ತಂದೆ-ತಾಯಿಯ ಮರುಮೈತ್ರಿಗೆ ಮಗಳೇ ಸೇತುವೆ| High court

ಒಂದಾಗಲಿ ಎಂದು ಹಾರೈಕೆ 

ಸ್ವತಃ ವಾದ ಮಂಡಿಸಿದ್ದ ಪತಿಯು ನನಗೆ ವಿಚ್ಛೇದನ ಬೇಡ, ನನ್ನ ಹೆಂಡತಿ ಮತ್ತು ಮಗು ನನ್ನೊಂದಿಗೆ ಇರಬೇಕೆಂಬುದೇ ನನ್ನ ಬಯಕೆ. ಮಗುವಿನ ಹಿತಕ್ಕಾಗಿ ಹಾಗೂ ಸುಖಿ ದಾಂಪತ್ಯಕ್ಕಾಗಿ ಕಾಯುತ್ತೇನೆ, ಮಗುವಿನ ಕಸ್ಟಡಿಯನ್ನು ನನಗೆ ನೀಡಿದರೆ ಮಹಾರಾಷ್ಟ್ರಕ್ಕೆ ಮರಳಿ, ಅಲ್ಲಿ ಕುಟುಂಬಸ್ಥರ ಸಹಾಯದಿಂದ ಮಗುವನ್ನು ನೋಡಿಕೊಳ್ಳುತ್ತೇನೆ ಎಂದು ತಿಳಿಸಿದ್ದರು. ಈ ಹೇಳಿಕೆಯ ಬಗ್ಗೆ ಹೈಕೋರ್ಟ್​ ಮೆಚ್ಚುಗೆ ವ್ಯಕ್ತಪಡಿಸಿದೆಯಾದರೂ, 7 ವರ್ಷದ ಹೆಣ್ಣುಮಗುವಿಗೆ ತಾಯಿಯ ಆರೈಕೆ ಅತ್ಯಗತ್ಯ ಎಂದು ಪಾಲನೆಯ ಹಕ್ಕನ್ನು ತಾಯಿಗೆ ನೀಡಿದೆ. ಮಗುವಿನ ಭೇಟಿ ಮತ್ತು ವಿಡಿಯೋ ಕರೆ ಮಾಡುವ ಹಕ್ಕುಗಳನ್ನು ತಂದೆಗೆ ನೀಡಿದ್ದು, ಮಾಸಿಕ 25 ಸಾವಿರ ರೂ. ಜೀವನಾಂಶ ಪಾವತಿಸಲು ತಿಳಿಸಿದೆ. ಈ ಮಗುವಿನ ಕಾರಣದಿಂದಾಗಿ ದಂಪತಿಯು ತಮ್ಮ ಮನಸ್ತಾಪ ಮರೆತು ಒಂದಾಗಲಿ ಎಂದು ನಾವು ಬಯಸುತ್ತೇವೆ ಎಂದು ತಿಳಿಸಿದೆ.