ಮಂಡ್ಯದಲ್ಲಿ ಕಾರ್ಖಾನೆ ಸ್ಥಳಾಂತರ ವೇಳೆ ಕೆಮಿಕಲ್ ಟ್ಯಾಂಕ್ ಸ್ಫೋಟ: ಇಬ್ಬರು ಕಾರ್ಮಿಕರು ದಾರುಣ ಸಾವು! | Chemical tank explodes

ಮಂಡ್ಯ: ಮಂಡ್ಯ ಜಿಲ್ಲೆಯ ಬಸರಾಳು ಸಮೀಪದ ಕಾರೆಕಟ್ಟೆಯಲ್ಲಿ ಇಂದು(ಫೆ.15) ಬೆಳ್ಳಂಬೆಳಿಗ್ಗೆ ಭೀಕರ ಅವಘಡವೊಂದು (Chemical tank explodes)ಸಂಭವಿಸಿದೆ.

ಕಾರೆಕಟ್ಟೆಗ್ರಾಮದ ಬಳಿಯಿರುವ ಖಾಸಗಿ ಕಾರ್ಖಾನೆಯನ್ನು ಬೇರೆಡೆಗೆ ಸ್ಥಳಾಂತರಿಸುವ ಕಾರ್ಯ ನಡೆಯುತ್ತಿದ್ದ ವೇಳೆ ರಾಸಾಯನಿಕ ಟ್ಯಾಂಕ್ಸ್ಫೋಟಗೊಂಡಿದ್ದು, ಇಬ್ಬರು ಕಾರ್ಮಿಕರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಕಳೆದ4 ವರ್ಷಗಳ ಹಿಂದೆ ಇದೇ ಕಾರ್ಖಾನೆಯಲ್ಲಿ ಸಂಭವಿಸಿದ್ದರಾಸಾಯನಿಕ ಸೋರಿಕೆಯಿಂದಾಗಿ ಸುತ್ತಮುತ್ತಲಿನ ನೂರಾರು ಎಕರೆ ಬೆಳೆ ಹಾನಿಯಾಗಿತ್ತು.ಅಂದು ತೀವ್ರ ವಿರೋಧ ವ್ಯಕ್ತವಾಗಿದ್ದ ಹಿನ್ನೆಲೆಯಲ್ಲಿ ಜಿಲ್ಲಾಡಳಿತದ ಮಧ್ಯಸ್ಥಿಕೆಯಲ್ಲಿ ಕಾರ್ಖಾನೆಯನ್ನು ಸ್ಥಗಿತಗೊಳಿಸಲಾಗಿತ್ತು. ಈ ಹಿನ್ನೆಲೆಯಲ್ಲಿ, ಮಾಲೀಕರುಕಾರ್ಖಾನೆಯನ್ನು ಕಾರೆಕಟ್ಟೆಯಿಂದ ಬೇರೆಡೆಗೆ ಸ್ಥಳಾಂತರಿಸಲು ನಿರ್ಧರಿಸಿದ್ದರು.

ಕಳೆದಒಂದು ತಿಂಗಳಿಂದ ಕಾರ್ಖಾನೆ ಶಿಫ್ಟ್ ಮಾಡುವ ಕೆಲಸ ನಡೆಯುತ್ತಿತ್ತು. ಬಿಹಾರಮೂಲದ ಕಾರ್ಮಿಕರು ಈ ಕಾರ್ಯದಲ್ಲಿ ತೊಡಗಿದ್ದರು.ಇಂದು ಬೆಳಿಗ್ಗೆ ರಾಸಾಯನಿಕ ಸಂಗ್ರಹವಾಗಿದ್ದ ಬೃಹತ್ ಟ್ಯಾಂಕ್ ಒಂದನ್ನು ತೆರವು ಮಾಡುತ್ತಿದ್ದ ವೇಳೆ ಅದು ಆಕಸ್ಮಿಕವಾಗಿಸ್ಫೋಟಗೊಂಡಿದೆ.

ಸಾವು-ನೋವು ಮತ್ತು ಹಾನಿ

ಇಬ್ಬರಸಾವು: ಸ್ಫೋಟದ ತೀವ್ರತೆಗೆ ಬಿಹಾರ ಮೂಲದ ಇಬ್ಬರು ಕಾರ್ಮಿಕರುಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಸ್ಫೋಟದ ತೀವ್ರತೆ ಎಷ್ಟಿತ್ತೆಂದರೆ ಮೃತದೇಹಗಳು ಛಿದ್ರಗೊಂಡಿವೆ ಎಂದು ವರದಿಯಾಗಿದೆ.

ಮತ್ತಿಬ್ಬರುಅಸ್ವಸ್ಥ: ಘಟನೆಯಲ್ಲಿ ಇತರ ಇಬ್ಬರು ಕಾರ್ಮಿಕರುಗಂಭೀರವಾಗಿ ಅಸ್ವಸ್ಥಗೊಂಡಿದ್ದು, ಅವರನ್ನು ಕೂಡಲೇ ಮಂಡ್ಯದ ಮಿಮ್ಸ್ (MIMS) ಆಸ್ಪತ್ರೆಗೆ ದಾಖಲಿಸಲಾಗಿದೆ.

ನಿರ್ಲಕ್ಷ್ಯದಆರೋಪ: ಅಪಾಯಕಾರಿ ರಾಸಾಯನಿಕಗಳನ್ನು ತೆರವುಗೊಳಿಸುವಾಗ ಯಾವುದೇ ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಳ್ಳದ ಕಾರಣ ಈ ದುರಂತಸಂಭವಿಸಿದೆ ಎಂದು ಸ್ಥಳೀಯರು ಆಕ್ರೋಶವ್ಯಕ್ತಪಡಿಸಿದ್ದಾರೆ.

ಈ ಕಾರ್ಖಾನೆ ಕಾರೆಕಟ್ಟೆ ಭಾಗದ ಜನರಿಗೆ ಮೊದಲಿನಿಂದಲೂತಲೆನೋವಾಗಿತ್ತು. 4 ವರ್ಷಗಳ ಹಿಂದೆ ನಡೆದ ಸೋರಿಕೆಯಿಂದ ಬೆಳೆಹಾನಿಯಾದಾಗ ಎರಡು ನಾಯಿಗಳು ಕೂಡಪ್ರಾಣ ಕಳೆದುಕೊಂಡಿದ್ದವು. ಆ ಸಮಯದಲ್ಲಿ ಅದೃಷ್ಟವಶಾತ್ಜನರ ಪ್ರಾಣಕ್ಕೆ ಹಾನಿಯಾಗಿರಲಿಲ್ಲ. ಅಂದಿನಿಂದ ಬಂದ್ ಆಗಿದ್ದ ಕಾರ್ಖಾನೆ,ಇಂದು ಸ್ಥಳಾಂತರಗೊಳ್ಳುವಾಗ ಕಾರ್ಮಿಕರ ಬಲಿ ಪಡೆದಿದೆ.

ಸದ್ಯಬಸರಾಳು ಪೊಲೀಸ್ ಠಾಣೆಯ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆನಡೆಸುತ್ತಿದ್ದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಘಟನೆ ನಡೆದ ನಂತರಕಾರ್ಖಾನೆ ಮಾಲೀಕರು ನಾಪತ್ತೆಯಾಗಿದ್ದಾರೆ ಎಂದು ತಿಳಿದುಬಂದಿದೆ.