ಐಪಿಎಲ್​​​​ ಕ್ರೇಜ್​ಗೆ ಲಕ್ಷ ಲಕ್ಷ ಕಳ್ಕೊಂಡ ಟೆಕ್ಕಿ; ಚಿನ್ನಸ್ವಾಮಿ ಸ್ಟೇಡಿಯಂನ ಸೂಪರ್ವೈಸರ್​ ಎಂದು ಪಂಗನಾಮ..IPL Ticket Scam Bengaluru

ಇನ್​ಸ್ಟಾಗ್ರಾಂನಲ್ಲಿ ಟಿಕೆಟ್​ ಕೊಡಿಸುವ ವಿಚಾರಕ್ಕೆ ಪರಿಚಯವಾದ ವಂಚಕ ಸುಮಿತ್​ ಬಿಸ್ವಾಲ್​ ಎಂಬಾತನ ವಿರುದ್ಧ ಮಹದೇವಪುರ ಪೊಲೀಸ್ ಠಾಣೆಯಲ್ಲಿ ಟೆಕ್ಕಿ ದೂರು ನೀಡಿದ್ದು, ಪ್ರಕರಣ ದಾಖಲಾಗಿದೆ. ಸದ್ಯ ಪೊಲೀಸರು ತನಿಖೆ ಮುಂದುವರೆಸಿದ್ದು, ಹಣ ಪಡೆದು ಪರಾರಿಯಾಗಿರುವ ವಂಚಕನ ಹುಡುಕಾಟ ಮುಂದುವರೆಸಿದ್ದಾರೆ.

ಭಾನುವಾರ ಏ.5ರಂದು Chennai Super Kings ಹಾಗೂ Royal Challengers Bengaluru ನಡುವಣ ಪಂದ್ಯ ಏರ್ಪಟ್ಟಿದೆ. ಈ ಹೈವೋಲ್ಟೇಜ್​ ಪಂದ್ಯದ ಟಿಕೆಟ್ ಅನ್ನು ಇನ್​ಸ್ಟಾಗ್ರಾಂನಲ್ಲಿ ಪಡೆಯಲು ಬೆಂಗಳೂರಿನ 25 ವರ್ಷದ ಸಾಫ್ಟ್‌ವೇರ್ ಇಂಜಿನಿಯರ್ ಒಬ್ಬರು ಬರೊಬ್ಬರಿ 1.46 ಲಕ್ಷ ರೂಪಾಯಿ ಕಳೆದುಕೊಂಡು ವಂಚನೆಗೆ ಒಳಗಾಗಿದ್ದಾರೆ.

ಬೆಂಗಳೂರಿನ ನಾರಾಯಣ ಪುರ ನಿವಾಸಿಯಾದ ಸಂತ್ರಸ್ತ ಟೆಕ್ಕಿ ಮಹದೇವಪುರ ಪೊಲೀಸರಿಗೆ ಕೊಟ್ಟ ದೂರಿನಲ್ಲಿ ಹೀಗಿದೆ,

ಸಂತ್ರಸ್ತ ಯುವಕನಿಗೆ ನಂಬಿಸುವ ಸಲುವಾಗಿ ವಂಚಕ ಕನ್ಫರ್ಮೇಷನ್​ ಇಮೇಲ್​ ಅನ್ನು ಕಳುಹಿಸಿದ್ದಾನೆ. ಇದನ್ನು ನಂಬಿದ ಆತ ಎರಡು ಟಿಕೆಟ್‌ಗಳಿಗೆ ತಲಾ 3,700 ರೂ. ಕೇಳಿದ್ದ ಆತ, ನಂತರ 'ರಿಫಂಡಬಲ್ ಸೆಕ್ಯೂರಿಟಿ ಡೆಪಾಸಿಟ್', ಹೆಚ್ಚುವರಿ ಐಡಿ ಕಾರ್ಡ್ ಮತ್ತು ಫುಡ್ ಕೂಪನ್‌ಗಳ ಹೆಸರಿನಲ್ಲಿ ಹಂತಹಂತವಾಗಿ ಹಣವನ್ನು ಪಾವತಿ ಮಾಡಿಸಿಕೊಂಡಿದ್ದಾನೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.

ಇಷ್ಟಕ್ಕೆ ನಿಲ್ಲದೆ ವಂಚಕನು ಸಂತ್ರಸ್ತ ಯುವಕನ ಬಳಿ ಮತ್ತೆ ಮತ್ತೆ ಹಣವನ್ನು ಕೇಳಿದ್ದಾನೆ ಹಾಕಿಸಿಕೊಂಡಿದ್ದಾನೆ. ತನ್ನ ಖಾತೆಯಲ್ಲಿ ಹಣ ಖಾಲಿಯಾದ ನಂತರ, ಸಂತ್ರಸ್ತ ತನ್ನ ತಾಯಿ ಖಾತೆಯಿಂದಲೂ ಹಣವನ್ನು ವರ್ಗಾಯಿಸಿದ್ದಾನೆ. ಭಾನುವಾರ ಕ್ರೀಡಾಂಗಣದ ಗೇಟ್​ ಸಂಖ್ಯೆ 10ರ ಬಳಿ ಟಿಕೆಟ್​ ಕಲೆಕ್ಟ್​ ಮಾಡಿಕೊಳ್ಳಲು ಹೇಳಿದ್ದ ಆತ. ಕರೆಗೆ ಸಿಗದಂತೆ ಹಣದೊಂದಿಗೆ ಮಾಯವಾಗಿದ್ದಾನೆ ಎಂದು ಟೆಕ್ಕಿ ದೂರು ನೀಡಿದ್ದಾನೆ, (ಏಜೆನ್ಸೀಸ್​).