ಧಾರವಾಡ ಹೈಕೋರ್ಟ್​ಗೆ ಬಾಂಬ್​ ಬೆದರಿಕೆ ಸಂದೇಶ

ಹೈಕೋರ್ಟ್​ ಹೆಚ್ಚುವರಿ ರಿಜಿಸ್ಟ್ರಾರ್​ ಜನರಲ್​ ಕಚೇರಿಗೆ ಇ& ಮೇಲ್​ ಸಂದೇಶ ಬಂದಿತ್ತು. ತಮಿಳುನಾಡಿನಿಂದ ಬಂದಿದ್ದ ಮೇಲ್​ನಲ್ಲಿ ಮಧ್ಯಾಹ್ನ 1.55ಕ್ಕೆ ಕಟ್ಟಡವನ್ನು ಸ್ಫೋಟಿಸುವುದಾಗಿ ಬೆದರಿಕೆಯೊಡ್ಡಿದ್ದರು. ವಿಷಯ ತಿಳಿಯುತ್ತಿದ್ದಂತೆ ಎಸ್​ಪಿ ಗುಂಜನ್​ ಆರ್ಯ ನೇತೃತ್ವದಲ್ಲಿ ಪೊಲೀಸ್​ ಅಧಿಕಾರಿಗಳು, ಸಿಬ್ಬಂದಿ ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದರು.

ಹೈಕೋರ್ಟ್​ ಆವರಣದಲ್ಲಿ ಹೈ ಅರ್ಲಟ್​ ಘೋಷಿಸಿ ಬಾಂಬ್​ ನಿಷ್ಕ್ರಿಯ ದಳ, ಶ್ವಾನ ದಳ ಮತ್ತು ಅಗ್ನಿಶಾಮಕ ದಳಗಳನ್ನು ಕರೆಸಲಾಯಿತು. ಸಿಬ್ಬಂದಿ, ವಕೀಲರನ್ನು ಹೊರಗೆ ಕಳಹಿಸಲಾಯಿತು. ಪ್ರತಿಯೊಂದು ವಾಹನಗಳನ್ನು ತಪಾಸಣೆ ಮಾಡಿ ಹೊರಗೆ ಕಳಹಿಸಿಲಾಯಿತು. ಕೆಲ ಗಂಟೆ ಹೈಕೋರ್ಟ್​ ಕಲಾಪಗಳನ್ನು ಸ್ಥಗಿತಗೊಳಿಸಿ, ಹುಸಿ ಬಾಂಬ್​ ಸಂದೇಶ ಎಂಬುದು ಮನವರಿಕೆಯಾದ ಬಳಿಕ ಪುನರಾರಂಭಿಸಲಾಯಿತು.