ರಾಜ್ಯದ ನ್ಯಾಯಾಲಯಗಳಿಗೆ ಬಾಂಬ್ ಭೀತಿ: ಹೈ ಅಲರ್ಟ್ ಘೋಷಣೆ! | BombThreat

ಬೆಂಗಳೂರು/ಮಂಡ್ಯ/ದಾವಣಗೆರೆ: ರಾಜ್ಯದ ಕಾನೂನು ಕೇಂದ್ರಗಳಾದ ಜಿಲ್ಲಾ ನ್ಯಾಯಾಲಯಗಳ ಮೇಲೆ ಬಾಂಬ್ ದಾಳಿ(BombThreat) ನಡೆಸುವುದಾಗಿ ಅನಾಮಧೇಯ ಇಮೇಲ್ ಸಂದೇಶಗಳು ಬಂದಿವೆ ಎಂದು ಸೋಮವಾರ ಪೊಲೀಸರುತಿಳಿಸಿದ್ದಾರೆ.

ಮಂಡ್ಯ,ದಾವಣಗೆರೆ, ಮಡಿಕೇರಿ ಹಾಗೂ ಧಾರವಾಡದ ನ್ಯಾಯಾಲಯಸಂಕೀರ್ಣಗಳಿಗೆ ಏಕಕಾಲದಲ್ಲಿ ಬೆದರಿಕೆ ಬಂದ ಹಿನ್ನೆಲೆಯಲ್ಲಿ ಅತೀವಆತಂಕದ ವಾತಾವರಣ ನಿರ್ಮಾಣವಾಗಿದೆ.

ಜಿಲ್ಲಾನ್ಯಾಯಾಲಯ ಸ್ಫೋಟಿಸುವ ಎಚ್ಚರಿಕೆ

ಮಂಡ್ಯನಗರದ ಜಿಲ್ಲಾಧಿಕಾರಿಗಳ ಕಚೇರಿ ಪಕ್ಕದಲ್ಲಿರುವ ನ್ಯಾಯಾಲಯ ಸಂಕೀರ್ಣಕ್ಕೆ ಬೆಳಿಗ್ಗೆಯೇ ಬಾಂಬ್ ಬೆದರಿಕೆ ಬಂದಿದೆ. ನ್ಯಾಯಾಧೀಶರೊಬ್ಬರ ಅಧಿಕೃತ ಇಮೇಲ್ ಐಡಿಗೆ ಸ್ಫೋಟದ ಸಂದೇಶ ಬಂದ ಕೂಡಲೇ ನ್ಯಾಯಾಲಯದಕಲಾಪಗಳನ್ನು ಸ್ಥಗಿತಗೊಳಿಸಲಾಯಿತು. ಪೊಲೀಸರು ತಕ್ಷಣ ಕಾರ್ಯಪ್ರವೃತ್ತರಾಗಿ ನ್ಯಾಯಾಧೀಶರು, ವಕೀಲರು ಹಾಗೂ ಕಕ್ಷಿದಾರರನ್ನು ತುರ್ತಾಗಿಕಟ್ಟಡದಿಂದ ಹೊರಗೆ ಕಳುಹಿಸಿದರು. ಸ್ಥಳಕ್ಕೆ ಆಗಮಿಸಿದ ಬಾಂಬ್ ನಿಷ್ಕ್ರಿಯ ದಳ (Bomb Squad) ತಪಾಸಣೆ ನಡೆಸುತ್ತಿದೆ. ಮುಂಜಾಗ್ರತಾ ಕ್ರಮವಾಗಿ ನ್ಯಾಯಾಲಯದ ಸುತ್ತಮುತ್ತ ಜನರನ್ನು ಚದುರಿಸಲಾಗಿದ್ದು, ಬಿಗಿ ಪೊಲೀಸ್ ಬಂದೋಬಸ್ತ್ಏರ್ಪಡಿಸಲಾಗಿದೆ.

ಹಳೇಮತ್ತು ಹೊಸ ಕೋರ್ಟ್ ಬಳಿ ಆತಂಕ

ದಾವಣಗೆರೆಯಲ್ಲೂಕೂಡ ಇಮೇಲ್ ಮೂಲಕ ಬಾಂಬ್ ಬೆದರಿಕೆಬಂದಿದ್ದು, ಇಲ್ಲಿನ ಹಳೇ ಹಾಗೂ ಹೊಸಕೋರ್ಟ್ ಆವರಣದಲ್ಲಿ ಬಿಗುವಿನ ವಾತಾವರಣ ನಿರ್ಮಾಣವಾಗಿದೆ. ಸಂದೇಶ ತಿಳಿಯುತ್ತಿದ್ದಂತೆಯೇ ನ್ಯಾಯಾಲಯದ ಸಿಬ್ಬಂದಿ ಹಾಗೂ ಸಾರ್ವಜನಿಕರನ್ನು ಸುರಕ್ಷಿತಸ್ಥಳಕ್ಕೆ ಸ್ಥಳಾಂತರಿಸಲಾಯಿತು. ಬಾಂಬ್ ಪತ್ತೆ ಹಚ್ಚುವ ಸಿಬ್ಬಂದಿ ಹಾಗೂ ಶ್ವಾನ ದಳವುಇಡೀ ಸಂಕೀರ್ಣವನ್ನು ಜಾಲಾಡುತ್ತಿವೆ.

ರಾಜ್ಯಾದ್ಯಂತತಪಾಸಣೆ ತೀವ್ರ

ಮಡಿಕೇರಿಹಾಗೂ ಧಾರವಾಡದ ಕೋರ್ಟ್‌ಗಳಿಗೂ ಇಮೇಲ್ ಸಂದೇಶಗಳು ಬಂದಿವೆ ಎನ್ನಲಾಗಿದ್ದು, ಈ ಸರಣಿ ಬೆದರಿಕೆಗಳಹಿಂದೆ ಯಾವುದಾದರೂ ಸಂಘಟಿತ ಪಿತೂರಿ ಇದೆಯೇ ಎಂಬ ಸಂಶಯ ಮೂಡಿದೆ.ಎಲ್ಲಾ ಜಿಲ್ಲೆಗಳ ಪೊಲೀಸ್ ವರಿಷ್ಠಾಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆನಡೆಸುತ್ತಿದ್ದಾರೆ.

ಪೊಲೀಸ್ಇಲಾಖೆಯ ಪ್ರತಿಕ್ರಿಯೆ

"ಇದುಹುಸಿ ಬೆದರಿಕೆಯೇ ಅಥವಾ ಗಂಭೀರ ಸಂಚೇಎಂಬ ಬಗ್ಗೆ ತನಿಖೆ ನಡೆಸುತ್ತಿದ್ದೇವೆ. ಸಾರ್ವಜನಿಕರು ಆತಂಕಪಡುವ ಅಗತ್ಯವಿಲ್ಲ, ಮುಂಜಾಗ್ರತಾ ಕ್ರಮವಾಗಿ ಎಲ್ಲಾ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಲಾಗಿದೆ. ಬೆದರಿಕೆ ಇಮೇಲ್ ಎಲ್ಲಿಂದ ಬಂದಿದೆ ಎಂಬುದನ್ನು ಪತ್ತೆಹಚ್ಚಲು ಸೈಬರ್ ಕ್ರೈಮ್ ವಿಭಾಗದ ನೆರವು ಪಡೆಯಲಾಗುತ್ತಿದೆ," ಎಂದು ಹಿರಿಯ ಪೊಲೀಸ್ಅಧಿಕಾರಿಗಳು ತಿಳಿಸಿದ್ದಾರೆ.