150 ರೂ. ಬಾಡಿಗೆ ಕೊಟ್ರೂ ಕಾಲ್ನಡಿಗೆಯೇ ಗತಿ: ಬೆಂಗಳೂರು ಟ್ರಾಫಿಕ್‌ಗೆ ಬೇಸತ್ತು 2 ಕಿ.ಮೀ ನಡೆದ ಪ್ರಯಾಣಿಕ! Bengaluru Traffic

ಶಿವಂಗ್ ಎಂಬ ಪ್ರಯಾಣಿಕರು ಈ ಕುರಿತು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. 150 ರೂಪಾಯಿ ಬಾಡಿಗೆ ನೀಡಿ ಆಟೋ ಹತ್ತಿದ್ದ ಅವರು ಸಿಗ್ನಲ್​ ಬಿದ್ದಾಗ ವಾಹನಗಳು ಇಂಚಿಂಚೂ ಕದಲುರದಷ್ಟು ಜಾಮ್​​ ಉಂಟಾಗಿದ್ದರಿಂದ ನಿರಾಸೆಯಾಗಿದೆ. ಆದಾಗ್ಯೂ, ಈ ಸಣ್ಣ ದೂರವನ್ನು ಕ್ರಮಿಸಲು ಆಟೋ ಸುಮಾರು 25 ರಿಂದ 30 ನಿಮಿಷ ತೆಗೆದುಕೊಂಡಿದೆ ಎಂದಿದ್ದಾರೆ.

ಆದಾಗ್ಯೂ, ತಮ್ಮ ಗಮ್ಯಸ್ಥಾನಕ್ಕೆ ಇನ್ನು 1 ರಿಂದ 2 ಕಿಲೋಮೀಟರ್ ಬಾಕಿ ಇರುವಾಗಲೇ, ಆಟೋದಲ್ಲೇ ಕುಳಿತಿದ್ದರೆ ಇನ್ನಷ್ಟು ತಡವಾಗುತ್ತದೆ ಎಂದು ಅರಿತ ಶಿವಂಗ್​ ಬೇರೆ ಯಾವುದೇ ದಾರಿಯಿಲ್ಲದೇ ಅಲ್ಲಿ ಇಳಿದು ಬರೀ ಕಾಲ್ನಡಿಗೆಯಲ್ಲೇ ಮನೆ ತಲುಪಿದ್ದಾರೆ.

ವಿಶೇಷವೆಂದರೆ, ಜಂಕ್ಷನ್‌ನ ಒಂದು ಬದಿಯ ರಸ್ತೆಯಲ್ಲಿ ಭಾರಿ ವಾಹನ ದಟ್ಟಣೆ ಇದ್ದರೆ, ಅದಕ್ಕೆ ಹೊಂದಿಕೊಂಡಿದ್ದ ಮತ್ತೊಂದು ರಸ್ತೆ ತೀರಾ ಖಾಲಿಯಾಗಿತ್ತು. ಈ ವ್ಯತ್ಯಾಸ ವೀಡಿಯೊದಲ್ಲಿ ಸ್ಪಷ್ಟವಾಗಿ ಸೆರೆಯಾಗಿದೆ. ಹಣ ನೀಡಿ ಆಟೋ ಬುಕ್ ಮಾಡಿದರೂ ಸರಿಯಾದ ಸಮಯಕ್ಕೆ ತಲುಪಲಾಗದ ಬೆಂಗಳೂರಿನ ಸಾರಿಗೆ ವ್ಯವಸ್ಥೆ ಹಾಗೂ ನಿರಂತರ ಟ್ರಾಫಿಕ್ ಕಿರಿಕಿರಿಯ ಬಗ್ಗೆ ಅವರು ತಮ್ಮ ವೀಡಿಯೊ ಮೂಲಕ ತೀವ್ರ ಬೇಸರ ವ್ಯಕ್ತಪಡಿಸಿದ್ದಾರೆ (ಏಜೆನ್ಸೀಸ್​).