ರಾಜ್ಯ

ಉದ್ಯಮಿ ಮೇಲೆ ಹಲ್ಲೆ / DODABALLAPUR

ಕಾರು ಜಖಂಗೊಂಡಿರುವುದು.
ಕಾರು ಜಖಂಗೊಂಡಿರುವುದು.
ಬೆಂಗಳೂರು ಗ್ರಾಮಾಂತರ ಡೆಸ್ಕ್
Published on: 
ದೊಡ್ಡಬಳ್ಳಾಪುರ : ಬಾಶೆಟ್ಟಿಹಳ್ಳಿ ಕೈಗಾರಿಕಾ ಪ್ರದೇಶದಲ್ಲಿ ಇತ್ತೀಚೆಗೆ ಮಹಿಳಾ ಸಹೋದ್ಯೋಗಿಯೊಂದಿಗೆ ಮಾತನಾಡುತ್ತಿದ್ದ ಉದ್ಯಮಿ ಮೇಲೆ ಸ್ಥಳಿಯರ ಗುಂಪು ಹಲ್ಲೆ ಮಾಡಿದ್ದು, ನೈತಿಕ ಪೊಲೀಸ್​ಗಿರಿ ಆರೋಪ ಕೇಳಿಬಂದಿದೆ.
ರಾಜಸ್ಥಾನ ಮೂಲದ ಉದ್ಯಮಿ ಅರವಿಂದ್​ ಭಾರದ್ವಾಜ್​ ಹಲ್ಲೆಗೆ ಒಳಗಾದವರು.
ಹಲ್ಲೆ ಮಾಡಿದ ಆರೋಪದ ಮೇಲೆ ಹರ್ಷ, ಭರತ್​, ಸಂದೀಪ್​, ತಿಮ್ಮರಾಜ್​, ಅಭಿ ಹಾಗೂ ಲತಿಫ್​ ವಿರುದ್ಧ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಪೊಲೀಸರು ನಾಲ್ವರನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದು, ಉಳಿದವರ ಪತ್ತೆಗೆ ಬಲೆ ಬೀಸಿದ್ದಾರೆ.
ಏನಿದು ಪ್ರಕರಣ? : ಅರವಿಂದ್​ ಭಾರದ್ವಾಜ್​ ಅವರು ಕಾರಿನಲ್ಲಿ ಮಹಿಳಾ ಸಹೋದ್ಯೋಗಿಯೊಂದಿಗೆ ಮಾತನಾಡುತ್ತಿದ್ದರು. ಇದಕ್ಕೆ ಸ್ಥಳಿಯರ ಗುಂಪು ಆಕ್ಷೇಪ ವ್ಯಕ್ತಪಡಿಸಿತ್ತು. ಈ ವೇಳೆ ಅರವಿಂದ್​ ಭಾರದ್ವಾಜ್​ ಹಾಗೂ ಮಹಿಳೆ ಇಬ್ಬರೂ ತಮ್ಮ ಕಂಪನಿಯತ್ತ ತೆರಳುವಾಗ ಕಾರು ಸ್ಥಳಿಯರ ಬೈಕ್​ಗೆ ಸ್ಪರ್ಶಿಸಿದೆ. ಇದರಿಂದ ಕೋಪಗೊಂಡ ಸ್ಥಳಿಯರ ಗುಂಪು ಕಂಪನಿವರೆಗೂ ಹಿಂಬಾಲಿಸಿಕೊಂಡು ಬಂದು, ಸಿಮೆಂಟ್​ ಇಟ್ಟಿಗೆ ಎಸೆದು ಕಾರಿನ ಗಾಜು ಪುಡಿ ಮಾಡಿದ್ದಾರೆ. ಅಲ್ಲದೇ ಮಾರಕಾಸ್ತ್ರಗಳಿಂದ ಅರವಿಂದ್​ ಭಾರದ್ವಾಜ ಮೇಲೆ ನಡೆಸಿದ್ದಾರೆ ಎನ್ನಲಾಗಿದೆ. ಅರವಿಂದ್​ ಭಾರದ್ವಾಜ್​ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net