ಲಾಲಾ ರಸದ ಉತ್ಪಾದನೆ ಕಡಿಮೆಯಾದಾಗ, ಬಾಯಿ ಒಣಗಲು ಕಾರಣವಾದಾಗ ಬ್ಯಾಕ್ಟೀರಿಯಾ ಮತ್ತು ಆಹಾರದ ಅವಶೇಷಗಳು ಸಂಗ್ರಹವಾಗಿ ಬಾಯಿಯ ದುರ್ವಾಸನೆ ಉಂಟಾಗುತ್ತದೆ. ಹೀಗೆ ಲಾಲಾ ರಸದ ಹರಿವು ಕಡಿಮೆಯಾದಾಗ ಒಣಬಾಯಿ ತೊಂದರೆ ಉಂಟಾಗಬಹುದು. ಬಾಯಿಯಲ್ಲಿ ಒಣ ಭಾವನೆ, ಊಟ ಅಗಿಯಲು ಅಥವಾ ತಿನ್ನಲು ತೊಂದರೆಯಾಗುವುದು, ಮಾತನಾಡುವಾಗ ತಡವರಿಸುವುದು, ರುಚಿಗ್ರಹಿಸುವುದರಲ್ಲಿಯೂ ತೊಂದರೆಯಾಗುವುದು, ಬಾಯಿ ಉರಿ, ಪದೇಪದೇ ಹುಣ್ಣಾಗುವುದು, ಕೆಟ್ಟ ಉಸಿರಾಟದ ಅನುಭವ ಮತ್ತು ಸಾಮಾನ್ಯರಿಗಿಂತ ಹೆಚ್ಚು ದಂತ ಕುಳಿಗಳು ಉಂಟಾಗಬಹುದು. ಕೃತಕ ಹಲ್ಲುಗಳ ಸೆಟ್, ಡೆಂಟ್ಯೂರ್ಗಳನ್ನು ಧರಿಸುವಲ್ಲಿಯಂತೂ ತೊಂದರೆ ತಪ್ಪಿದ್ದಲ್ಲ. ಲಾಲಾ ರಸವು ಬಾಯಿಯ ದುರ್ವಾಸನೆ ಉಂಟುಮಾಡುವ ಸೂಕ್ಷ್ಮಜೀವಿಗಳ ವಿರುದ್ಧ ಹೋರಾಡಲು ಮತ್ತು ಸಮತೋಲಿತ ಮೌಖಿಕ ವಾತಾವರಣವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುವ ಕಿಣ್ವಗಳನ್ನು ಸಹ ಒಳಗೊಂಡಿದೆ. ಹೀಗೆ ಲಾಲಾರಸದ ಹರಿವು ಕಡಿಮೆಯಾಗಿ ಒಣಬಾಯಿಯ ತೊಂದರೆ ಉಂಟಾಗಲು ಕೆಲವು ಔಷಧಗಳ ಸೇವನೆಯೂ ಕಾರಣವಾಗಿರುತ್ತದೆ.
_1765995414971.webp?w=480&auto=format%2Ccompress&fit=max)
