ಕುಟುಂಬಗಳ ತೆರವು ಆಧಾರ ರಹಿತ ಆರೋಪ

ಪ್ರಮುಖ ಮುಖ್ಯಾಂಶಗಳು

• ಶಾಸಕ ಮನಗೂಳಿ ಅಸಮಾಧಾನ
• ಹಕ್ಕು ಪತ್ರ ವಿತರಣಾ ಸಮಾರಂಭ

ಸಿಂದಗಿ: ನಗರದ ಸ.ನಂ. 842ರಲ್ಲಿನ ಕುಟುಂಬಗಳ ತೆರವಿಗೆ ಹೈಕೋರ್ಟ್ ಆದೇಶ ಮಾಡಿತ್ತು. ಅದರಂತೆ ತೆರವುಗೊಳಿಸಲಾಗಿದೆ ಆದರೆ ಈ ವಿಷಯದಲ್ಲಿ ನನ್ನ ಹಾಗೂ ನಗರಸಭೆ ಅಧಿಕಾರಿಗಳ ಮೇಲೆ ಆಧಾರ ರಹಿತ ಆರೋಪ ಮಾಡಲಾಗುತ್ತಿದೆ ಎಂದು ಶಾಸಕ ಅಶೋಕ ಮನಗೂಳಿ ಅಸಮಾಧಾನ ವ್ಯಕ್ತಪಡಿಸಿದರು.

ಆ ಜಾಗದಲ್ಲಿನ 82 ಕುಟುಂಬಗಳು ನಿರಾಶ್ರಿತವಾಗಿವೆ. ಅವರಿಗೆ ಸೂರು ಕಲ್ಪಿಸುವ ಜವಾಬ್ದಾರಿ ನಮ್ಮ ಮೇಲಿದೆ. ಅಲ್ಲಿನ ನಿರಾಶ್ರಿತ ಕುಟುಂಬಗಳು ನಗರಸಭೆಗೆ ಬಂದು ಅರ್ಜಿ ಸಲ್ಲಿಸಬೇಕು. ಅಲ್ಲದೇ ಅವರು ಈ ಹಿಂದೆ ಎಲ್ಲಿಯಾದರೂ ಜಾಗ ಪಡೆದುಕೊಂಡಿದ್ದರೆ, ಆ ಜಾಗಕ್ಕೆ ಸರ್ಕಾರದಿಂದ ದೊರೆಯಬಹುದಾದ ಪರಿಹಾರ ಮತ್ತು ಅದರ ಮೌಲ್ಯವನ್ನು ಕೊಡಿಸುವ ವ್ಯವಸ್ಥೆ ಮಾಡಲಾಗುವುದು ಎಂದು ಭರವಸೆ ನೀಡಿದರು.

ನಗರಸಭೆಯ ಸ.ನಂ. 28ರಲ್ಲಿ ಅಂದಾಜು 550 ಕುಟುಂಬಗಳಿಗೆ ನಿವೇಶನ ಒದಗಿಸುವ ಗುರಿ ಹೊಂದಿದ್ದು, ಅರ್ಹ ಲಾನುಭವಿಗಳಿಂದ ಅರ್ಜಿ ಆಹ್ವಾನಿಸಲಾಗಿದ್ದು, ಲಾನುಭವಿಗಳ ಆಯ್ಕೆ ನಂತರದಲ್ಲಿ ಸೂಕ್ತ ನಿವೇಶನ ಹಂಚಿಕೆ ಮಾಡಲಾಗುವುದು ಎಂದರು.