ರಾಜ್ಯ

ಅಪ್ಪಣ್ಣ ಸಮಾಜದ ಬೇಡಿಕೆ ಈಡೇರಿಕೆಗೆ ಒತ್ತಾಯ

ಸಿಂದಗಿ ನಗರದ ಶಾಸಕ ಎ.ಎಂ. ಮನಗೂಳಿ ಅವರಿಗೆ ತಾಲೂಕು ಹಡಪದ ಅಪ್ಪಣ್ಣ ಸಮಾಜ ಸೇವಾ ಸಂಘದಿಂದ ವಿವಿಧ ಬೇಡಿಕೆಗಳ ಮನವಿ ಸಲ್ಲಿಸಿದರು. ಮಹಾಂತೇಶ ಮೂಲಿಮನಿ, ಮಂಜುನಾಥ ಹಡಪದ, ಪರಶುರಾಮ ನಾವಿ ಮತ್ತಿತರರಿದ್ದರು.
ಸಿಂದಗಿ ನಗರದ ಶಾಸಕ ಎ.ಎಂ. ಮನಗೂಳಿ ಅವರಿಗೆ ತಾಲೂಕು ಹಡಪದ ಅಪ್ಪಣ್ಣ ಸಮಾಜ ಸೇವಾ ಸಂಘದಿಂದ ವಿವಿಧ ಬೇಡಿಕೆಗಳ ಮನವಿ ಸಲ್ಲಿಸಿದರು. ಮಹಾಂತೇಶ ಮೂಲಿಮನಿ, ಮಂಜುನಾಥ ಹಡಪದ, ಪರಶುರಾಮ ನಾವಿ ಮತ್ತಿತರರಿದ್ದರು.
ಮಾರುತಿ ತಳ್ಳಳ್ಳಿ
Published on: 

ಪ್ರಮುಖ ಮುಖ್ಯಾಂಶಗಳು

  • ಹಡಪದ ಅಪ್ಪಣ್ಣ ತಾಲೂಕಾಧ್ಯಕ್ಷ ಮಹಾಂತೇಶ ಮೂಲಿಮನಿ ಆಗ್ರಹ
ಸಿಂದಗಿ :

ಹಡಪದ ಅಪ್ಪಣ್ಣ ಅಭಿವೃದ್ಧಿ ನಿಗಮಕ್ಕೆ ಕನಿಷ್ಠ 100 ಕೋಟಿ ರೂ. ಅನುದಾನದಲ್ಲಿ ಸಮಾಜದವರನ್ನೇ ನಿಗಮದ ಅಧ್ಯಕ್ಷರನ್ನಾಗಿ ನೇಮಕ ಮಾಡುವುದರೊಂದಿಗೆ ಒಳ ಪಂಗಡಗಳನ್ನು ಸೇರ್ಪಡೆಗೊಳಿಸುವುದು, ಲಿಂಗಾಯತ- ವೀರಶೈವ- ಹಿಂದೂ ಹಡಪದ ಜಾತಿಗಳ ಬಗ್ಗೆ ಅಧಿಕೃತವಾಗಿ ಗೆಜೆಟ್‌ನಲ್ಲಿ 2ಎ ಜಾತಿ ಪ್ರಮಾಣ ಪತ್ರ ನೀಡುವುದು ಮತ್ತು ಸಂಬಂಧಿಸಿದ ಇಲಾಖೆ ಹಾಗೂ ಆಯೋಗಕ್ಕೆ ಸರ್ಕಾರದ ಸುತ್ತೋಲೆಗಳ ಮುಖಾಂತರ ಜಾರಿಗೆ ತರಬೇಕು ಎಂದು ಹಡಪದ ಅಪ್ಪಣ್ಣ ತಾಲೂಕಾಧ್ಯಕ್ಷ ಮಹಾಂತೇಶ ಮೂಲಿಮನಿ ಆಗ್ರಹಿಸಿದರು.

ಪಟ್ಟಣದ ತಾಲೂಕು ಹಡಪದ ಅಪ್ಪಣ ಸೇವಾ ಸಂಘದ ವತಿಯಿಂದ ಹಲವು ಬೇಡಿಕೆ ಈಡೇರಿಸುವಂತೆ ಒತ್ತಾಯಿಸಿ ಶಾಸಕರ ಕಛೇರಿಯಲ್ಲಿ ಶಾಸಕ ಎ.ಎಂ. ಮನಗೂಳಿ ಅವರ ಮೂಲಕ ಮುಖ್ಯಮಂತ್ರಿಗಳಿಗೆ ಶನಿವಾರ ಮನವಿ ಸಲ್ಲಿಸಿ ಅವರು ಮಾತನಾಡಿದರು.
ಸಮುದಾಯದ ಆರ್ಥಿಕ, ಸಾಮಾಜಿಕ, ಶೈಕ್ಷಣಿಕ ಮತ್ತು ಕುಲಶಾಸೀಯ ಅಧ್ಯಯನ ಕೈಗೊಂಡು ಪ್ರತ್ಯೇಕ ಆಯೋಗವನ್ನು ರಚಿಸಬೇಕು. ಹಡಪದ ಅಪ್ಪಣ್ಣ, ಹಡಪದ ಲಿಂಗಮ್ಮ, ಹಡಪದ ರೇಚಣ್ಣ, ಅಮ್ಮಿದೇವಯ್ಯ ಹಾಗೂ ಕನ್ನಡಿ ಕಾಯಕದ ಶಿವಶರಣೆ ದೇವಮ್ಮ ಅವರ ಬಗ್ಗೆ ಸಂಶೋಧನೆ ಕೈಗೊಳ್ಳಲು ಸಂಶೋಧಕರ ನೇಮಕ ಹಾಗೂ ಅವರ ಜೀವನ ಚರಿತ್ರೆ ಶಾಲಾ ಪಠ್ಯಗಳಲ್ಲಿ ಅಳವಡಿಸಲು ಕ್ರಮ ವಹಿಸಬೇಕು ಎಂದರು.
ಮುದ್ದೇಬಿಹಾಳ ತಾಲೂಕಿನ ಸುಕ್ಷೇತ್ರ ತಂಗಡಗಿಯ ಹಡಪದ ಅಪ್ಪಣ್ಣನವರ ಸಂಸ್ಥಾನ ಮಠದ ಸಮಗ್ರ ಅಭಿವೃದ್ಧಿಗಾಗಿ 10 ಕೋಟಿ ರೂ. ಅನುದಾನ, ಜಿಲ್ಲೆಯ ಬಸವನಬಾಗೇವಾಡಿ ತಾಲೂಕಿನ ಮಸಬಿನಾಳ ಗ್ರಾಮದ ಹಡಪದ ಅಪ್ಪಣ್ಣವರ ಮತ್ತು ದೇಗಿನಾಳದ ಶಿವಶರಣೆ ಹಡಪದ ಲಿಂಗಮ್ಮನವರ ಜನ್ಮಸ್ಥಳಗಳನ್ನು ಬಸವನಬಾಗೇವಾಡಿ ಅಭಿವೃದ್ಧಿ ಪ್ರಾಧಿಕಾರಕ್ಕೆ ಸೇರಿಸಿ ಅಭಿವೃದ್ಧಿಗೊಳಿಸಿ, ಬಸವಕಲ್ಯಾಣ ಅಭಿವೃದ್ಧಿ ಪ್ರಾಧಿಕಾರದ ವ್ಯಾಪ್ತಿಯ ಹಡಪದ ಅಪ್ಪಣ್ಣನವರ ಅರಿವಿನ ಗವಿ ಸ್ಥಾಪಿಸಿ, ಅವರ ಮೂರ್ತಿ ಪ್ರತಿಷ್ಠಾಪನೆ ಮಾಡಬೇಕು ಎಂದು ವಾಗ್ದಾನ ಮಾಡಿದರು.
ಮನವಿ ಸ್ವೀಕರಿಸಿದ ಶಾಸಕರು ಮುಖ್ಯಮಂತ್ರಿಗಳಿಗೆ ಶೀಘ್ರವಾಗಿ ತಲುಪಿಸುವುದಾಗಿ ಭರವಸೆ ನೀಡಿದರು.
ತಾಲೂಕಾಧ್ಯಕ್ಷ ಮಹಾಂತೇಶ ಮೂಲಿಮನಿ, ಉಪಾಧ್ಯಕ್ಷ ಮಂಜುನಾಥ ಹಡಪದ, ಕಾರ್ಯಾದರ್ಶಿ ಪರಶುರಾಮ ನಾವಿ, ಗೊಲ್ಲಾಳ ಅಂಗಡಿ, ದ್ಯಾಮಗೊಂಡ ಹಡಪದ, ಬಸವರಾಜ ಬಳಗಾನೂರ, ಸುರೇಶ ಕೊಂಚೂರ, ಜಟ್ಟೆಪ್ಪ ಬಂಕಲಗಿ, ಶಿವಶಂಕರ ಯರಗಲ್ಲ, ಶ್ರೀಶೈಲ ಆಹೇರಿ, ಗ್ರಾಪಂ ಸದಸ್ಯ ಶರಣು ಹಿಕ್ಕನಗುತ್ತಿ, ಪರಮಾನಂದ ಹಡಪದ, ಮಡಿವಾಳಪ್ಪ ಹಡಪದ, ನಾಗಪ್ಪ ಹಡಪದ, ಮಂಜುನಾಥ ಕೊಂಡಗೂಳಿ, ಸಂಗಮೇಶ ಶಿವಣಗಿ, ಗುರುಪಾದ ಹಂದಿಗನೂರ ಮತ್ತಿತರರಿದ್ದರು.
ಆಗ್ರಹ
ಸಿಂದಗಿ
ಹಡಪದ ಅಪ್ಪಣ್ಣ ಅಭಿವೃದ್ಧಿ ನಿಗಮ
ಹಡಪದ ಅಪ್ಪಣ್ಣ ತಾಲೂಕಾಧ್ಯಕ್ಷ ಮಹಾಂತೇಶ ಮೂಲಿಮನಿ
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net