ಮಕ್ಕಳಿಗೆ ಮುಂದಿನ ದೂರದೃಷ್ಟಿ ಬಗ್ಗೆ ತಿಳಿಸುವ ಅಧ್ಯಾಪಕರು ಬೇಕಿದೆ-need teachers

ಎನ್.ಆರ್.ಕಾಲನಿಯ ಬಿಎಂಶ್ರೀ ಪ್ರತಿಷ್ಠಾನದಲ್ಲಿ ಶನಿವಾರ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಲೇಖಕಿ ಪದ್ಮಲತಾ ಮೋಹನ್ ರಚಿಸಿರುವ ’ ಎಲ್‌ಬಿಡಬ್ಲ್ಯೂ ( ಕಾದಂಬರಿ) ಮತ್ತು ವಿದ್ಯಾಸಾರಥಿ ( ಪತ್ರಿಕೆಗಳಲ್ಲಿ ಪ್ರಕಟವಾದ ಲೇಖನ ಸರಮಾಲೆ) ಪುಸ್ತಕ ಬಿಡುಗಡೆಗೊಳಿಸಿ ಅವರು ಮಾತನಾಡಿದರು.

ಮಕ್ಕಳ ಬಾಲ್ಯವನ್ನು ನಾವೆಲ್ಲರೂ ಕಿತ್ತುಕೊಳ್ಳುತ್ತಿದ್ದೇವೆ. ಮಕ್ಕಳಿಗೆ ಚೇತೋಹಾರಿ ತರಗತಿಗಳ ವಾತಾವರಣ ನಿರ್ಮಿಸುವ ಅಗತ್ಯವಿದೆ. ಆದರೆ, ಇವತ್ತಿನ ದಿನಮಾನಗಳಲ್ಲಿ ಅಂಕ ತಯಾರಿಸುವ ಕಾರ್ಖಾನೆಯಂತೆ ಮಕ್ಕಳನ್ನು ಬೆಳೆಸಲಾಗುತ್ತಿದೆ. ಮಕ್ಕಳ ಸಹಜ ಆಸೆ, ಆಕಾಂಕ್ಷೆ ತಿಳಿದು ಚಟುವಟಿಕೆಗಳ ಮೂಲಕ ಸುಲಭವಾಗಿ ಕಲಿಸುವ ತಂತ್ರಗಳನ್ನು ರೂಢಿಸಿಕೊಳ್ಳಬೇಕು. ಶಿಕ್ಷಕರಿಂದ ವಿದ್ಯಾರ್ಥಿಗಳಿಗೆ ಸಂಯೋಜಿತ ಜ್ಞಾನದ ರುಚಿಯನ್ನು ನೀಡುತ್ತಾ, ಅರಿವಿನ ಆನಂದ ಸವಿಯುವಂತೆ ಮಾಡಬೇಕು. ಮಕ್ಕಳಲ್ಲಿ ದೈನಂದಿನ ಅನುಭವಗಳನ್ನು ಸೂಕ್ಷ್ಮವಾಗಿ ನೋಡಿ ವಿಶ್ಲೇಷಿಸುವ ಪ್ರವೃತ್ತಿ ಬೆಳೆಸಬೇಕು ಎಂದು ಸಲಹೆ ನೀಡಿದರು.

ಹಿರಿಯ ಪತ್ರಕರ್ತ ಗೌರೀಶ್ ಅಕ್ಕಿ ಮಾತನಾಡಿ, ಓರ್ವ ಲೇಖಕನು ಜೀವನದಲ್ಲಿ ಮುಖಮುಖಿಯಾಗಿ ತಂದು ಬರೆದಿರುವ ಪುಸ್ತಕಗಳಲ್ಲಿ ಸತ್ವ ಇರುತ್ತದೆ. ಇದರಿಂದ ಅವರ ಜೀವನದಲ್ಲಿ ಪ್ರೇರಿತವಾಗಿ ಪುಸ್ತಕ ಬರೆಯುತ್ತಾರೆ. ಮುಂದಿನ ಭವಿಷ್ಯದಲ್ಲಿ ಕಥೆ ಮತ್ತು ಕವನ ಬರೆಯುವ ಕೆಲಸವನ್ನು ರೋಬಾಟ್ ಮಾಡಲಿದೆ.ಮುಂದಿನ ದಿನಗಳಲ್ಲಿ ಬದುಕಿಗಾಗಿ ಹೋರಾಟ ನಡೆಸುವ ಪರಿಸ್ಥಿತಿ ನಿರ್ಮಾಣವಾಗಲಿದೆ. ಪುಸ್ತಕ ಓದಿದರೆ ಮತ್ತು ಪುಸ್ತಕದಲ್ಲಿ ಬರುವ ಪಾತ್ರದ ಬಗ್ಗೆ ಅರ್ಥಮಾಡಿಕೊಂಡರೆ ನಮ್ಮಲ್ಲಿರುವ ಸಂಕೋಚಿತ ಮನೋಭಾವ ಕಡಿಮೆಯಾಗುತ್ತದೆ ಎಂದರು.

ಜೀವನ ಎಂಬುದು ಸಾಮೂಹಿಕ ಗಾನವಿದ್ದಂತೆ. ಆಟ ಮತ್ತು ಬದುಕಿನಲ್ಲಿ ಗೆಲುವು ಸಾಧಿಸುವುದು ಅಷ್ಟೂ ಸುಲಭವಲ್ಲ.ಜೀವನದಲ್ಲಿ ಸಮತೋಲನ ಕಾಪಾಡಿಕೊಳ್ಳಬೇಕು. ಕ್ರೀಡಾ ವಸ್ತು ತೆಗೆದುಕೊಂಡು ಕಾದಂಬರಿ ರಚಿಸಿರುವುದು ಕಷ್ಟ. ಒಳ್ಳೆಯ ಕಥಾವಸ್ತು ಆಗಿರುವ ಕಾದಂಬರಿ ನಮಗೆಲ್ಲಾ ಸಕಾರಾತ್ಮಕ ಸಂದೇಶ ಕೊಡಲಿದೆ.ಲೇಖಕಿ ಪದ್ಮಲತಾ ಮೋಹನ್ ಅವರಿಂದ ಇನ್ನಷ್ಟು ವೈವಿಧ್ಯಮಯ ಕಾದಂಬರಿ ಬರುವಂತಾಗಲಿ.

ನಾನು ಬರೆದಿರುವ 2 ವಿಭಿನ್ನ ಪುಸ್ತಕಗಳು ಬಿಡುಗಡೆಯಾಗಿದ್ದು, ಇದು ನನಗೆ ಅವಳಿ-ಜವಳಿ ಮಕ್ಕಳ ಹೆತ್ತ ಭಾವನೆ ಮೂಡುತ್ತಿದೆ. ನಮ್ಮ ದೇಶದಲ್ಲಿ ಕ್ರಿಕೆಟ್ ಅಂದರೆ ಅಚ್ಚುಮೆಚ್ಚು. ಮಹಿಳಾ ಕ್ರಿಕೆಟ್ ಸಹ ಜನಪ್ರಿಯ. ಓರ್ವ ಹೆಣ್ಣು ಕ್ರೀಡೆ ಜೊತೆಗೆ ವೈಯುಕ್ತಿಕ ಬದುಕು ಸರಿದೂಗಿಸಲು ಹೇಗೆಲ್ಲಾ ಹೋರಾಟ ನಡೆಸುತ್ತಾಳೆ ಎಂಬುದರ ಕುರಿತು ಕಾದಂಬರಿಯಲ್ಲಿದೆ.ಈ ಕಾದಂಬರಿ ಎಲ್ಲ ಮಹಿಳೆಯರಿಗೆ ಸ್ಪೂರ್ತಿಯಾಗಲಿ.