ಅಪರಾಧ ಚಟುವಟಿಕೆಗಳ ಅರಿವು ಮೂಡಿಸಿ

ಪಟ್ಟಣದ ಸುವರ್ಣಮುಖಿ ಲಕ್ಷಿ$್ಮನರಸಿಂಹಸ್ವಾಮಿ ಕಲ್ಯಾಣ ಮಂಟಪದಲ್ಲಿ ಪೊಲೀಸ್​ ಇಲಾಖೆ, ಆರೋಗ್ಯ ಇಲಾಖೆ, ಶಿಕ್ಷಣ ಇಲಾಖೆ ಮತ್ತು ಪ್ರಿಯದರ್ಶಿನಿ ಪದವಿ ಪೂರ್ವ ಕಾಲೇಜಿನ ಸಂಯುಕ್ತ ಆಶ್ರಯದಲ್ಲಿ ಮಂಗಳವಾರ ಆಯೋಜಿಸಿದ್ದ ಡ್ರಗ್ಸ್​ಮುಕ್ತ ಕರ್ನಾಟಕ ಜನಜಾಗೃತಿ ಕಾರ್ಯಕ್ರಮದಲ್ಲಿ ಮಾತನಾಡಿ, ಇಂದಿನ ಯುವಜನತೆ ದೇಶದ ಅಮೂಲ್ಯ ಶಕ್ತಿಯಾಗಿದ್ದು, ಅವರನ್ನು ಮಾದಕ ವ್ಯಸನ, ಅಪರಾಧ ಚಟುವಟಿಕೆ ಹಾಗೂ ಸಮಾಜಘಾತಕ ಕೃತ್ಯಗಳಿಂದ ದೂರವಿಡುವುದು ಪಾಲಕರ ಮತ್ತು ಸಮಾಜದ ಜವಾಬ್ದಾರಿ ಎಂದರು.

ತಹಸೀಲ್ದಾರ್​ ಮಂಜುನಾಥ್​ ಮಾತನಾಡಿ, ಭಾರತವು ವಿಶ್ವದ ದೊಡ್ಡ ಯುವಶಕ್ತಿ ಹೊಂದಿರುವ ದೇಶವಾಗಿದೆ. ಯುವಜನತೆಯನ್ನು ಮಾದಕ ವ್ಯಸನದಿಂದ ರಕ್ಷಿಸುವುದು ಪೊಲೀಸ್​ ಇಲಾಖೆಯೊಂದರ ಕರ್ತವ್ಯವಲ್ಲ, ಸಮಾಜದ ಪ್ರತಿಯೊಬ್ಬರ ಜವಾಬ್ದಾರಿ. ಶಿಕ್ಷಣ ಮತ್ತು ಜಾಗೃತಿಯ ಮೂಲಕವೇ ಡ್ರಗ್ಸ್​ ಹಾವಳಿ ನಿಯಂತ್ರಿಸಲು ಸಾಧ್ಯ ಎಂದರು.

"ಡ್ರಗ್ಸ್​ ಮತ್ತು ಮಾದಕ ವ್ಯಸನವು ಯುವಜನತೆಯ ಜೀವನವನ್ನೇ ನಾಶಗೊಳಿಸುವ ಮಹಾಮಾರಿ. ಪ್ರೌಢಶಾಲೆ ಮತ್ತು ಪದವಿಪೂರ್ವ ಕಾಲೇಜು ವಿದ್ಯಾರ್ಥಿಗಳನ್ನೇ ಗುರಿಯಾಗಿಸಿಕೊಂಡು ಡ್ರಗ್ಸ್​ ಜಾಲ ವಿಸ್ತರಿಸುತ್ತಿದೆ. ದೇಶದ ಭವಿಷ್ಯವಾದ ಯುವಜನತೆಯನ್ನು ರಕ್ಷಿಸಲು ಶಿಕ್ಷಣ, ಜಾಗೃತಿ ಮತ್ತು ಪಾಲಕರ ಕಾಳಜಿಯೇ ಪರಿಣಾಮಕಾರಿ ಮಾರ್ಗವಾಗಿದೆ ಎಂದು ಪ್ರಿಯದರ್ಶಿನಿ ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲ ರುದ್ರೇಶ್​ ಹೇಳಿದರು.

ವಿದ್ಯಾರ್ಥಿಗಳಿಗೆ ಡ್ರಗ್ಸ್​ ಮುಕ್ತ ಕರ್ನಾಟಕ ಕುರಿತು ಪ್ರತಿಜ್ಞಾವಿಧಿ ಬೋಧಿಸಲಾಯಿತು.