಿಕ್ಷಕ ಅಪ್ಪಾಸಾಹೇಬ ಮೂಲಿಮನಿ ಮಾತನಾಡಿ, ವಿದ್ಯಾರ್ಥಿಗಳ ಮನಸ್ಸನ್ನು ತಿದ್ದುವ ಶಕ್ತಿ ಗುರುವಿನದ್ದಾಗಿದೆ. ವಿದ್ಯಾರ್ಥಿಗಳು ಜೀವನದಲ್ಲಿ ಗುರಿ ಮುಟ್ಟುವವರೆಗೆ ನಿಲ್ಲದಿರಿ. ಮನುಷ್ಯ ಸಂಘ ಜೀವಿ, ಜನರ ಮನಸ್ಸನ್ನು ಗೆಲ್ಲುವುದರೊಂದಿಗೆ ನೈತಿಕ ಮೌಲ್ಯ, ನಾಮ ಬಲವನ್ನು ಪಡೆಯಬೇಕು ಎಂದು ಹೇಳಿದರು.

ವೀ.ವಿ. ಸಂಘದ ಉಪಾಧ್ಯಕ್ಷ ಕಾಶಿನಾಥ ಮುರಾಳ, ಉಪ ಪ್ರಾಚಾರ್ಯ ಆರ್.ಎಸ್.ಬೂದಿಹಾಳ ಮಾತನಾಡಿದರು.

ಶಿಕ್ಷಕ ಎನ್.ಎಸ್.ಕುಮಟಗಿ ಶಾಲಾ ಸಂಸತ್ತ ಮಂತ್ರಿ ಮಂಡಲ ಪ್ರಮಾಣವಚನ ಬೋಧನೆ ಮಾಡಿದರು. ನಿವೃತ್ತ ಪ್ರಾಚಾರ್ಯ ಜೆ.ಎಸ್. ಕಟ್ಟಿಮನಿ ಅವರಿಗೆ ಗೌರವಿಸಿದರು. ಎಂ.ಎಸ್. ಸರಶೆಟ್ಟಿ, ರಾಚನಗೌಡ ಪಾಟೀಲ, ಎಂ.ಆರ್. ಕತ್ತಿ, ಎಂ.ಜಿ. ಕತ್ತಿ, ಕೆ. ಕಿಶೋರಕುಮಾರ, ಅಶೋಕ ಪಾಟೀಲ, ಮಹಾಂತೇಶ ಸರಶೆಟ್ಟಿ, ಅಶೋಕ ಜಾಲವಾದಿ, ಐ.ಬಿ. ಬಿಳೇಭಾವಿ, ಆರ್.ಬಿ. ದಾನಿ, ಮಹಾದೇವಿ ಕೂಡಗಿ, ಜ್ಯೋತಿ ಮಸೂತಿಮಠ ಇತರರಿದ್ದರು.

ಅಕ್ಷತಾ ಬಿರಾದಾರ ಪ್ರಾರ್ಥಿಸಿದರು. ಸುನೀಲ ಪಾಟೀಲ ಸ್ವಾಗತಿಸಿದರು. ಆರ್.ಜಿ.ರಾಠೋಡ ನಿರೂಪಿಸಿದರು. ಶೃತಿ ಮೂಕಿಹಾಳ ವಂದಿಸಿದರು.