ಸೂರ್ಯ ನಮಸ್ಕಾರ ದಿನವಾಗಿ ಘೋಷಿಸಿ-Ratha Saptami

ಕನ್ನಡದ ನಂ.1 ದಿನಪತ್ರಿಕೆ ‘ವಿಜಯವಾಣಿ’ ಹಾಗೂ ಆಯುಷ್ ಇಲಾಖೆ ಸಹಯೋಗದಲ್ಲಿ ಯೋಗಗಂಗೋತ್ರಿ ಸಂಸ್ಥೆ, ವಿಧಾನಸೌಧ ಮುಂಭಾಗ ಭಾನುವಾರ ಬೆಳಗ್ಗೆ ಆಯೋಜಿಸಿದ್ದ ‘ರಥಸಪ್ತಮಿ’ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಸನಾತನ ಧರ್ಮದಲ್ಲಿ ರಥ ಸಪ್ತಮಿ ಹಬ್ಬಕ್ಕೆ ವಿಶೇಷ ಮಹತ್ವ ಇದೆ. ನಂಬಿಕೆಗಳ ಪ್ರಕಾ, ಈ ದಿನದಂದು ಸೂರ್ಯನ ಏಳು ಕುದುರೆಗಳು ಅವನ ರಥವನ್ನು ಎಳೆಯಲು ಪ್ರಾರಂಭಿಸುತ್ತವೆ. ರಥ ಸಪ್ತಮಿ ದಿನದಂದು ಸೂರ್ಯ ದೇವರು ಇಡೀ ಪ್ರಪಂಚದ ಜ್ಞಾನ ಹೆಚ್ಚಿಸಲು ಪ್ರಾರಂಭಿಸಿದ ಎಂದು ಹೇಳಲಾಗುತ್ತದೆ. ಹಾಗಾಗಿ, ಈ ದಿನವನ್ನು ಸೂರ್ಯ ನಮಸ್ಕಾರ ದಿನವನ್ನಾಗಿ ಘೋಷಿಸಬೇಕು ಎಂದು ಆಗ್ರಹಿಸಿದರು.

ಮುಂಜಾನೆ ಸೂರ್ಯಾಭಿಮುಖವಾಗಿ 5-6 ಸುತ್ತುಗಳನ್ನು ಮಾಡುವುದರಿಂದ ದೇಹದ ಶಕ್ತಿ, ನಮ್ಯತೆ ಹೆಚ್ಚಿ ಒತ್ತಡವನ್ನು ಕಡಿಮೆಯಾಗುತ್ತದೆ. ರಕ್ತ ಪರಿಚಲನೆ ಸುಧಾರಿಸಿ, ಮನಸ್ಸನ್ನು ಶಾಂತಗೊಳಿಸುತ್ತದೆ ಎಂದರು.

2 ಸಾವಿರಕ್ಕೂ ಅಧಿಕ ಜನರು ಸೂರ್ಯ ನಮಸ್ಕಾರ ಪ್ರದರ್ಶಿಸಿದರು. ವಿಶ್ವಶಾಂತಿಗಾಗಿ ಧ್ಯಾನ, ಮತ್ತು ಸೂರ್ಯಾಸಯಷ್ಟಕಂ ಪಠಿಸಿ ಸಮಾಜದ ಶಾಂತಿಗಾಗಿ ಪ್ರಾರ್ಥಿಸಲಾಯಿತು.

ಎನ್. ಆರಾಧ್ಯ ನೇತೃತ್ವದಲ್ಲಿ ನಡೆದ ‘108 ಸುತ್ತು ಸೂರ್ಯ ನಮಸ್ಕಾರ ಯೋಗ ಉತ್ಸವ ಕಾರ್ಯಕ್ರಮ’ 9ನೇ ಬಾರಿಗೆ ಯಶಸ್ವಿಯಾಗಿ ಆಚರಿಸಲಾಯಿತು. ಮಿಸ್ ದಿವಾ ಕಾಸ್ಮೋ-2025 ವಿಜೇತೆ ಕೆ. ಅವನಿ, ವಿವಿಧ ಸಂಸ್ಥೆಗಳ ಯೋಗ ಶಿಕ್ಷಕರು ಶಾಲಾ-ಕಾಲೇಜುಗಳು ವಿದ್ಯಾರ್ಥಿಗಳು ಭಾಗಿಯಾಗಿದ್ದರು.

ಶಾಲಾ- ಕಾಲೇಜುಗಳಲ್ಲಿ ಯೋಗ ಸೂರ್ಯ ನಮಸ್ಕಾರವನ್ನು ಕಡ್ಡಾಯಗೊಳಿಸಬೇಕು. ಸೂರ್ಯ ನಮಸ್ಕಾರ ದೈನಂದಿನ ಜೀವನದಲ್ಲಿ ಅಳವಡಿಸಿಕೊಳ್ಳಬಹುದ ಅತ್ಯುತ್ತಮ ಯೋಗಾಭ್ಯಾಸವಾಗಿದೆ. ಇದು 12 ಭಂಗಿಗಳ ಮೂಲಕ ಶಾರೀರಿಕ ಮತ್ತು ಮಾನಸಿಕ ಸಮತೋಲನ ಒದಗಿಸುತ್ತದೆ. ಆದ್ದರಿಂದ, ಶಾಲಾ-ಕಾಲೇಜುಗಳಲ್ಲಿ ಮಕ್ಕಳು ಸೂರ್ಯ ನಮಸ್ಕಾರ ಮಾಡಿದರೆ ಉತ್ತಮ ಆರೋಗ್ಯ ರೂಪಿಸಿಕೊಳ್ಳಬಹುದು.