ಜಿಲ್ಲಾ ಕಾನಿಪ ಸಂಘಕ್ಕೆ ಚಂದ್ರಶೇಖರ್ ಅಧ್ಯಕ್ಷ

ನಗರದ ಪತ್ರಕರ್ತರ ಭವನದಲ್ಲಿ ಭಾನುವಾರ ನಿಗದಿಪಡಿಸಿದ್ದ ಚುನಾವಣೆಯಲ್ಲಿ 124 ಮತ ಪಡೆದ ಎಸ್.ಕೆ.ಚಂದ್ರಶೇಖರ್ ಪ್ರತಿಸ್ಪರ್ಧಿ ಕೆ.ಎಸ್.ಗಣೇಶ್ ಎದುರು ಗೆಲುವು ಸಾಧಿಸಿದ್ದಾರೆ.

ಜಿಲ್ಲೆಯಿಂದ ರಾಜ್ಯ ಕಾರ್ಯಕಾರಿಣಿ ಸದಸ್ಯ ಸ್ಥಾನಕ್ಕೆ ವಿ.ಮುನಿರಾಜು 155 ಮತ ಪಡೆದು ಆಯ್ಕೆಯಾಗಿದ್ದು, ಅವರ ಪ್ರತಿಸ್ಪರ್ಧಿ ಎ.ಸದಾನಂದ ಪರಾಭವಗೊಂಡಿದ್ದಾರೆ. ಉಪಾಧ್ಯಕ್ಷರಾಗಿ ಎಚ್.ಎಲ್.ಸುರೇಶ್ 131 ಮತ, ಎಸ್.ರವಿಕುಮಾರ್ 119 ಮತ ಹಾಗೂ ಪ್ರಕಾಶ್ 109 ಮತ ಪಡೆದು ಆಯ್ಕೆಯಾಗಿದ್ದಾರೆ.

ಜಿಲ್ಲಾ ಪ್ರಧಾನ ಕಾರ್ಯದರ್ಶಿಯಾಗಿ 124 ಮತ ಪಡೆದು ಎ.ಜಿ.ಸುರೇಶ್ ಕುಮಾರ್ ಆಯ್ಕೆಯಾಗಿದ್ದಾರೆ. ಅವರ ಪ್ರತಿಸ್ಪರ್ಧಿ ವೆಂಕಟೇಶಪ್ಪ ಪರಾಭವಗೊಂಡಿದ್ದಾರೆ.

ಜಿಲ್ಲಾ ಕಾರ್ಯದರ್ಶಿಯಾಗಿ ಆಯ್ಕೆಯಾದ ವಿಜಯವಾಣಿ ವರದಿಗಾರ ಜೆ.ಜಿ.ಶ್ರೀನಿವಾಸಮೂರ್ತಿ 123 ಮತ, ರಾಜೇಂದ್ರ ವೈದ್ಯ111 ಮತ ಹಾಗೂ ಎಸ್.ಶಮ್ಗರ್ 102 ಮತ ಪಡೆದು ಆಯ್ಕೆಯಾಗಿದ್ದಾರೆ.

ಖಜಾಂಚಿಯಾಗಿ ಬಿ.ಎಲ್.ರಾಜೇಂದ್ರ ಸಿಂಹ 133 ಮತಗಳನ್ನು ಪಡೆದು ಗೆಲುವು ಸಾಧಿಸಿದ್ದು, ಪ್ರತಿಸ್ಪರ್ಧಿ ಕೆ.ಬಿ.ಜಗದೀಶ್ ಪರಾಭವಗೊಂಡಿದ್ದಾರೆ.

ಕಾರ್ಯಕಾರಿಣಿ ಸಮಿತಿ ಸದಸ್ಯರಾಗಿ ಗೋಪಿಕಾ ಮಲ್ಲೇಶ್ 168, ಜಿ.ರಘುರಾಜ್ 137, ಎಸ್.ಸೋಮಶೇಖರ್ 130, ಬಿ.ಎಸ್.ನವೀನ್ ಕುಮಾರ್ 117, ಪ್ರಜಾವಾಣಿ ಛಾಯಾಗ್ರಾಹಕ ಎ.ಸರ್ವಜ್ಞಮೂರ್ತಿ 111, ವಿ.ಈಶ್ವರ್ 107, ಎಂ.ರಮೇಶ್ 99, ಕೆ.ರಮೇಶ್ 96, ಮುರಳೀಧರ್ ರಾವ್ 94, ಕೆ.ಎಂ. ಸೋಮಶೇಖರ್ 94, ಸಿ.ವಿ.ನಾಗರಾಜ್ 93, ಅಯೂಬ್ ಖಾನ್ 92, ಬಿ.ಕೆ.ಉಪೇಂದ್ರ 90, ಸಂಘರ್ಷ 90, ಎನ್.ಸತೀನ್ 87 ಆಯ್ಕೆಯಾಗಿದ್ದಾರೆ. ಜಿಲ್ಲಾ ಕಾರ್ಯಕಾರಿ ಸಮಿತಿ ಸದಸ್ಯ ಸ್ಥಾನಕ್ಕೆ 37 ಅಭ್ಯರ್ಥಿಗಳು ಸ್ಪರ್ಧೆಯಲ್ಲಿದ್ದರು.

ಫಲಿತಾಂಶದ ಬಳಿಕ ವಿಜೇತರು ಸಂಭ್ರಮಿಸಿದರು. ಮಾಜಿ ಅಧ್ಯಕ್ಷ ಬಿ.ವಿ.ಗೋಪಿನಾಥ್ ಕೂಡ ಸಂಭ್ರಮದಲ್ಲಿ ಭಾಗಿಯಾದರು.

ಮತದಾನ ಬೆಳಗ್ಗೆ 9 ಗಂಟೆಯಿಂದ ಮಧ್ಯಾಹ್ನ 3 ಗಂಟೆವರೆಗೆ ಯಶಸ್ವಿಯಾಗಿ ನಡೆಯಿತು. ಒಟ್ಟು 57 ಅಭ್ಯರ್ಥಿಗಳು ಸ್ಪರ್ಧಾ ಕಣದಲ್ಲಿದ್ದರು. ಜಿಲ್ಲಾ ಚುನಾವಣಾಧಿಕಾರಿ ಪಾ.ಶ್ರೀ.ಅನಂತರಾಮ, ಉಪ ಚುನಾವಣಾಧಿಕಾರಿಯಾಗಿ ಪ್ರಕಾಶ್ ಹಾಗೂ ಸಿಬ್ಬಂದಿ ಕಾರ್ಯನಿರ್ವಹಿಸಿದರು.