ಬಿಜಿಎಂಎಲ್, ಬೆಮೆಲ್‌ನಿಂದ 27 ಕೋಟಿ ರೂ. ತೆರಿಗೆ ಬಾಕಿ bemel

ನಗರಸಭೆ ಆಡಳಿತಾಧಿಕಾರಿಯಾಗಿ ಅಧಿಕಾರ ಸ್ವೀಕರಿಸಿದ ನಂತರ ಪ್ರಥಮ ಬಾರಿಗೆ ಗುರುವಾರ ನಗರಸಭೆಗೆ ಭೇಟಿ ನೀಡಿ ವಾತನಾಡಿದರು.

ಕಂದಾಯ ಅಧಿಕಾರಿಗಳು ಕೇವಲ ಆಟಕ್ಕುಂಟು ಲೆಕ್ಕಕ್ಕಿಲ್ಲ ಎಂಬಂತಿದ್ದರೆ ಸಾಲದು. ಸರ್ಕಾರದಿಂದ ನೀವು ಪಡೆಯುವ ಸಂಬಳಕ್ಕೆ ಸರಿಯಾಗಿ ಕೆಲಸ ವಾಡಬೇಕು. ನಗರಸಭೆಯಿಂದ ಅನಾವಶ್ಯಕ ಅಕೌಂಟ್‌ಗಳನ್ನು ಏಕೆ ತೆರೆಯಲಾಗಿದೆ?, ನಗರಸಭೆಯಲ್ಲಿ 49 ಬ್ಯಾಂಕ್ ಖಾತೆಗಳನ್ನು ಏಕೆ ವಾಡಲಾಗಿದೆ?, ಇದರಿಂದ ಯಾರಿಗೆ ಉಪಯೋಗವಾಗಿದೆ. ಮೊದಲು ಅನಾವಶ್ಯಕ ಖಾತೆಗಳನ್ನು ಬಂದ್ ವಾಡಿಸಿ ಎಂದು ತಾಕೀತು ಮಾಡಿದರು.

15ನೇ ಹಣಕಾಸು ಹಾಗೂ ಸರ್ಕಾರದ ವಿವಿಧ ಮೂಲಗಳಿಂದ ಸಂಗ್ರಹವಾಗುವ ತೆರಿಗೆ ವಿವರಗಳ ವಾಹಿತಿ ನೀಡುವಂತೆ ಅಧಿಕಾರಿಗಳನ್ನು ಕೇಳಿದಾಗ ಸಮರ್ಪಕ ವಾಹಿತಿ ಒದಗಿಸುವಲ್ಲಿ ವಿಫಲರಾದರು. ಆಗ ಅಧಿಕಾರಿಗಳ ಮೇಲೆ ಗರಂ ಆದ ಡಿಸಿ, ಬಿಜಿಎಂಎಲ್ ಹಾಗೂ ಬಿಇಎಂಎಲ್ ಕಂಪನಿಗಳಿಂದ ಬರಬೇಕಾದ 27 ಕೋಟಿ ರೂ. ಎಂಬುದು ಸಣ್ಣ ಮೊತ್ತವೇ?, ಬಾಕಿ ಇರುವ ಬಗ್ಗೆ ನನ್ನ ಗಮನಕ್ಕೆ ಏಕೆ ತಂದಿಲ್ಲ ಎಂದು ಅಸವಾಧಾನ ವ್ಯಕ್ತಪಡಿಸಿದರು. ಕೂಡಲೇ ಎರಡೂ ಸಂಸ್ಥೆಗಳಿಗೆ ನೋಟಿಸ್ ಜಾರಿ ವಾಡಿ ಎಂದು ಸೂಚಿಸಿದರು.

ಕೆಜಿಎಫ್ ನಗರಸಭೆಯಲ್ಲಿ ಶೇ.92 ತೆರಿಗೆ ವಸೂಲಿ ವಾಡಲಾಗಿದ್ದರೂ ಇನ್ನು ಶೇ.8 ಬಾಕಿ ಉಳಿದಿದೆ. ಶೀಘ್ರ ಪೂರ್ಣಗೊಳಿಸುವಂತೆ ಆದೇಶ ನೀಡಲಾಗಿದೆ ಎಂದರು.