'ಮಿಸ್ಟರ್​ ಡಿಕೆ ಶಿವಕುಮಾರ್​ ಅವ್ರೇ ನೀವೇನು ಶಬರಿಯಲ್ಲ!'; ಕನಕಪುರದ ರ್‍ಯಾಲಿಯಲ್ಲಿ ಕಚ್ಚಿದ ಸೇಬು ಜನರತ್ತ ಎಸೆದಿದ್ದಕ್ಕೆ BJP ಕೆಂಡ

DK Shivakumar: ಶಬರಿಯು ಹಣ್ಣು ಹುಳಿಯಿದೆಯೇ ಎಂದು ಪರಿಶೀಲಿಸಿ ರಾಮನಿಗೆ ಹಣ್ಣು ಕಚ್ಚಿ ಕೊಟ್ಟಂತೆ ಸಿಎಂ ಡಿಕೆ ಶಿವಕುಮಾರ್​ ಅವರು ತಮ್ಮ ಬೆಂಬಲಿಗರು ತಮಗಾಗಿ ಮಾಡಿಸಿ ತಂದಿದ್ದ ಹಣ್ಣಿನ ಹಾರದಿಂದ ಸೇಬನ್ನು ಕಿತ್ತು ಕಚ್ಚಿ ರ್‍ಯಾಲಿಯಲ್ಲಿ ನೆರೆದಿದ್ದ ಅಭಿಮಾನಿಗಳು ಹಾಗೂ ಬೆಂಬಲಿಗರತ್ತ ಎಸೆದ ವಿಡಿಯೋಗಳು ಸದ್ಯ ಸೋಶಿಯಲ್​ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಇಷ್ಟೇ ಅಲ್ಲದೆ, ಈ ಬಗ್ಗೆ ಬಿಜೆಪಿ ಟೀಕೆ ಮಾಡುತ್ತಿದೆ.

ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ತಮ್ಮ ಸ್ವಕ್ಷೇತ್ರವಾದ ಕನಕಪುರದ ಹಾರೋಹಳ್ಳಿಯಲ್ಲಿ ನಡೆಸಿದ ಜನಸಂಪರ್ಕ ಭಾಗವಾಗಿ ರ್‍ಯಾಲಿ ನಡೆಸಿದ್ದರು. ನೂರಕ್ಕು ಹೆಚ್ಚು ಜನರು, ಬೆಂಬಲಿಗರು ನೆರೆದಿದ್ದರು. ಅವರಿಗೆ ಪಕ್ಷದ ಕಾರ್ಯಕರ್ತರಿಂದ ನೂರಾರು ಕೆಜಿ ತೂಕದ ಬೃಹತ್ ಸೇಬು ಮತ್ತು ಹೂವಿನ ಹಾರವನ್ನು ಕ್ರೇನ್ ಮೂಲಕ ತಂದು ಹಾಕಲಾಗಿತ್ತು.

'ಮಿಸ್ಟರ್​ ಸಿಎಂ ಡಿಕೆ ಶಿವಕುಮಾರ್​ ಅವರೇ ನೀವೇನು ರಾಜನಾಗಿದ್ದೀರಾ?, ಯಾರಾದರೂ ಬೇರೆಯವರು ಕಚ್ಚಿದ ಸೇಬನ್ನು ನೀವು ತಿನ್ನುತ್ತೀರಾ?. ನೀವು ಶಬರಿಯಲ್ಲ. ನಿಮ್ಮನ್ನು ಕರ್ನಾಟಕದ ಜನ ಮುಖ್ಯಮಂತ್ರಿಯಾಗಿ ಆಯ್ಕೆ ಮಾಡಿದ್ದಾರೆ. ಆದರೆ, ಮೋದಿಗೆ ನೀವು ಸದಾ ದೇಶದ ಸೇವಕನಿದ್ದಂತೆ. ರಾಜಕೀಯದಲ್ಲಿ ಇರುವ ಪ್ರತಿಯೊಬ್ಬರಿಗೂ ಇಂತಹದ್ದೇ ಸೇವಾ ಮನೋಭಾವ ಇರಬೇಕು. ಶಬರಿ ತನ್ನ ರಾಮನಿಗೆ ಭಕ್ತಿಯಿಂದ ಕಚ್ಚಿದ ಹಣ್ಣನ್ನು ನೀಡುತ್ತಾಳೆ. ಆದರೆ ಡಿಕೆ ಶಿವಕುಮಾರ್​ ಅವರೇ ನೀವು ಮಾಡುತ್ತಿರುವುದು ರಾಜ ಮಹಾರಾಜರ ತರಹದ ನಡವಳಿಕೆ 'ಎಂದು ಕೆಂಡಕಾರಿದ್ದಾರೆ.

ರಾಮನ ಭಕ್ತೆ ಶಬರಿ ಎಂಬ ವೃದ್ಧೆ, ಕಾಡಿನಲ್ಲಿ ರಾಮನ ಆಗಮನಕ್ಕಾಗಿ ವರ್ಷಗಟ್ಟಲೆ ಕಾಯುತ್ತಿದ್ದಳು. ಸೀತಾನ್ವೇಷಣೆಯ ಸಂದರ್ಭದಲ್ಲಿ ರಾಮ ಅವಳ ಆಶ್ರಮಕ್ಕೆ ಬಂದಾಗ, ಶಬರಿ ಭಕ್ತಿಯಿಂದ ಹಣ್ಣುಗಳನ್ನು ನೀಡುತ್ತಾಲೆ. ಆದರೆ, ಆ ಹಣ್ಣು ಸಹಿ ಇದೆಯೋ ಇಲ್ಲವೋ ಎಂದು ಪರಿಶೀಲಿಸಲು ತಾನು ಕಚ್ಚಿ ಸವಿದು ನಂತರ ರಾಮನಿಗೆ ಅರ್ಪಿಸುತ್ತಾಳೆ. ಅವಳ ಭಕ್ತಿ ಮನಸೋತ ರಾಮನು ಎಂಜಲಾದ ಹಣ್ಣನ್ನೇ ಸೇವಿಸುತ್ತಾನೆ, (ಏಜೆನ್ಸೀಸ್).